CH
•
CH
•
اهلا فيكم حبيباتي انكمل الحين بفتح ملف الاكلات اللي تتثلج كامله وان شاء الله بعدها اقولكم على طرق الطبخ السريع
بسم اللله نبدء
[اللزانيه الجاهزه
جيبي صحن قصدير الحجم اللي تحبين وحطي فيه اول شي صوص الطماط وطبعا كل وحده تحب تحط خلطتها الخاصه في الصوص يعني اللي تخليه ساده واللي تحط اوريجتنو واللي تحمسه مع ثوم المهم جيبي اللازانيا وهي ناشفه بدون سلق او اي شي ناشفه كما هيه وحطي عليها الحشووه دجاج لحم مفروم مع خضروات او بدونها وسويها طبقات ورشي بين الطبقات جبن وبس وغلفيها عدل بعدين اذا بغيتي تسوينها بس طلعيها اذوب وحطي عليها البشاميل ورشي جبن وعالفرن فورا الطعم خيال والوقت 10 دقائق
الفطائر
سوي عجينة فطاير اللي متعوده عليها واللي تبي طريقتي تطلب وسوي الفطاير كلها ميني وسوي بيتزا بعد ميني وشكلي بالحشوات خليها تستوي تماما جاهزه للاكل وجيبي صحون النايلون وشكلي كل صحن من كل نوع شويه وغلفيها عدل يا بنات التغليف اهم شي يحفظ النكهه طازه وصفيها بالفريزر وعند التسخين تذوب اولا وبعديت تتسخن بالمكروويف او الفرن كانها صنع جديد مايبين عليها
اوكي
الرولات السمبوسه والسمبوسك
شكلي بالحشوات ونوعي بالاشكال وثلجيها راح اتساعد جدا خاصه بالعزايم الكبيره
الخضروات
البادنجان اشويه على النار من فوق وقشريه واهرسيه وعبيه بكياس التثليج طريقة الاستعمال
ذوبيه وحطي عله طحينه وروب وليمون وحبة ثوم وملح واخلطيه بشوكه يطلع مثل متبل المطاعم بالظبط وزوجي يحب هالاكله او بابا غنوج او بس اضيفي عليه سمن عربي وملح ينفع للسحور والطعم حلو
اقليه دوائر للمقلوبه والمسعقة او مربعات للفته والسلطات
الزهره والبروكولي ينسلق ويجهز لليخنات والعجه وهذي الخطوه تساعد الانه تكون الخضار مغسوله وجاهزه يعني مو تضيعين الوقت بالتقشير والغسيل وباقي الخضار جاهز من الجمعيه واهم شي البطاط الجاهز يسهل عليكي المهمه
الحين الصلصات
اولا الدقوس جيبي ثوم وحمسيه وحمسي عليه معجون الطماط ووحطي الماي مع ماجي وبهار وفلفله حاره وذوقي طعمه حلو ينفع للمرق السريع خاصه المجبوس واذا كان العيش مع سمك بس اضيفي عليه حمسة الكزبره والشبت سريع وخفيف طبعا يتبرد وينحط بكياس التثليج
ورق العنب
اتسوينه عادي وتطبخينه وتثلجينه وين السر ؟ السر هو بطريقة التسخين جييبي جدر حطي بطاط تحت وحطي ورق العنب وذوبي ماجي وزيت زيتون وعصير ليمون وصبي عليه شوي شوي ولمن يبلش يغلي قصري النار واول ما يحما شيليه كانه مطبوخ اليوم المحشي نفس الطريقه بس شرط يكون الرز ماله رز مصري اللي يعجن داخله طبعا الطعم احلا وعند التسخين مايخرب
صوص المعكرونيات
طماط مقشرومهروس محموس مع ثوم وشوي معجون طماط وماي وماجي يضاف عليه التوابل اللي تحبينها اوريجانو ريحان نعناع بهار المهم هم يتثلج جاهز للطبخ وفي عندي صلصات بعد كثيره مثل صلصة المطبق الكويتي وصلصة الكبسه كلها اجهزها واثلجها عادي
الحمسات
جميع انواع الحمسات لحم دجاج سمك روبيان خضار تجهز عادي وتثلج ما يصير لها أي شي عاي تسخن فقط
بنات راح اخذ بريك وفتح ملف الاكلات السريعه واللي ما توسخ المطبخ وهذا ملف ممتع ولكن يبيله تفصيل انتظروني
بسم اللله نبدء
[اللزانيه الجاهزه
جيبي صحن قصدير الحجم اللي تحبين وحطي فيه اول شي صوص الطماط وطبعا كل وحده تحب تحط خلطتها الخاصه في الصوص يعني اللي تخليه ساده واللي تحط اوريجتنو واللي تحمسه مع ثوم المهم جيبي اللازانيا وهي ناشفه بدون سلق او اي شي ناشفه كما هيه وحطي عليها الحشووه دجاج لحم مفروم مع خضروات او بدونها وسويها طبقات ورشي بين الطبقات جبن وبس وغلفيها عدل بعدين اذا بغيتي تسوينها بس طلعيها اذوب وحطي عليها البشاميل ورشي جبن وعالفرن فورا الطعم خيال والوقت 10 دقائق
الفطائر
سوي عجينة فطاير اللي متعوده عليها واللي تبي طريقتي تطلب وسوي الفطاير كلها ميني وسوي بيتزا بعد ميني وشكلي بالحشوات خليها تستوي تماما جاهزه للاكل وجيبي صحون النايلون وشكلي كل صحن من كل نوع شويه وغلفيها عدل يا بنات التغليف اهم شي يحفظ النكهه طازه وصفيها بالفريزر وعند التسخين تذوب اولا وبعديت تتسخن بالمكروويف او الفرن كانها صنع جديد مايبين عليها
اوكي
الرولات السمبوسه والسمبوسك
شكلي بالحشوات ونوعي بالاشكال وثلجيها راح اتساعد جدا خاصه بالعزايم الكبيره
الخضروات
البادنجان اشويه على النار من فوق وقشريه واهرسيه وعبيه بكياس التثليج طريقة الاستعمال
ذوبيه وحطي عله طحينه وروب وليمون وحبة ثوم وملح واخلطيه بشوكه يطلع مثل متبل المطاعم بالظبط وزوجي يحب هالاكله او بابا غنوج او بس اضيفي عليه سمن عربي وملح ينفع للسحور والطعم حلو
اقليه دوائر للمقلوبه والمسعقة او مربعات للفته والسلطات
الزهره والبروكولي ينسلق ويجهز لليخنات والعجه وهذي الخطوه تساعد الانه تكون الخضار مغسوله وجاهزه يعني مو تضيعين الوقت بالتقشير والغسيل وباقي الخضار جاهز من الجمعيه واهم شي البطاط الجاهز يسهل عليكي المهمه
الحين الصلصات
اولا الدقوس جيبي ثوم وحمسيه وحمسي عليه معجون الطماط ووحطي الماي مع ماجي وبهار وفلفله حاره وذوقي طعمه حلو ينفع للمرق السريع خاصه المجبوس واذا كان العيش مع سمك بس اضيفي عليه حمسة الكزبره والشبت سريع وخفيف طبعا يتبرد وينحط بكياس التثليج
ورق العنب
اتسوينه عادي وتطبخينه وتثلجينه وين السر ؟ السر هو بطريقة التسخين جييبي جدر حطي بطاط تحت وحطي ورق العنب وذوبي ماجي وزيت زيتون وعصير ليمون وصبي عليه شوي شوي ولمن يبلش يغلي قصري النار واول ما يحما شيليه كانه مطبوخ اليوم المحشي نفس الطريقه بس شرط يكون الرز ماله رز مصري اللي يعجن داخله طبعا الطعم احلا وعند التسخين مايخرب
صوص المعكرونيات
طماط مقشرومهروس محموس مع ثوم وشوي معجون طماط وماي وماجي يضاف عليه التوابل اللي تحبينها اوريجانو ريحان نعناع بهار المهم هم يتثلج جاهز للطبخ وفي عندي صلصات بعد كثيره مثل صلصة المطبق الكويتي وصلصة الكبسه كلها اجهزها واثلجها عادي
الحمسات
جميع انواع الحمسات لحم دجاج سمك روبيان خضار تجهز عادي وتثلج ما يصير لها أي شي عاي تسخن فقط
بنات راح اخذ بريك وفتح ملف الاكلات السريعه واللي ما توسخ المطبخ وهذا ملف ممتع ولكن يبيله تفصيل انتظروني
الصفحة الأخيرة