نجي للطبخات السريعه
البشاميل
طبعا ماينفع يتثلج عشان جذي اخترعت وصفه سريعه جدا
اولا حطي في صحن ألأاتي
لكل كوب باشاميل 3 ملعقه حليب مجفف و2 ملعقه طحين وكوب ماي مغلي يعني اذا 3 اكواب بشاميل 9 حليب و6 طحين 3 ماي ونخليه عالطاوله ونجيب ماي بالغلايه يكون يغلي وماجي لكل كوبين حبه وحده 4 اكواب كرتونه بحبتين مفهوم
الحين عالسريع الخلاط العمودي جاهز والماي يغلي حطي الماي والماجي وخلطي لين اتذوب حبه الماجي وبسرعه حطي الطحين مع الحليب المجهر كل الكميه مره وحده وخلطي راح يصير البشاميل جاهز بدون ماتحطينه على النار صبيه فورا على البايركس والطعم ماراح اقولكم انتو جربو وشوفو شلون
الارز السريع
طبعا احنا قلنا الدجاج مسلوق جاهز والسمك متبل وجاهز يبقى الرز شلون
جيبي بصل شرايح بالطول يعني جوليان مفهوم وثوم مدقوق مع فلفل وزنجبيل وبهار مطحون اهم شي اللومي الدارسين والهيل والبهار الكاري وضيفي حسب ذوقك من ظمن الاضافات بعد الخضروات اذا تبين الارز اخضر بازيلا وبقدونس وكزبره اذا تبين على احمر شوي طماط مهروس واذا على بني احمسي البصل واجد واحمسي البهار معاه واذا اصفر خلي البصل ذبلان بس وحطي صبغ عيش وزعفران واذا رز للسمك ينحط له السبت والكزبرع واذا في راس سمك حطيه مع الرز عشان يعطي النكهه وعند الصب ارميه
اوكي
المهم الرز ينغسل ويتنقع بماي حار جدا لمدة ساعتين
الحين التحضير السريع
حطي الجدر علي النار حطي البصل والثوم وحمسي عالسريع وحطي الاضافات البهار وغيرا وصبي الماي الساخن حطي ماجي وملح وتذوقي الملح عدل واخيرا حطي الرز علي النار العاليه على الاخير وخليه يطبخ زودي مايه شوي خليه مكشف لا تغطينه لين ينشف الماي كله وبعدين غطيه وحطيه على اهدى نار عندك وانسيه روحي سوي شي ثاني غيره
راح يصير كانه مال مطاعم التحظير ربع ساعه فقط
المعكرونيه
طبعا في ناس ماتحب تستخدم المايكروويف وفي ناس ماتعرفله بس المايكروويف يسهل عليج جدا في رمضان واللي يخافون من الاشعاع اقولهم اذن ابعدو عن كل شي الجوال التلفزيون العاب الالكترونيه كل شي يطلع اشعاع والامراض اللي موجوده الحين من الله والموت له يوم واحد لايتقدم ولا يتاخر عشان جذي انا استخدمه عادي واتكل على الله
المهم واني اتجهزين حشوه المعكرونيه اللي هيه اصلا جاهزه ومثلجه حطي المعكرونيا في طشت وصبي عليها ماي حار وملح وشوية زيت وحطيها بالمكروويف وضغطي الزر اللي عليه رسمه النودلز وكل شوي حركيها بالملعقه لي جهزتي الحشوه والبشاميل طلعيها وتكون جاهزه ولا جدور ولا بطيخ وهم تفضي لج الفرن لاشاء اخرى
طبعا القلي مهم لازم نشتري قلايه واجد تسهل المهمه حطي القليه وروحي سوي شي ثاني
المهم تكونين سريعه جدا وتحطين كذا شغله مع بعض وديرين بالك عدل يعني مو تروحين اطالعين التلفزيون شويه وتقعدين شويه لا من تدخلين المطبخ ما تطلعين الا وانتي ناهيه كل شي وروحي تعبدي شوي وقبل الاذان بنص ساعه دشي لللمسات النهائيه في ملف للحلو بس مؤجل حاليا

يتبع

بصراااحه روووعه
الله يوفقك ويجزاك خير ويجعله في ميزان حسناتك يااارب

جزاك الله خير شوقتينا لاجواء رمضان اللهم بلغنا رمضان
والله جازتلي الفكره خصوصا ان زوجي شعبان ماراح يكون موجود
فاراح استغل فراغي بالتفريز

جزاك الله خير شوقتينا لاجواء رمضان اللهم بلغنا رمضان
والله جازتلي الفكره خصوصا ان زوجي شعبان ماراح يكون موجود
فاراح استغل فراغي بالتفريز