استفيدو من موقف امي وصبرها على ابوي

بنات مين كان ابوها يطق امها او تذكر موقف ابوها طق امها عليه؟؟
وكيف كانت الطقه اليمه قويه بسيطه عاديه ؟؟

انا ابوي من النوع اللي يده طويله على امي بس طقات عاديات يعني كا كرامه بس لاكن ما احسها تعور جسديا الا مره كان معصب مهوب معصب كان من جد ذاك اليوم مغلق وقافل بقوه لدرجة اني اذكر الموقف مع اني كنت بأولى ابتدائي ولين الحين مانسيته

احسكم الحين تحسبونه ذبحها لا بس هي اول مره افطن انا على موضوع الطق عشان كذا كان ماره قوي بالنسبه لي


كان ابوي مستلم ذاك اليوم ومعصب ابوي اذا عصب يصير كذا يعطي اوامر ويضيق بقوه على امي ويتوتر البيت فقبل يطلع قال خليني اشوفك طالعه ولا رايحه للجيران ولا مجمعه خمة ها الحريم عندك ومن ها الحكي امي كا العاده سكتت ماردت عليه واكيد في نفسها تقول ايه انت اطلع ويصير خير ان شاء الله ومن طلع ابوي كلمت جاراتنا اللي هم صديقاتها وماكذبو خبر وجو كلهم لاكن المفاجئه اللي ماكانت بالحسبان ابوي زي ماقلت لكم مقفل ماله خلق يداوم راح وخلا واحد يستلم بداله ورجع للبيت وحصل الحريم راح وتكا في الملحق لين طلعت اخر وحده ودخل على امي المسيكينه وهاتك ياتمزيع ياهو كفخها ياهو طقها ياحنا قلبنا البيت مناحه احنا نصيح وامنا تصيح وابوي رفسه فينا ورفسه في امنا

بس امي سكتت وجلست وصبرت لو انها طلعت او طلبت الطلاق كان مهيب الحين شايخه وبيت وعيال وابوي تغير وصار على قولة عمي ماعنده الا ماعندها وما شاء الله عليها كل شي على كيفها رغم انها عانت في البدايه

الحين عطونا مواقفكم ويمكن اللي توهم متزوجات او عندهم مشكله يتعضون من بعض مواقف السلف اللي هم الامهات