الواحد اذا حس بالغربه بيحس بغيره
انا اسوي اللي اقدر عليه وبصراحه مايطاوعني قلبي اعرف ان احد جاي ومااقوم بواجبه
اي احد يدري عنه زوجي انه وصل لمدينتنا نرسل القهوه والشاي حتى لو مابينهم صداقه
والله يكتب الاجر للجميع

انا و زوجي جينا على امريكا عرسان .....واللغه يادوب تمشي الحال
تعبنا تعب الله لايوريكم ....لدرجة انه زوجي قال خلاص راح اكنسل البعثه وارجع ماني قادر اتحمل الضغط اكثر من كدا جلسنا في الفندق فتره طويله وكمان استأجرنا سياره عشان ندور على شقه ....وكل يوم مصااااريف ..وبدأت الفلوس تخلص واحنا لسا مو مستقرين
لمن خلاص قلنا فرجت لقينا شقه ..طلعت مهجووره ..والسكن كله عجااااايز......وجلسنا فيها 4 شهور ماادري كيف عدت علينا الايام

الخلالالاصه ....انه زوجي اخذ عهد على نفسه انه يساعد كل الجدد من الالف الى الياء
كان يروح المعهد ويسأل ادا في احد جاي من السعوديه جديد .....على طول ياخد الرقم ويتكلم معاه ...ويروح يستأجر شقه ويحجز فندق ويضبط كل الامور قبل مايجي الطالب الجديد ...ولمن يوصل بالسلامه ..يوقف معاه من البدايه لحد ماخلاص يبدأ يعتمد على نفسه ويقدر يضبط اموره بنفسه ....
والحمدالله انا كمان اوقف مع الي تجي جديده وما اخليها تحس انها غريبه ..بالعكس احاول اطلع كل ايجابيات الغربه وانسيها هم الغربه
وفين مااروح اخذها معايا واعرفها على البنات ..وعلى الاماكن الحلوه ..والمحلات الي ممكن تحتاجها ....يعني ماشاءالله خدمه خمس نجوم...
وما استنى من احد شكر ولاهديه ....لاني احس اني قاعده اسوي واجبي

سبحان الله شفت انواع من الاخلاق في كل الجنسيات والكل في بدايه اغترابه طيب وزين وقمه في الاخلاق بس البعض بعد ماتخلص المصلحه ولاكانه يعرفك والبعض منهم يتمادى ويحاول اذيتك
واكيد هناك الطيب والزين بس الانسان يعمل الخير ويرميه في البحر والله كريم

الله يجزاكم الجنة ويرفع قدركم
كان الحسن البصري يقول: لأن أمشي في حاجة أخي حتى أقضيها له أحب الي من أن أعتكف في المسجد شهر..ماقالها الحسن وهو العابد ولانزكيه على الله الا وهو يعلم جزيل الثواب وعظيم الأجر من الله لاعانة المسلمين..

سؤالي هل مريتي بهذي التجربة أنتي وزوجك وكنتي تتضايقين من مساعدته لأخوه المغترب الجديد؟ ايه مريت .. بس بالعكس حلو انا نساعد الناس ويساعدونا لأني دايم اتذكر ان في يوم ساحتااج كل عمل ناافع عملته في الدنيا ..
أو كنتي حبوبة ومبادرة ترسلين القهوة والشاي وملحقاتها؟ ايــه داايم ... احب اسوي حركات و احب الناس يدعون لي ..
وبعدها بفتره يعجبني يقولون الله يجزاك خير يوم وصلنا كنا جوعاانين ويوم ارسلتيلنا دعينا لك .. ^-^ .