هلا خواتي شو اخباركم ....
تولهت عليكم واااااااااااايد وعلى المنتدى الغالي حواء بس تأكدوا ان اختكم دريم لو تنقطع بتم على نفس اسلوبها وتنقل لكم جديدها وتجاربها بكل امانه عشان تعم الفائده للجميع ...
اليوم انا بخبركم عن طريقه يديده عكس طريقه الحمام المغربي المتعارفه لدى الجميع ... هاي الطريقه لو اتبعتيها بنفس الخطوات تأكدي ان بشرتج بتكون صافيه ولا حبه فيها واللي تعاني من البثور والاسوداد والمسامات المفتوحه وخسرت مبالغ على ادويه التقشير وبعد طلعه روح وتصلخ وكريمات وقشور ما تبدلت الى سطح البشره ورجعه بشرتها مثل ما كانت ..... تأكدوا بهذي الخطوات بأذن الله جميع مشاكل البشره بتختفي تماما يعني روحه بلا رده ....واحلى شي ان نتايجها سريعه ودائمه يعني لو لو استخدمتي الطريقه واختفت الحبوب وشفتي النتايج المرضيه ووقفت عن الحمام فتره مستحيل بترجعلج الحبوب او البقع مره ثانيه مستحيل ...
طبعا خطوات الحمام استفدت منها جدا لانها كلها بالاعشاب واللي كانت تسويها لي خبيره البشره في بوظبي وضحى القبيسي صاحبه صالون بينك لينك .
انا اليوم انقلها لج عزيزتي عشان تستخدمينها في البيت (خصوصا اللي توهها مربيه واللي عرسها قرب او اللي لليوم عندها اثار البقع في ظهرها من تغير الهرمونات في مرحله البلوغ بس المطلوب عليج تروحين عند العطار وتشترين من عند الاعشاب اللي تجفف البشره والاعشاب اللي تنعمها ....
لو كنت اعرف بالضبط شو نوع الاعشاب اللي يستخدمونها في صالون بينك لينك اللي في بوظبي كنت افدتكم....بس انا بنقل لكم خطوات الاعشاب البخاري اللي دوم تسويها لي الخبيره في صالونها ......
الخطوات....
... اول شي ادخل الحمام وتدخل الخبيره ..معاي تحط ليفتي داخل ماي حار وتضيف سائل شو هو ما اعرف (اتقول عشان اتنظف الليفه عدل واتعقمها قبل الاستخدام ) عقب اترشش بماي دافي عقب توزعلي خليط لزج كأن صابون المغربي بس لونه بني غامج غامج
(اظن انها اعشاب تذوب وتعطي هذا اللون لان لو كان غسه او سدر او حنا او طين مستحيل اثناء الفرك اطلع الوصخ بالعكس بتنعم البشره بدال لا تجففها واثناء الفرك بيتصلخ الجسم عشان جذي ما قدرت اخمن شو اهوه بالظبط بس ريحته حلوه وقويه في نفس الوقت لتطهير المسامات واحلى شي ان ما يحرق الجسم او يحسسها وقت ما تموت البكتريا المسببه للبقع والبثور )
.... طبعا توزعه على كامل الوجه والجسم وتطلع عني واتم في البخار ربع ساعه عقب تدخل وترش ماي دافي عشان تتأكد ان الخليط طلع تماما من الجسم عقب تبتدي عمليه الفرك بليفتي الخاصه من راسي لين ريولي وطبعا كل ما تفرك منطقه واطلع الوصخ يكون معاها دلو فيه ماي دافي وشوي حار عشان اطهر المسامات وتنفتح اكثر عشان اطلع الوصخ اللي بواسطه اللي امتصتها لاعشاب من داخل الطبقات العميقه لمسمات البشره ... ومن تخلص طبعا اتشطف عدل بالماي الدافي عقب تيب مزيج لونه رمادي مخضر مخلوط فيه اعشاب مثل الزهور توزعه على كامل الوجه والبشره وتخليه 10 دقايق عشان البشره تمتصه ومن يخلص الوقت اترشش بماي بارد تقولي عشان يشد الجسم ويغلق المسامات كلها اللي اتعقمت ....
****لله اكون افدتكم حاولوا اتجربونها في البيت مع جهاز البخار والاهم تفرقون بين الاعشاب اللي تجفف البشره عشان يطلع الجلد الميت وبين الاعشاب اللي تنعم البشره وبس وسلامه راسكم يا الغاليات انتظروا جديدي ....
:26:اختكم دريم
ana_dream @ana_dream
عضوة
استقبلي العيد وبشرتج صافيه حيل بخطوات الخبيره وضحى القبيسي لحمام الاعشاب البخاري ...
4
1K
يلزم عليك تسجيل الدخول أولًا لكتابة تعليق.
غيمة الصيف
•
يا عمري ما استفدنا لأن ما كتبتي اسماء الأعشاب
الغاليه انا خبرتكم ان الاعشاب بتحصلونها عند العطارين يعني تستخدمين اي اعشاب طبيعيه 100 %...
مشكورة
بس ماندري وش الاعشاب والصابون يعني ماندري وش نسوي بالضبط
ومشكورة مرة ثانيه
بس ماندري وش الاعشاب والصابون يعني ماندري وش نسوي بالضبط
ومشكورة مرة ثانيه
الصفحة الأخيرة