استمر معه ولا اتطلق ؟

السلام عليكم ورحمة الله وبركاته


انا تزوجت واحد كان مطلق سابقا يعني مو وحدة ولا ثنتين وكنت اقول لنفسي اكيد ناقصة شي

اكيد انا حاولت اكون غير وما اكرر اغلاطهم وتوكلت على الله وتحملته وتقربت له وحاولت اخليه سعيد واخلي حياتنا سعيدة مع انه كان معذبني وعنيد وكل شي كان عندة مستحيل ...بطولة البال قدرت اغيره والكل لاحظ عليه والكل قال فعلا انه العيب في زوجاته السابقات

وكان يثني علي ومبين في عينه
وكان مصر علي اجيب عيال كثار وكنت اقول ليش ؟يمكن لانه يحب الاطفال مع ان اطفاله من السابقات مااهتم منهم ؟ولما فكر يطلقهم مافكر في عياله ...

المهم مرت الايام وكنت في ذيك الفترة مقتنعه بزوجي وحيتنا تمام بس لاحظت انه متغير ويفكر ويهوجس كثير ...
وكان جالس على ذا الحال تقريبا سته شهور
حتى لما اتزين مايهتم ولا كني موجودة وحتى لما اطلب شي كان يحاول يعطيني بس اهم شي ما اقطع علية تفكيرة وكان عصبي على طول ولما اسأله ليش يقول العمل

والصدمه .....لما جاني وقال ابتزوج بعد ماعلم الكل انه قرر وانا اخر وحده
سبحان الله كنت ثابته والله منزل علي العزء من فوق وكنه يقول لي خبر عادي كان قلبي بارد والله مثبتني
اخر خبر كنت اتوقعة ..قلت له طلقني ..قال لو كنت متوقع انك بتطلبين الطلاق كان دورت وحده افضل من هاذي ....يعني عادي عنده يطلق لانه وقتها كان فرحان بالجديدة مع انه عارف انها مو افضل مني

تزوج واحس انه انصدم وما اعجبته ابدا شكله كان متوقعها افضل ..وشكله كان عنده نيه يطلقها بس سبحان الله المهم انها حملت واحسه ضايق و تعبانه نفسيته

طيب وش تنصحوني فيه اذا كنت ضحيت هاذي التضحيات كلها ومابين بعينه
والله كل يوم استخير
احسه وكل ماله ويصير اسوء والمشكلة انه يقول ليش معصبة عادي اني اتزوج انا ماسويت حرام صح انا غلطت بس وش اسوي ما اقدر ارجع الايام واحس وهو يقولها يعطيني على قد عقلي
المشكلة انه يتوقع حل كل مشكله بزواج
احترت اتركه ولا اجلس واصبر مع اني صبرت اول وزاد الامر سوء ويمكن مع التوكل على الله يتغير مع ان هاذي النوعيه مستحيل يتغير
ولا اتركه احسن مايتركني بكرة وانا معي منه عيال كثار لما يلقى افضل


ادعو لي ..والله كل يوم لما يطلع مني ويروح لها وانا اتذكر اني ماقصرت بشي اموت من القهر اجلس طول ليلي ابكي ..ليش تزوجت واحد اناني

ادعو لي يختار الله لي.. يااستمران كان لي فيه خيرااواتطلق ويعوضني الله خير منه

محتاجة دعواتكم ...