مشموشة2000 @mshmosh2000

عضوة نشيطة

استنتاجاتي الخاصة للحياة

مساء الخير على احلى حوائيات في الكون
اليوم حبيباتي قررت اني راح اكتب لكم مفاهيمي واستنتاجاتي الخاصة فيني لهذي الدنيا اللي انا عايشة فيها
مع العلم انه لكل انسانة فينا وجهة نظر خاصة فيها على حسب حياتها اللي عايشتها
يعني انا راح اتكلم عن نفسي>>>>>نفسي وبس
انا فتاة عمري 25 سنة متزوجة وعندي ولد الله يحفظة
درست كلية قسم رياض اطفال وانتظر الوظيفة الله يرزق كل من تمناها المهم هذي نبذة بسيطه عني
راح اعلمكم اللحين استنتاجاتي اوتساؤلاتي
لحظة راح اقولكم قصة بسيطة حصلت لي مرة في الكلية
هذا ياطويلات العمر انا كنت في الكلية ومعي 2 من صديقاتي اللي كانومعاي في المدرسة وهم في نفس الوقت من نفس المحافظة اللي انا عايشة فيها فالناس اللي انا اعرفهم هم كمان يعرفونهم وكنا جالسين نتقهوى ومعانا وحدة متعرفين عليها بالكلية جلسنا نسولف وجبنا طاري حرمة نعرفها المهم انا جلست اقول ان هذي احرمة انا احبها واقول انها حبيبة وطيبة وعسل وانها قمة الحبابه جت البنت اللي متعرفين عليها قالت يووووووووووه مسكينة وجلسن صديقاتي يقولون لا لا موحبيبة وانا اقولهم حررررام عليكم خافوا ربكم والله انها حبيبة وهم يقولون لا ويفهمون البنت انها مو حبيبه وانا تنرفزت وقلت الا حبيبة وليه وش سوت لكم علشان تقولون انها موحبيبة وقمت وخليتهم جت وحدة من صديقاتي لحقتني وقالت لي يابنت الحلال البنت فاهمه حبيبة انها مو صاحية يعني فيها نسبة تخلف وحنا نبي نفهمها انها عاقله وسليمة ما فيها شي وانه حبيبة يعني طيبه هم كذا يسمون حبيبة يعني متخلفة عاد انا رجعت وقلت له انك فاهمة غلط وفهمتها قصدي ..................
المهم ........ اني انا فهمت شي وهي فهمت شي ثاني
هذا مجرد مثال
بس لين الان ما دخلت في موضوعي اللي هو ليه تغيرت المفاهيم عند الناس
انا انسانة خلوقة ومحترمة وما احب اجرح احد لا بالقول ولا بالفعل بس لاحظت ان الناس ما تحترمني ودايما تجرحني
ولاحظت انه في هالزمن الطيب ينداس بين الرجول من زمان كان الناس يقولون فلانه محترمة فلانة طيبة وتنحط على الجرح ويبراء لزم نحترمها ونقدرها لانها محترمه وكل العالم يضرب لها الف حساب لانها محترمة
اما اللحين لا فيقولون فلانة حبيبة ماعليكم منها بس ما تقول شي هادية فلانة مايهمها عزمناها ولا لا تجي من دون عزيمة مخفة تراها ما تقول شي وتنداس بالارض لانها مااااااااااااااااااااااا تقول شي
والقويه ام عشرة السن هي اللي يضرب لها الف حسااااب وهي اللي ينخاف من ردت فعلها وهي اللي كل شي تحت امرها

ليه تغير مفهوم الناس للاحترام ليه ما عاد فيه ااااااااااااااااانصاف بهالحياة
مررة صار لي موقف ما راح انساه طول عمري هذا ياطويلات العمر اخوي من ابوي متزوج خالتي اخت امي وهم ساكنين في منطقة بعيدة شوي عننا المهم اخوي هذا هو الكبير ويحبنا ويعاملنا كننا اولادة بحكم ان ابوي متوفي وانا عمري 5 سنوات المهم بعد ما جبت ولدي وصار عمرة 3 شهور حبيت اني اروح لاخوي علشان يشوف ولدي المهم رحت و وجلسنا في شقة ومن بكرى دقيت عليهم وقلت لهم اني راح اجيهم وياليت يجمعون كل خواتي واخواني واشوفهم مرررة وحدة وفعلا رحت واول ما دخلت سلمت وجلست الا هم جايبن كيكة وجت خالتي وتقول هالحفلة هذي كلها علشان.................................................................................فروحه اللي هي بنت خالتي اخوها يدرس برى وراحت زيارة عندة اسبوعين وجت وانا طبعا علشان بحالي ولا واعامل الناس بذوق ما احد درى عني وهم لهم اكثر من سنة ونص ما شافون ومع ذالك ماجاملتني حتى ليه طيب والله اني اعاملها مثل امي بس الشكوى لله ومن يومها عرفت ان الدنيا تغيرت وان العالم انجن وقلب الموازين وقررت اني اتغير علشان ما اموت لاني باليوم اموت مليوووون مرررة من الناس اللي تركض وراء هالدنيا وهي رامية كل المبادئ وراها والا المفروض انه الواحد يعامل الناس زي ما يحب انهم يعاملوه
وراح اقولكم حكاية ثانيه وهي صايرة لصديقتي وهي محترمة وخلوقة بس مشكلتها انها طاحت في ايدين نااااااس مو فاهمة معنى الاحترام تقول اني اول ما تزوجت كنت اعامل زوجي بكل ود واحترام وانه اذا صارت بيننا مشكلة اعتذر منه حتى لو كان هو للي مزعلني ومع مرور الايام بداء يتمادى بالغلط ويشتمني ويلعني ويلعن اهلي ويدفني ويتفل علي الله يكرمكم وانا محترمتة لين مررة تهاوشنا وانا حامل و دفني من الدرج وكنت في شهري السادس تقول بعدها تغيرت نظرتي للعالم واكتشفت ان المحترمة ما تاكل عيش بين هالوحوش وقررت اذا قالي كلمة اقول عشر بس بدون كلام بذيئ بس اخذ حقي واناقش وتقول والله هالحين صار يضرب لي حساب ولا يتلفظ علي محترمني لاني ادبته وصرت اخذ حقي
انا ياحبيباتي ودي اعرف ليه الناس تغيرت وليه العالم تبدل وصار الطيب ضعيف والشرير والملسون هو اللي ينضرب له حساب ليه كننا في غابة ما عاد احد يحترم احد ولا عاد احد يرحم احد ليه زمن اول تحول ليه وليه وليه وليه ...............................................................
اتمنى في نهاية استنتاجاتي يرجع الزمن فينا لايام ما كان كل واحد قلبة على الثاني ونصير نحب الانسان لانة يستاهل هالحب ونقدرة لذاتة مو علشان اشياء ثانيه وانه تتغير المفاهيم وتحلو الحياة
ودي واحترامي لكم جميعا

948

يلزم عليك تسجيل الدخول أولًا لكتابة تعليق.

تسجيل دخول

أم شــــهـــد • 14 سنة

والله انك صادقه الناس تغيروا وصاروا يعملون للي لسانه طويل الف حساب ويحترمونه اما المحترم يدوسنه ويصير مهزله لهم

فروووحه 15 • 14 سنة

صح صادقه

..هايدي.. • 14 سنة

صاااااااااااادقه وياكثر ماجاني من مواقف بسبب طيبتي ااااه بس

$>>امووونه<<$ • 14 سنة

اقسم بالله انك قلتي كل اللي في خاطري وفي قلبي
وانا حاليا اعاني وابكي بحرقه لهذا السبب

لاني طيبه وعلى نياتي واحب الكل واقدر بس مافي مقابل

على فكره ترى الحين حتى الام مع بنتها
والاخت مع اختها
نكران للجميل وعدم احترام وتقدير وقص في الظهر

الله المستعان

ترانيم الوفاء • 14 سنة

صح لسانك والله ان الطيبة تجي على راسها
(الاقارب عقارب)

طيب وش رايك بموقفي : قدر الله اني احمل انا و2 من سلايقي وحماتي وسبحان الله ولدنا كلنا وراي بعض

المهم انا بنتي تعبانه ومتنومة في العناية وماتت بعد 3 اسابيع تخيلوا يابنات بعد ماماتت باسبوع واحد بسسسس

سوي اهل زوجي عزيمه كبيرة ( حفله نجاح لعيالنا ، حفلة للمواليد الجدد ) تخيلوا موقفي وش كمان زوجي مشترك بهذه العزيمة

والله بكيييت لين قلت بس ورحت عشان خاطر بناتي لانهم معاهم بالحفلة وابغاهم يفرحون

تخيلوا احس انهم ماراعوا مشاعري تو بنتي ماتت اصبروا شوي

وطول الوقت يستعرضون بالموالد وهذا فلان ولد فلان وهذا فلان ولد فلان قدامي

يكفي الي سوو وانا بالنفاس وزادوا على انا مافتحت فمي بكلمه بس ابتسم واسولف عاااادي وقلبي من جوا مجروح منهم

الطيبة مابتعيش من هنا قررت لازم اتغيير وتغيرت فعلا صرت مااسكت واخذ حقي بيدي

واما ام زوجي فهي زي امي مهما سوت استحملها اما الباقي لا والف لا وبالطقاق