استنتاج ان شاء الله انه صح لكن يحتاج للمزيد من التجربه

السلام عليكم


يابنات اللي متابعين قصتي يعرفون اني طول الوقت على ظهري علشان يثبت الحمل ويخف النزيف عني ولله الحمد على كل حال >>>>> هالسدحة خلتني افكر بحاجتين قلت اعرضها عليكم وهي تحتمل الصواب وتحتمل الخطأ


يابنات قبل فترة بموضوع لاحد الاخوات عن المنشطات والابر التفجيرية وحدة من البنات ناسية اسمها قالت انه دكتورها يعطيها ابرتين تفجير وحده يوم يكون حجم البويضة زينة وبعدين يصير جماع في الوقت اللي هو يحدده وابرة التفجير الثانية بعدها بيومين واذكر انه الاخوات استغربوا لانه بالعادة هنا يعطونا بس ابرة وحدة للتفجير..واذكر ان هالعضوة قالت علشان لو صار تلقيح انه هالابرة الثانيةبعد ارادة الله تثبت البويضة الملقحة بجدار الرحم

انا قاعدة احاول ادور الموضوع واقتبسه لكم

الحاجة الثانية يابنات اذكر انه اغلب المنشطات اللي انا اخذتها على مدى سبع سنوات كانت كلوميد وابر تنشيط اسعارها متقاربة مااذكر اسمها المهم انا رحت لدكتور وقام سألني بالبداية كيف الميزانية قبل لايبدا لي بالتنشيط.. قلت له الحمدلله ليه؟.. قال لانه لو عادي عندك ابي اجرب معاكي ابر تنشيط غالية لكنها بعد الله هي الافضل وضررها اقل من الكلوميد والمنشطات الثانية لانها طبيعية ..فقلت له اوكيه ..وكتب لي منشطات اسمها جونال إف موجودة بصيدليات النهدي والسديس الابرة الوحدة بـ 150 ريال وفيه انواع منها على حسب قوتها وقال اني احتاج كل يوم ابرتين بقوة 75 ونمزج فيها بودرتين ووحدة مويا وهو كان جدا مستغرب يقول انا استغرب اللي تستمر عالكلوميد وتوقف وترجع له يقول ليه تضيعين وقتك الكلوميد يستخدم ثلاث فترات متباعدة وكل فترة مدتها ثلاث شهور واذا ماجاب نتيجة جربي منشط غيره


ولله الحمد والفضل اولا واخيرا اللي صار معاي انه اولا استمريت على ابر التنشيط جونال إف ستة ايام واخذت خلالها 12 ابرة تنشيط مع إني اشتريت 22 أبرة لانه قال حأحتاجها لمدة 11 يوم بس ربنا كتب اني مااكمل التنشيط فاستخدمتها لمدة ستة ايام وصار جماع واليوم اللي بعده رحت للدكتور وقلت له يكنسل العملية لي واعطاني ابرة تفجير وطبعا ماحصل بعدها جماع نهائيا - ركزوا الجماع صار قبل الابرة التفجيرية

والمفاجأة كانت ولله الحمد انه ربنا كتب لي الحمل لاول مرة بعد هالسبع سنين

اللي انا استنتجته وماراح يضرنا ان شاء الله
اطلبي من دكتورك انه يسوي لك تنشيط بأبر الجونال إف وقبل لاتاخذين ابرة التفجير خليه يصير جماع
للمعلومية:
زوجي عنده ضعف بالحركة وتشوه وانا معاي تكيسات وهرمون الحليب مرتفع وضعف تبويض

يابنات جربوا هالطريقة هالمرة ..انا ادري كل شهر عندنا يالمتاخرات غاااالي لكن عسى الله يكتب للجميع الحمل بهالشهر قادر ياكريم


بنات على فكرة ترى انا باقي عندي عشر حبات ابر جونال اف قوة 75 اللي تبيها بسعر معقول تراسلني عالايميل وبالتوفيق وادعوا لي ربنا يثبت اللي برحمي ويوقف النزيف
وعقبالكم يارب :26: