استودعي الله ومراح يضيع لقيته بعد 3 سنين قصتي كامله بدون تقطيع

السلام عليكم بنات وحريم وكلكم من اول وحده الى اخر وحده

عندي موضوع مدري وين احطه ابس الكل يستفيد منه

حصل لي انا شخصيا اليوم ايه نعم اليوم

شي ما يصدق ابد ابد صحيح هو عباره عن حاجه تافها بس اثارتني بقوه وحبيت اقولكم عن الفايده العظيمه ورى استوداعك الاشياء لله والله القصه لي وانا صاحبتها والي بتنقلها حلال عليها

اقولكم السالفه

ابوي عطاني كرت ذاكره له زين يا بنات قبل 3 سنين لا تضحكون من جد هو شي تافه بس اسمعو القصه
واخذته معي وعبيت له بالاشياء الي طلبها مني زين وانا راجعه من المدينه الي انا فيه الى بيت اهلي
مالقيت الكرت دورت عليه مره ومرتين وما لقيته ياربيه وين وراح المشكله فيه صور لنا
انا متعوده ما احط اي غرض الا استودعه الله
حتى بيتي اذا طلعت منه استودعته الله
اي صغيره وكبيره استودعها الله
المهم يا بنات رحت شريت كرت جديد لابوي وعبيته لها من جديد وقلت له السالفه
قال مال الحلال ما يضيع ويفداك يا بنيتي وكان ما شريتي جديد
المهم يا بنات رجعت للمدينه الي انا فيه وسافرت الى امريكا ورجعت لبيتي هنا بالغربه ومرت سنه على ضياع الكرت
واجي زياره لاهلي ونفس الشي كل الاماكن الي امر فيه بيتي الي بالغربه وبيتي الي بالسعوديه وبيت اهلي كلهم طبعا مافيهم شي
وتمر السنه الثانيه والان السنه الثالثه يا بنت نقلت لبيت جديد بالغربه و مع ترتيبي للغراض برضو ما لقيته

رتبت البيت كله وصفيت كل شي
المهم
اليوم وانا استعد لولادتي جبت شنطتي قلت يا بنت الحلال رتبيه مابقى شي على التاسع واخلص وكل يوم انتي تاجلينها
المهم وانا ارتب الاغراض فيها شق صغير ما عمري انتبت له دخلت فيه الملقط وطاح وانا اطلع الملقط جلست اتذمر اوووفف وش ذى الحظ مالقى يدخل الا هنا الملقط ومن هالكلام المهم وانا انفض الشنطه من جديد الا طاح الملقط ويطيح وراه الكرت
انا بققت عيوني وش هذا من وين جاء و اروح افتح الكرت بالجهاز والا هو كرت ابوي الي ضايع من 3 سنين سبحان الله شفتو شلون
ماني مصدقه عيوني يالله رحمتك يارب
مو مهم الكرت قد ما المهم الصور الي فيه
بس عرفت ايش يعني معنى استوداع الله الاشياء
اللهم لك الحمد ولك الشكر

وبس هذي قصتي:p اليوم كله احداث باحداث ومصلحه جريش ياخذ العقل يابنات احس اني صايره حرمه سنعه خخخخخ يعني ترى اعلمكم .... ما خليت احد ما قلت له اني مسويه جريش روحو شوفوه هههههه بالمنتدى خخخ