الحمد لله مقاطعة للمسلسلات والبرامج ما عدا برنامج مشاهد 3 لنبيل العوضي واجمل نظرة لمشاري الخراز وايام عمر لحسن الحسيني كلها برامج رائعة تستحق المشاهدة

مسلسل ناحجي عطالله مسلسل غبي جدا جدا جدا


اول شي للي ما يعرفني انا من غزة اصلا
والصراحة ما اتابع مسلسلات بس من كتر الضجة اللي شفتها عالفيس بوك عن المسلسل شفته

المسلسل مفصل تفصيل على عادل امام البطل الخارق اللي مافي زيو يا سبحان الله

اول شي انه مصري وكل اليهود بيحبوه وشوي ينتخبوه رئيس وزراء !!! >>>عجيب

تاني شي اللي بده يسرق بنك كبيييييير زي بنك ليئومي بالله النظام الامني للبنك بينسرق على فلاشة 4 جيجا!!!
لهالدرجة الغباء لو كدا بتنسرق البنوك لكان كل يوم بينسرق بنك صح ولا لا

طيب تغاضينا عن الموضوع

قال بدهم يعبرو من مصر لغزة عن طريق الانفاق
طيب اوكي مافي مشكلة
النفق جابوه الكتروني و مضوي ومبني خرسانة مسلحة شوي ويحطو كنب بالنفق !!!

يعني نفق 7 نجوم

الانفاق للي ما بيعرفها عبارة عن فتحة بالارض يادوب الشخص يعبر وهو محني ظهره مش 8 شباب طول عراض داخلين!!!

وكل يوم بنسمع عن نفق انهار والناس فيه راحو فيها

يعني يا سيد عادل امام بدك تحكي عن الواقع احكي زي الخلق والاوادم صح ولا انا غلطانة

بعدين بالنفق شافو كل مين هب ودب!!!

يعني الاتراك واللي من جنوب افريقيا تركو بلاد العالم ومالقو الا غزة!!

اساسا بعمرنا ما شفناهم اصلا


طيب لما وصلو رفح الفلسطينية جابو عرس اشبه مايكون عرس بدوي بجنوب سيناء
بالله هيك الاعراس بغزة

اي جدتي تزوجت من 80 سنة ولبست فستان ابيض جاي تقولي ان العروس لابسة ثوب!!
اي حدث العاقل بما يعقل

بعدين بالطريق قال الطريق مسكرة انزلو مشي
يعني مشيو من رفح لنص غزة مشي!!
ليش عايشين بالصحراء مثلا مافي سيارات

طيب غزة اكتر مدينة بالعالم كثافة سكانية جايبها كل الشوارع فاااااااااااااضية يا سبحان الله

طيب وصلنا على بيت ابو زياد
المفروض ابو زياد راجال كبير وقتدر جايبين بيته طوب ابيض ولا عفش زي العالم والناس
حسسوني عايشين بالصعيد

بعدين مقولة ان الغزاويين بيقربو للصعايدة طيب من وين لوين
غزة اقصى شماااااااااااااال مصر والصعيد اقصى جنووووووووووب مصر ايش جاب لجاب اصلا


بعدين في مشهد اللي طلع فيه ابنه يتفسح بغزة قال قعد على قهوة مع بنتين وكانهم بنات غزة فلتانات تبعون مغازل
مفكر حاله في مصر لا ولابسين ملابس اللهم عافينا كاسيات عاريات
وقال شو هما البنتين ما بيطلعو الا مع مقاومين !!!! هالجملة استفزتني استفزاز لا مثيل له

طيب تعالو نحلل المشهد

اول شي بنات غزة اشرف واطهر من انهم يلبسو هيك لبس ويقعدو مع شباب بقهاوي
بيصير فيها قضية شرف!!!

تاني شي بنات غزة 80% محجبات و10 بالمية صحيح مش محجبات بس لبس ساتر والباقي مسيحيين وبرضو مستوريين لاننا نفي العادات والتقاليد مافي عنا لبس فاضح ابدا
يعني ما عنا هالاشكال اللي جابها عادل امام وادعى انهم بنات غزة
وبيطلعوش الا مع مقاومين !!
يعني المقاوم اللي حامل روحه على كفه باي لحظة ممكن يجيه صاروخ فاضي ورايق يغازل بنات !!
طيب يا اخي خلي للمقاوم هيبته


بعدين بالمشهد اللي راح ضرب واحد وخلاه يبوس ايد ابو زياد

سبحان الله صارو اهل الشجاعية ينضربو بهالسهولة

طيب عنا بغزة او بمنطقة الشجاعية بالاخص لو صار مشكلة بين ابن عيلة (عشيرة\ قبيلة بمعني اخر) وابن عائلة تانية بتقوم القيامة وبيصير ثأر بالموضوع
عنا مثل (انا واخويا على ابن عمي وانا وابن عمي عالغريب)
جاي انتا يا ناجي عطالله تضرب ابن الشجاعية بكلللللللللللل هالبساطة
طيب يا اخي افهم اول التركيبة المجتمعية للمجتمع الغزي بعدين تعال اعمل مسلسل عنهم
طيب جابو غزة انها جبال وصحراء ونسي عادل امام انو غزة مدينة ساحلية تربتها خصبة وكلها زرع وشجر
طيب السيارات قال افخم شيارة مرسيدس ام عيون !!! طيب والله نسينا شكلها كل سياراتنا حديثة والحمدلله

المطاعم قال ما في مطعم طراوة على قولته !!! نعم
طيب غزة فيها من المطاعم الفخمة اكتر من مصر ذات نفسها

هادا غير عن اللبس البدوي والثوب والعقال واللهجة اللي لا تمت للهجتنا لا من قريب ولا من بعيد

من ناحية اخرى

الطريق يا سبحان الله مفتوحة بين غزة واسرائيل بساعتين بيكون بالبمك

سبحااااااااااااااااااااااااااان الله

لو الكلام بهالسهولة كان كل يوم سمعتو عن عملية بتل ابيب

يعني شباب فلسطين بكل قوتهم ما قدرو يعملو اللي عمله عادل امام وفرقته

مفكر بهالبساطة بتتم المواضيع طيب من 20 سنة ما قدرو الا 2 يدخلو اسرائيل من غزة

طيب تل ابيب النملة ما بتقدر تفوتها الا بسين وجيم علشان يدخل ويطلع براااااااااااااااحته بدون حسيب ولا رقيب
بتضحط على مين!!! العالم العربي مش بهالسذاجة اللي انت فيها يا عادل امام
استهبال رسمي الصراحة

بعدين شرقو البنك بسهولة سبحان الله كان البنك حضانة ولا بيت عادي
طيب البنك كله حراسات نفدتو منهم بسهولة !!! قمة الاستهبال
حسسني بحضر فيلم mission impossibe


طيب نيجي على حساباته اللي ما بعرف كيف بيحسبها بطريق الرجعة قال بساعة بنكون واصلين غزة وساعة بنكون بمصر
يا سبحان الله
حسستني يا عادل امام غزة غرفة وتل ابيب الغرفة اللي جمبها

طيب اذا الطريق عالخط السريع من غزة لمصر 6 ساعات بس انته جبتها ب ساعة سبحان الله
راكب طيارة مثلا

وعالحدود بين اسرائيل ولبنان بساعة وصلوها لا وايش ماشيين بكل ثقة كان الحدود مفتوحة مافي لا رادارات ولا جيش ولا شي
عادي ماشي بحديقة بيتهم
لا وبينامو وبياكلو براااحتهم بالطريق


يعني والله لو المقاومة بهالسهولة كان شفتوني طلعت اقاوم وارجع انام بالبيت


شفتو بالله هالمسلسل التافه

استغفر الله مالت عليهم وعلى مسلسلاتهم الفاشله

ييييييييييييييييييييييييع قسم بالله كل المسلسلاااااااااات دعااااااااااااااااااااااااره
السننه هذي مدري وش يحسووون بووووووووووووووه
استغفرالله العظيم رب العرش العظيم

كللللللل هادي دعايات بنعملها لهم واحنا مش عارفين

ومادام فينا من يشوفها حتى في شهرنا الفضيل ومادام لسه هالقنوات في بيوتنا يبقى نستاااااهل انهم يحتقرونا ويمثلوا بكل ما يشيننا