الطبق ده انا اكلته في مطعم ايطالي و عجبني اوي و حاولت اعمله في البيت طبعا هو مش زي المطعم بالضبط بس طلع قريب منه اوي و طلع حلو جدا اسيبكم مع الطريقة
استيك بانيه بصوص المشروم
المقادير
نصف كيلو لحمة استيك ــ مشروم حوالي اربع حبات كبار ــ بصلة صغيرة ــ 2 كوب كريمة لباني ــ معلقة دقيق
خلطة الاستيك عبارة عن
كوب و نصف لبن ـ معلقتين زيت زيتون ـ بيضتين ـ عصير ليمونة ــ ملح و فلفل و بهار زي ما تحبي ــ معلقتين خل ابيض ــ 2 ثوم مبشور او مقطع صغير
احط الاستيك في الخلطة اللي فاتت لمدة ساعتين و بعدين احطه على طول في خليط من الدقيق و البقشماط الناعم عليهم البهارات بتاعتهم
احمر الاستيك و احطه على جنب
لعمل الصوص
اجيب معلقة سمنة او زبدة واسيحها و اجيب البصلة اقطعها حتت كبيرة نسبيا و اقطع المشروم معاها و اشوحهم شوية في السمن
بعدين اجيب معلقة الدقيق احطها عليهم و اقلب شوية و بعدين احط الكريمة و الملح و الفلفل و ممكن شوية قرفة
اسيبها تغلي شوية و اعمل السمك اللي احبه يعني لو عايزاها سميكة ازود دقيق و لو عايزاها خفيفة ازود ماء او لبن
بعد كدة احط الاستيك البانيه في الطبق و اصب عليه من الصوص
يتقدم معاه بطاطس او مكرونة بصوص المشروم مع سلطة خضراء
( انا عملت معاه رز بالخضار كان حلو اوي)
و بالهنا و الشفا
يا رب يعجبكم
رواء الاسلام @roaaa_alaslam
محررة برونزية
يلزم عليك تسجيل الدخول أولًا لكتابة تعليق.
omahmed
•
تسلم ايدك يا رواء شكله يجنن اول ما اجيب اللحمة هاجربه ان شاء الله
ام احمد
مرويلا
شكرا للمرور و للكلمات المشجعة ده
بسمة عذبة
ايوة اللبن هو الحليب و شكرا لمرورك
مرويلا
شكرا للمرور و للكلمات المشجعة ده
بسمة عذبة
ايوة اللبن هو الحليب و شكرا لمرورك
الصفحة الأخيرة