استيك بطعم الساتى+شوربه الخضار والبقوليات+الارز الملون جديد ماء القمر

أطباق رئيسية

السلام عليكم ورحمه الله وبركاته



تبلت الاستيك من الليل بنفس تتبيله الساتى الى هى ثوم وزنجبيل وزيت زيتون وصوص الصويا



حطيته فى قدر المنتو عشان يستوى الاستيك على البخار ويكون طرى



والتتبيله صبيتها على المويه حقت القدر



بعد ساعه استوى الاستيك



هنا انت حره يااما تحمريه فى الزيت او تشويه فى الشوايا انا الباشا كان مشتهيه مشوى

12
1K

يلزم عليك تسجيل الدخول أولًا لكتابة تعليق.

تسجيل دخول

مـاء القـمر
مـاء القـمر
دحين نعمل الصوص للاستيك وهذا ينعمل قبل التقديم مباشره

الصوص هذا حق الساتى لاكن بما انه الفطر صديق الاستيك اضفت الفطر

كشنت البصل والفطر



لمن حمر البصل اضفت الثوم والزنجبيل والكمون وخليه دقيقتين



بعدين صبيت حليب جوز الهند



بعدين اضفت كوب زبده الفول السودانى و3ملاعق سكر بنى



بعدين اضفت ملعقه كارى



ونخليه على نار هاديه الين يثخن

بعدين نضيف عصير ليمونه وملح



وكدا بيكون جاهز
مـاء القـمر
مـاء القـمر
اما الشوربه

حطيت ملعقه (عدس&بليله&مص&عدس&عدس ابو جبه)



بعدين اضفت خضار مشكله (بطاطس&فاصوليا خضرا&زهره&طماطم&كوسا)



بعدين صبيت عليهم مويه مغليه و حطيت(ملح &فلفل اسود& قرفه&ورق الغار ناعم &هرد(كركم)&ملعقه صلصه)



لمن غلت اضفت فلفل حار وشويه لومى ناعم



لمن استوت وخلاص راح اغرفها اضيف لها كزبرا خضرا مفرومه
مـاء القـمر
مـاء القـمر
اما الارز

حطيت الارز المنقوع ومويه وملح ولمن شرب نص مويته اضفت له زعفران وفى ركن ثانى كرد وفى ركن ثالث لومى



ولمن استوى الارز اضفت فى ركن رابع صوص الصويا



بعديت حطيت الاستيك وفوقه الصوص










السلطه مكونه من (خيار&خس& فلفل رومى &جزر&طماطم&بنجر(شمندر)&فجل ابيض&ملعقه من صلصه الرانش&ملعقه من خل التفاح)

السلطه لذيذه والوانها حلوه ولفتت نظر اولادى اليوم :d

اتمنى شغلى يعجبكم

على فكره الى مايحب الساتى مااعتقد انه راح يحب الاستيك هذا

ولكم فائق احترامى
أم الذرابة
أم الذرابة
ماشاء الله.... تبارك الله
الله يحرم هالأيدين عن النار
عليكم بألف عافية حبيبتي
لوله الفله
لوله الفله
يعطيك العافيه:27: