استيك دجاج من مطبخي باخذ العقل

مساء الخير لأحلى حوائيات

هذا غداي من كم يوم بس البلوتوث كان عطلان عندي واول ماصلحته على طول قلت انزله

اول اوريكم الصور عشان اشهيكم




وهذي صوره اقرب






معليش ماصورته بالخطوات كنت مستعجله بس هو طريقته مرررررررررره سهله

المقادير :

طبعا الكميه على حسب ماتحتاجي

صدور دجاج مفطعه شرائح طوليه رفيعه

فلفل رومي مقطع شراءح رفيعه

بصل مقطع شرايح رفيعه

و4 فصوص ثوم

طماطم مقطعه مكعبات صغيره

ملعقه معجون طماطم

بهارات( كمون وفلفل وبابريكا وماجي)

وفنجال زيت

صلصة صويا

الطريقه:

نضع الزيت في المقلاه ونقلي فيها الدجاج حتى يتغير لونها تقريبا 10 دقائق ثم نخرجها من الزيت في طبق اخر

في نفس الزيت نشوح البصل والثوم والفلفل الرومي حتى تذبل ثم نضع عليها البهارات والماجي ونقلبها شوي

ثم نضيف عليها الدجاج ونستمر بالتقليب حتى يستوي الدجاج ويتحمر ثم نضع عليها الطماطم وامعجون الطماطم حتى تذوب

ونشوف ملحها اذا تحتاج زياده او لا ثم نضيف صلصة صويا حسب مانحب واي نوع نحب ونقدمها مع الرز الأبيض او مع الخبز

وبالف صحه وعافيه على قلوبكم واذا عجبكم لاتنسون شكرا