/هايدي/ :

الجريش يطول غريبة انتي من فين 😮.

الجريش يطول غريبة انتي من فين 😮.

وردة شرقية :

موضوع حلو وظريف جدا أقرب موقف حصل لي قبل أيام كنت بسوي ذرة مسلوقة وخليته على النار وانا مشغولة في امور اخرى واحترق الي تحت وصار ذرة مسلوقة ومشوية بنفس الوقت وعجبهم النتيجة لكن القدر صار شكله مأساة وصعب الغسيل وكل يوم احك شوي وأطفش واخبيه مرة ثانية وإلى ألان ما كملت القدر المحروق !! وقبل أشهر تركت ابريق على النار المعدن إلى ان احترق وذاب من تحت وصار مخروم وقبل كنت أحرق الأكل ويأكلونه ويتلذذون هههههههه والمشكلة لما كنت أشم الرائحة دائما كنت أقول شكله من الجيران وبعدها لما أروح المطبخ لشيء ثاني أتفجأ بنسياني القدر !!!

موضوع حلو وظريف جدا أقرب موقف حصل لي قبل أيام كنت بسوي ذرة مسلوقة وخليته على النار وانا مشغولة...

أم عبووووود :

أحكي لكم موقف أبي قد ذكرته من قبل بموضوع لحلوتنا أبي برمضان شاف أمي مريضه قال خلاص هو بيسوي السحور نزل المطبخ وسوى فاصوليا وترمس قهوة قشر المهم صحانا نزلنا وهو يقول ذوقوا احلى فاصوليا وقهوه قشر من ابوكم يذكرني بالشيف حسن لما يمدح اكله ههه المهم بدأنا نأكل الفاصوليا وكل واحده تناظر بالثانيه ولسان حالنا يقول وين فاصوليا أمي الله يشفيك يا امي هههه الفاصوليا كثر أبي لها الكشنه والبهارات وماسخنها كويس بلعناها وقلنا كثر الله خيره جينا نشرب القهوه سوينا أول رشفه وعيونكم ما تشوف الا النور عندي أخت أخلاقها تجاريه وقت النوم اصلا نزلت تاكل وهي بنص عين تبغى تاكل بسرعه ترجع بنومها هي اول من شربت القهوه نشوفها الا تتحلطم وتقول ما ابغى سحار وطلعت هههه جينا نشرب ههههه طلع ان أبي بدل مايسوي قهوة قشر سوى بهارات خاصه باللحمه مكوناتها بصل مطحون محروق يجي لونه اسود تخيلوا طعمه مع ماء وسكر رحنا للمطبخ بسرعه نشرب ماء عشان نغير الطعم وأبي مسكين يبرر أنها نفس العلبه ارتبش فيهم وأختي صامت عطوف هههه للآن نذكر ابي القصه ويضحك قال كنت منتفخ أحسب بتمدحوني ههههههه

أحكي لكم موقف أبي قد ذكرته من قبل بموضوع لحلوتنا أبي برمضان شاف أمي مريضه قال خلاص هو بيسوي...