اسدحي تجربتك كيف تغيرت حياتك بعد أول طفل من حرمان سنين

الله يرزق كل محروومه


ورفع

اخواتي ربي رزقهم بعد عقم دام ٧ سنوات وعقب ماجابو احس وضعهم عادي ماتغير شي
والله يرزق كل محروووووومه الذريه الصالحه

الله يرزق كل محرومه يااارب

انا ربي رزقني بعد ٧ سنين زواج ، بعد مايأست وطابت نفسي من العلاجات والروحات والجيات ،، بعد مابديت اتقبل فكرة زواج زوجي بزوجة ثانيه ،، بعد ماانفطر قلبي ع ضمة طفل ،، حملت بفضل ربي وبدون علاجات ،، فترة حملي حسيتها سنين مو شهور ،، كنت كل اسبوعين اراجع واسوي اشعه ، لما بدا يتحرك ببطني صدقت اني حامل ، بديت اجهز له واضم ملابسه واتخيل شكله لابسهم ،، لما جت لحضة الولاده فررررحت وقلت بس حلمي بدا يتحقق ، تعسررررت كثير بالولاده وتعبت ، والحمد لله ربي رزقني ولد زي القمر ، لما شفته بكيت بكاا هستيري ، صحت باقوى صوتي وامي والممرضات يهدوني ،، مااقدر اوصف مشاعري ذيك اللحضه والا ليش بكيت ،، جلست ٣ ايام ماانام وصابني ارق ، لاني ماكنت مصدقه اني صرت ام ،، اروع شعور بالدنيا واعظم انجاز الامومه .. عسى ربي مايحرمه لمخلوق ،، ماانسى نظرات زوجي لما شافه اول مره .. جلس يتأمل فيه بدون لايتكلم ،، بس الدموع كانت ابلغ من الكلام ،،

الله يرزق كل محرومة ومايجي الشهر الجاي الا وهم يبشرونا بحملهم ويبلغهم ولادته وضمته وشمه ولايحرمهم انه قادر على ذلك...