السلام عليكم ورحمة لله وبركاته والصلاة والسلام على محمد واله وصحبه اجمعين طيب يااااااحلوات اليكم المزيد من الاسرار
- خليط اكثر من رائع لرائحة منعشة كانك فواحة تمشي على الارض خذي علبة بلاستيكية فارغة وضعي فيها مقادير متساوية من كل من ( زيت جونسون للاطفال + موية ورد + اي زيت عطري تحبيه او مخمرية ) رجي جيدا واتركيه اسبوع وبعد كل حمام والجسم مبلول ادهني جسمك وادعيلي ثم اتبخري بعوده او معمول بس بالله مااحد يسويها ويخرج مع سواق او سوق وتحملوني وزركم من خرجت من بيتها وهى مستعطره ومرت على الرجال كانت زانية !!!!! انتبهوا في السوق ادوخ من الروائح وانا حرمه كيف الرجال؟؟
- اشتري من مهجة او من اي محل رخيص عطورات ابو عشرة او خمس ريال هذه خصيصا للبيت اختار روائح حلوة وفواحة وارش بيها البيت على الستاير والمفارش والمكيفات والكنب لانه كثرة البخور تجيب الربو الله يحفظنا واياكم والمسلمين
- جربت كثير مسنات سكاكين دايما افشل في الاختيار لين رحت عند اختي وقطعت السلطة وسألتها عن نوع السكين قال الروعة مو في السكين في المسن طلع مسن في ايكيا رهيييييييييييييب يخليلك اي سكينة زي الموية على قولت امي الله يشفيها بس الله يخليكم انتبهو على يدينكم لاتدعون عي وكمان انتبهو على عيالكم ؟؟؟
- الزبادي يابنات لاتنسي تاخذي على الاقل زبدية كل يومين
- الحبة السوداء عودي اولادك كل صبح سبع حبات تقي من كل داء الا السام او كما قال صلى الله عليه وسلم
- في الصبح احرصي على اعطاء اولادك ملعقة عسل تعطيهم طاقة وتقيهم من الامراض باذن الله وسنة نبوية احتسبو الاجر في كل صغيرة اجر الاتباع
- صندوق المفاجات ماعرف فين قريته بس بجد شي خيالي صندوق يوضع في مكان بارز في البيت واضيفي فيه العاب بساكيت كيكات عصيرات اي شي يحبوه عيالك واعملي جدول يومي كل الي جمع درجات عالية خلال الاسبوع من خلال الاعمال الحسنة الي يعمها يكون من حقه السحب والحصول على جائزة وانسي الازعاج والمضاربات
- علمي اولادك الاذكار منذ الصغر والتحصين ودعاء السيارة ودخول المنزل الله يجعلهم ستارتنا من النار وينشأهم على طاعته
هذا الي جا في بالي ولي عوده ان شاء الباري سبحان الله وبحمده سبحان الله العظيم

ما شا لله عليكم يااحلى عالم واحلى حوائيات بدنياوالله انكم سنعات

موضوع رائع

بصراحه البنات كلهم سنعات ما خلو لنا شي نكتبه الله يعطيهم العافيه وصاحبت الموضوع

انا سري ..
بما اننا كل يوم لازم بعد الغداء نشرب عصير فرش يعني مخلوط بالخلاط >> واذا ماشربنا تقوم القيامة هههه.. ناخذ الباقي اللي هو اللب اللي يطلع بعد العصير ونحطه على وجهنا على شكل قناع ررررررررررروعة ويعطي للوجه نضارة وحيوية خصوصا نكون راجعين من المدارس ومن العمل فلما تسوية يشيل الارهاق والتعب .
السر الثاني ..
قبل ماتنامي خذي ماء ورد وصبي قطرات في يدك وامسحي وجهك ويدك وبافي جسمك ونامي وفي الصباح راح تشوفي كيف ريحتك طوال اليوم رررروعة >> انا جربتها ورحت المدرسة والله 7 ساعات الريحة قاعدة حتى لما رجعت البيت الريحة لسه باقية .
اتمنى اسراري عجبتكم ولاتنسوني من الدعوة الحلوة..
واشكرك جزيل الشكر اختي< الجيران >
على طرح الموضوع الرائع حقق الله لك مافي بالك ورزقك الجنة .