سبحان الله وبحمده سبحان الله العظيم

لاحول ولاقوة الا بالله صلوا ع الحبيب

وه بس اخيييرا وصلت للصفحة الاخيرة
مابغيت لي ثلاث ايام وانا اقرا اسراركم
تجنن تجنن تجنن
الله يسعدك يالجيران ويوفقك ويجعلنا وكل من كتبت حرف في هذا الموضوع جيرانك بالجنة
وربي يوفق اللي ذكرت طريقة الزيت لشيل بطاقة السعر وربي زي السحر مشكورة كنت اتعقد منها اول
والاسرار جد مابقيتو لنا شي ماشاء الله عليكم
بس بقول كم شغلة اسويها وربي ينفعكم بها
وبعضها خذته من خواتي بعالم حوا ربي لايخليني منهم
بالمطبخ ان جيت اقلي بدل الصحن اجيب ورقة قصدير حجمها مناسب واحط فوقها ورق القلي وبس اقلي وارص فوقها السمبوسة او الكبة كذا كل قطعة تصير ماخذه راحتها ماتتراكم فوق بعض وبعد اوفر على نفسي الصحن اللي باغسله جد عقدتنا هالمواعين
وللترسبات بالاباريق والترامس حطي شوي تايد وفوقه موية مغليه كمية كبيرة وخضيه وخليه ليلة ومن بكرة اغسلي الترمس يرجع جديد ونظيف
الخل صديقي الصدوق هو والبيكربونات للتنظيف والتطهير وازالة الدهون والترسبات
مخصصة صفاية بالمجلى احط فيها اي شي نعمة ما أكبه تكرمون مع الزبالة مثل قشور الخضر والفواكة حثل القهوة بقايا الغدا من عظام وغيره بعدين نكبه باقرب براحة للطيور والقطاوة ربي لايحرمنا الاجر ولا اياكم
بعد غسل المواعين لازم اقشر يديني بمقشر المشمش وادهنها بفازلين ترجع ناعمة ولا اول كانت انواع القشور :(
رضعات عيالي ما اغسلها بفيري اصلن ماينظف زين وتبقى ريحته قوية
اغسله بشوي تايد مع موية مغلية ارجها بسرعة وعلى طول اغسلها بالفرشة واشطفها برضة بموية حارة نظافة وتعقيم وبدون روايح
معجون الاسنان اكرفه كرف ماخلي شي ماستخدمه فيه ههههه اغسل به الرضعات ان ماتوفر التايد
اغسل به ايديني لازالة اي روايح عالقة
وحتى للوجه مثل الصابون استخدمه رهيب ينظف الدهون ويعطيك شعور بالانتعاش والنظافة
وقد قالت لي كوافيرة فلبينية انه يبيض المفاصل الغامقة والاباط وبعد يعطرها
وللوجه استخدم موية ورد منقوع فيها كسرة مرة حاطتها برشاش تشد الوجه وتبيض روعة خذته من هنا ربي يجزاها بالجنة اللي ذكرت هالطريقة

ربي يسعدكم جميعا وينولكم ماتمنيتو عاجلا غير اجل

من اسراري >>>>هع
اذا سودت عيون الفرن عندي
انقعها في ماء حااار وملح الليمون
واخليها فتره
وادعكها
بعدين تصير تلللللللمع

اهااا قصدك الفنيله التعبانه عندك تستخدمينها منشفه للمطبخ
والله انا مثلك