اسراري الخاصه بالعنايه في بشرتي بالبيت بدون عياده ..🔥

السلام عليكم بنات ..
كيفكم عساكم طيبين ..
اليوم بقولكم اسرار عنايتي للبشرتي وجهي تحديدا .. بدون عيادات كلشي بالبيت ..
اصلا انا اكره العيادات وكذبهم واستغلالهم للناس ..
عشان كذا بشرتي اهتم فيها حييل .. والي يشوف بشرتي ماشاء الله دايم يقولون انتي وش تستخدمين لوجهك .. قلت افيدكم واعلمكم وكلها اشياء موجوده بالبيت والبعض من الصيدليه وماتكلف ابداا ..
اول شي بتكلم عن الغسول اليومي .. ✨✨
١-ضروري يكون عندك غسول تغسلين وجهك فيه مرتين باليوم ( اول ماتصحين ) و(قبل النوم)
سواء طلعتي ولا ماطلعتي لازم تنظفين وجهك بغسول من الزيوت والروس السودا والاتربه والبكتيريا عشان مايطلع لك حبوب وكذذا ..
طبعا من افضل الغسولات بالنسبه لي غسولات همالايا كلمة تجنن قليله بحقها والي فيها حبوب تاخذ غسول هملايا بالنيم الي لونه اخضر وغسولات كلين اند كلير احبها وكل وحده الي يناسبها 👌🏻
ثاني شي واهم شي والي الكثيييررر من البنات يهملون ذا الشي ويشوفون انه مامنه فايده لاكن هو منه فايده كبييره ويغير وجهك١٨٠ درجه وهو (السنفره) يابنات ضروري تسنفرون وجهكم مرتين بالاسبوع البشره مستحيل تتنظف وتتنقى اذا ماسنفرتيها وشلتي القشور والجلد الميت حتى مكياجك يطلع مره مو حلو ويطلع قشور فعشان كذا لازم السنفره ...
في عندكم سنفرات كثيييييرره تجنن انا احب سنفرة كاب تنظف من قلب وتخلي الوجه مرايه وتستخدم للوجه والجسم كامل واحب سنفرة شفا حلوه ورخيصه وفيه نكهات كثيره افضلهم الخيار والمشمش وزبدة الشيا وتنظف الوجه من قلبب❤️❤️😍


💦💦ثالث شي واهم شي الترطيب
ترطيب الوجه ضروري يابنات الترطيب الترطيب مثل الغذاء لازم تغذين بشرتك بالترطيب وتخلين بشرتك رطبه ورويانه وافضل مرطب للوجه طبي وامن كريم بيبانثين وكيوفي وكمان استخدم مع المرطب الوجه سيروم فيتامين سي من الصيدليه احط نتفه مع الكريم واحطه بوجهي قبل النوم وقبل الميك اب يخلي وجهك نظارره ونعومه مو طبيعيه 💧👌🏻😍


كريم تفتيح
افضل كريمات تفتيح جربتها اولاي احبها من زماان استخدمها ترطب الوجه وتفتحها وتعطي لمعه ونظاره واشراق انا ماحب استخدم كريم اساس استخدمه كبديل لكريم الاساس واذا عندي مناسبه مرات استخدمه قبل الميك اب يعني اغسل وجهي واسنفره واحط كريم اولاي عشان يعطي وجهي اشراقه ونظاره ثم اتمكيج ..كريم اولاي الي علبته بيضاء وغطاه اسود بالتوت البري جدا رائع بس يقولون قطعوه مدري صدق ولالا اذا لقيتوه بالصيدليات خذوه بدون تفكير .. حاليا استخدم كريم اولاي كريم الليل غطاه لو رمادي جدا رائع عموما شركة اولاي مره حلوه وماتخرب البشره ابدا حتى لو تركتيه وكريماتهم كثيره كل وحده تختار يلي يناسبها ❤️❤️❤️💧


طبعا لازم وضروي تسوون ماسكات للبشره وتونر بعلمكم على سر من اسراري والي تستفيد تدعيلي
وهو تونر لبان الذكر هذا ما استغني عنه ابدا الي عندها مسامات الي عندها تصبغات تبي نظاره تبي نعومه وهو اكثر شي سحر للمسامات صديقتي فيها مسامات جات بعد فتره عندي المسامات مختفيه ماشاءالله سالتها بئي عياده عالجتي بشرتك قالت انه كله من تونر لبان الذكر شايفين شلون ..
طريقته تجيبن لبان الذكر وتغسلينه ثم تحطينه بقاروره وتحطين له ماء صحه وتخلينه يتنقع يوم كامل بالثلاجه لين يصير ابيض كانه حليب تحطونه بعلبه بخاخ بالثلاجه وكليووم تبخين بوجهك كل ماقعدتي كل ماقمتي قبل ماتنامين حطي بوجهك يعني اكثر من مره باليوم .... راح تختفي المساماات
كلها
طبعا من اجمل واروع الماسكات بالعالم ماسك التغذيه يابنات نزلته بقسم البشره ادخلي مواضيعي بتلاقونه وسووه وادعولي شوفوا بشرتكم شلون راح تتغير


بالنسبه للشفايف الي تحب شفايفها حمرا على وردي طول اليوم تاكل وتنام وتصحى وهو احمر مثل الفراوله🍓🍓
نزلت مورد الشفايف في قسم العنايه بالبشره بتدعون لي عليها وعندي لكم الماسك السحري راح انزله قريب لمن افضى بتنهبلون عليه يخلي وجهك قشطه قشطه👌🏻🍮🍮




اذا فيه اشياء تذكرتها بعلمكم عليها اهم شي لاتنسوني من دعواتكم ❤️❤️