كوبونات الراقية تسجيل الدخول

الموسوسه
الموسوسه •
الموسوسه الموسوسه :
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3 ساعات وأنا أرد على البنات سواء عالخاص أو بجميع مواضيعي ........................وأن شاء الله بالغد راح أكمـــــــــــــــــــــــــــــــــــــــــــــــــــــــــــــــــل...... سلامتكم ...............
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3...
هـــــــــــــــــــــــــــــــــــــــــاي

قهوة الشعير :

ممكن تلقينها جاهزه ومحمصه في السوبر ماركت ................بس انا افضل صنعها بنفسي




طريقة التحميص :

احضري حب شعير كامل غير مقشور ، ممكن تحمصينه على التيفال أو أي انيه سميكه تتحمل التحميص ويكون على نار هادئه او تتركينه في الفرن لين يتحمص ويصير مثل لون البن اللي تشربينه بالعاده
انا عن نفسي افضله بني فاتح مثل القهوه العربيه اللي نشربها بالغالب .

ممكن تطحنينها مثل البن ويقال انه من الافضل تخلينها كامله . وتحطين عليها ماء عادي ( مو ساخن ) وتخلينها تغلي على النار لمدة ربع ساعه على نار هادئه
وممكن تضيفين لها اللي تضيفينه للقهوه الخاصه بك.................. بصراحه انا ماتتبلعلي ساده مع ان طعمها مقارب للبن ........ فأضيف عليها زنجبيل وقرفه .........

طبعا المقدار : لكل كوب ماء ملعقة شعير ، ونص ملعقه زنجبيل ، ورشة قرفه . وتشربينها بالهناء والعافيه ومع التمر يمشي حالها بقوه .

يتبـــــــــــــــــــــــــــــــــــــــــــــــــــــــــــــع.....




.
الموسوسه
الموسوسه •
الموسوسه الموسوسه :
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3 ساعات وأنا أرد على البنات سواء عالخاص أو بجميع مواضيعي ........................وأن شاء الله بالغد راح أكمـــــــــــــــــــــــــــــــــــــــــــــــــــــــــــــــــل...... سلامتكم ...............
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3...
العنايه الاسبوعيه ..................

لازم في الاسبوع مرتين تصلحين سنفره لوجهك ورقبتك بالمقشر الخاص فيك واحسن مقشر جربته هو استي إفز ، جربت غيره مرتحت غير لهذا ، ومانصحكم تصلحون تقشير بالسكر لانه قاسي شوي على الوجه ..................... وبالنسبه لمقشر المشمش من استي إفز ( المقشر القوي مو اليومي ) جربت منه ثلاث انواع .................

النوع العادي لجميع انواع البشره وهذي صورته..............




وفيه نفس النوع بس للبشره الحساسه .....................وهذي صورته .......




وفيه للوقايه من البثور .................... وهو بالمشمش غطاه ازرق ليلكي ولون العلبه ابيض .......... ريحته مو حلوه بس فعال ......... ودورت صورته بالموقع مالقيت .


طبعا قبل السنفره تمسحين وجهك بخل التفاح ( صح ان ريحته نفاثه وقويه لكن مفعولها رهيب للي يعانون من البثور والحبوب ويفتح البشره ويشدها ويحميها من الترهل ويقلل الدهون بالوجه ) ومن ثم
تدهنين وجهك باحد الزيوت التاليه ( خروع او زيت لوز مر او جلسرين او كلهم مخلوطين مع بعض ) وتخلينهم ساعتين ان امكن وبعدها تنظفين وجهك وتمسحينه بالحليب وتغسلينه بماء فاتر بعدين تصلحين السنفره ...... وبعد ماتخلصين من السنفره حطي ماسك الترمس للاخت دريم فور ابو ظبي ..........

ماسك الترمس :

ملعقة عسل اصلي
ملعقة ترمس مر
ملعقة لبن زبادي

تخلطين المقادير مع بعض وتفرشينها على وجهك ورقبتك لمدة ثلث ساعه ، بعده اغسلي وجهك بماء فاتر من ثم بارد وامسحيه بماء الورد ورطبيه .

صراحه هذا افضل ماسك جربته على الاطلاق .............. يبيض الوجه ويزيل اثار الحبوب والكلف ............... واستخدمه مرتين بالاسبوع لاأكثر

هذا فيما يتعلق بالعنايه بالوجه اما الجسم ................................. عندي عدة خلطات من المنتدى جربتها وكل وحده احلى من الثانيه ..................


خلطة الترمس ( للاخت احلام على ماذكر ) ..........

ملعقه او ملعقتين طعام ترمس مر
ملعقه صغيره قرنفل
3 ملاعق صغيره جلسرين ( ممكن تضيفين زيت لوز مر او تخلطين الاثنين معا )
ملعقه صغيره خروع
نصف ليمونه
ماء ورد لتكوين عجينه .
يعجن في اناء بلاستيكي ويدعك به الجسم بعد الاستحمام ويترك لمدة عشر الى خمسة عشر دقيقه ........... ثم يدعك بالليفه المغربيه كل الجسد ( انا احس ان الليفه المغربيه قويه على الجسم فاستغني عنها واكتفي بالدعك بنفس الخلطه )

صراحه هذي الخلطه مسكته راح تدعون للبنت اللي كتبتها ( الله يجزاها كل خير ) عن جد تلاحظين الفرق من اول استخدام .....................

فوائد الخلطه :

مقشره للجسم
منعمه للجسم بشكل فائق
تزيل الحبوب والاثار الصغيره بالجسم ومسامات السيقان والفخوذ
مطهره ومعقمه للجروح والحبوب الناتجه عن الحساسيه
مصفيه ومبيضه للجسم

ويمكن استخدامها للوجه بس تستغنين عن القرنفل والليمون لانه حار على الوجه


الخلطه الزرقاء :

لاحد الاخوات للاسف ماذكرها بس تستحق جزيل الشكر ..........................

وهي خلطة العرايس الهنديات ....................

نص كوب زبادي
ملعقه كبيره كركم عرايس
ملعقه صغيره نيله زرقاء ( النيله العراقيه )
ملعقه ونص صندل
مقدار من ماء الورد

تخلطون المقادير كلها مع بعضها وتحطونه على جسمكم حتى فالمناطق الحساسه وتخلونها اقل مده ساعتين واللي تقدر تخليها اكثر خير وبركه
انا استخدمتها بدون كركم لانه مش عملي بالنسبالي ونتايجها فعاله صراحه وتبيض وتصفي الجسم ، وممكن استخدامها للوجه انا ساعات اخبص بالمقادير واضيفلها زيت وساعات ترمس يعني حسب المكونات اللي عندي ........................


وهذي خلطيتين روعه للاخت ملامح نجد الله يجزاها خير .........................

خلطة الشوفان المرطبه :

قشور برتقالتين
2 كأس ماء
4 الى 5 ملاعق شوفان
الطريقه :
يخلط الماء مع قشر البرتقال بالخلاط وتوضع على النار حتى الغليان ثم يضاف لها الشوفان حتى تغلظ ثم تترك لتبرد ويدهن بها الجسم لمدة ربع ساعه ومن ثم احضري زيت وافركي جسمك .

خلطة الارز بالنشا:

كأس ارز مصري منقوع ومصفى
ملعقة نشاء مذوبه بماء
يطحن الارز ويضاف له النشا المذوب ويدهن بنفس الطريقه الاولى ويفرك بزيت .

وادعوا لصاحبة الخلطه .

يتبـــــــــــــــــــــــــــــــــــــــــــــــــــــــــــــــع....




.
شحرورة الخليج
شحرورة الخليج •
السلام عليكم ورحمة الله وبركاته

الموسوسه

اسجل اعجابي بشخصك ..
الصراحه انبهرررت فيك ....ما شاء الله عليك ...
نشيطة ونظيفه .....وطويلة بااال ....
عسى الله ويوفقك ويستر عليك ........
ويرزقك ابن الحلال الي تتمنينه يارب...
والى الامام دائما ...
الموسوسه
الموسوسه •
الموسوسه الموسوسه :
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3 ساعات وأنا أرد على البنات سواء عالخاص أو بجميع مواضيعي ........................وأن شاء الله بالغد راح أكمـــــــــــــــــــــــــــــــــــــــــــــــــــــــــــــــــل...... سلامتكم ...............
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3...
نكمــــــــــــــــــــــــل..............

العنايه الشهريه :

طبعا العنايه الشهريه انا افضل اصلحها بعد الدوره وتشيلين فيها شعر جسمك وأباطك والمنطقه الحساسه .......................

وضمن عنايتي :

حمام البخار للوجه :

طبعا اصلح نفس خطوات سنفرة الوجه الاسبوعيه لكن بعد كل الخطوات وقبل السنفره اعرض وجهي للبخار لمدة عشر دقائق وبالغالب اضيف للماء الاعشاب المتوفره عندي ( بابونج أوميراميه أونعناع ) بعده اسنفر وجهي واجيب ابرة البثور وازيل الزيوان وبثور الخشم ومن ثم اضع الماسك
يفضل عمل البخار مره في الشهر الا إذا كنت تعانين من مشاكل تستوجب عمله اكثر من مره في الشهر ....................

هذا بالنسبه للوجه اما الجسم .....................

اصلح حمام مغربي مره في الشهر ايضا لاني احس ان الجسم يجف ويخسر سوائل كثير اذا بالغت فيه .........
وافضل الطرق لعمل حمام البخار هو ترطيب الجسم بمرطب قوي نوعا ما عشان يساعد في إزالة القشور ............... ممكن تستخدمين زيت اللوز المر او الجلسرين او الخروع اهم شي رطبي جسمك زين قبل ساعتين من عمل حمام البخار ...................... والبعض يدهنون جسمهم بخل وفوقه المرطب بس هذي الطريقه ماجربتها غير لوجهي وعن جد فعاله .
طبعا اقفلي منافذ الهواء بالحمام وشغلي جهاز البخار او الدش الساخن في الحمام عشان يتكون بخار كثيف جدا في الحمام........................ بعد ماتحسين ان جسمك ابتل بفعل البخار ........ ادهني جسمك بالصابون المغربي ( فيه بنات يخلطون السفيداب ( الاسبيداج ) مع الصابون المغربي بس لسى ماجربته لاني توني لقيت الاسبيداج . ) وخليه عشر دقائق بعدين افركي بالليفه المغربيه من تحت لفوق بحركه دائريه .............. والبعض بعد الصابون يشطف جسمه ويفركه من جديد بس هذي الطريقه ماناسبتني كثير حسيتها قاسيه على الجسم شوي .............. بعدين اشطفي جسمك بالماء الفاتر

وحطي هذي الخلطه لاحد الاخوات :

ثلاث ملاعق طعام حليب بودره .
4 الى 5 ملاعق طعام طحينه ( هرده )
عصير ليمونه
3 الى 4 ملاعق طعام سكروب ( مثل سكروب المشمش اللي عرضته قبل )
ماء حسب الكميه ممكن تستبدلينه بماء الورد .
تخلطين المقادير وتدهنين جسمك فيه بعد الحمام المغربي وتخلينه ربع ساعه بعدين تغسلين جسمك بالماء البارد .
صراحه هذي الخلطه مهمه بعد الحمام المغربي لانها ترطب بشكل كبير وتفتح الجسم .

واهم خطوه بعد الحمام هو الترطيب يابنات ترا لو مارطبتي جسمك راح تحرقينه يعني حتضرينه اكثر مما تفيدينه ................ وافضل مرطب مثل ماقلتلكم هو جل بيبي جونسون للاطفال مرطب قويه تدهنينه وجسمك مبلول وعقب ماينشف جسمك رطبيه بكريم جليسوليد الاحمر ( اللوشن ) أو أي لوشن تفضلينه وترتاحين له . واحسن المرطبات هي اللي تحتوي على زيت اللوز أو البابونج أو الصبار .


نصائح مفيده للعنايه بالبشره :

1ـ دائما استخدمي الحليب المنظف والتونك للبشره وانا افضل استخدم الطبيعي ................ يعني استعيضي عن الميلك المنظف بالحليب الطازج ، او الحليب المخلوط مع ليمون ، او الحليب اللي ذكرت طريقته مسبقا لان الغسول مايكفي لوحده لتنظيف الوجه . اما التونك استبدليه بماء الورد ، او مغلي الميراميه ، او مغلي النعناع ، وإذا كنتي تعانين من حبوب الشباب وودك بشرتك تفتح استخدمي منقوع البابونج مع ماء الورد .............. صدقوني يابنات ان الحليب يخلي الوجه يلمع ونظيف ................


2ـ دائما امسحي وجهك بماء الورد بعد كل غسيل للوجه او طهاره او مثل ماقلت ماء الورد مع البابونج .

3ـ صلحي مساج وتمارين للوجه كل صبح أول ماتقومين من النوم راح يحميك من التجاعيد وغير كذا راح يبان وجهك دائما مصحصح . وفيه احد الاخوات كانت حاطه طريقة المساج .

4ـ ابتعدي عن الصابون في غسل الوجه واستبدليه بالغسول لانه ماينشف الجلد .

5ـ احرصي على نظافة شعرك والوساده اللي تنامين عليها لان وساختهم ممكن تأثر على وجهك وتطلع حبوب .

6ـ إذا طلعتلك حبه بوجهك ممكن تحطين على الحبه لبخة من البابونج الساخن ( ساخن بالدرجه اللي تتحملينها ) ............ او منقوع المره ينشف الحبه بسرعه ......... وحذاري من العبث بالحبه أو فقؤها .
7ـ انتبهي لأكلك وممارسة الرياضه ، واحذري من الامساك .

تم بحمد الله ......................

.
الموسوسه
الموسوسه •
الموسوسه الموسوسه :
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3 ساعات وأنا أرد على البنات سواء عالخاص أو بجميع مواضيعي ........................وأن شاء الله بالغد راح أكمـــــــــــــــــــــــــــــــــــــــــــــــــــــــــــــــــل...... سلامتكم ...............
هلا خواتي ............. حاولت أكمل الردود اليوم لكن للأسف راح أكمل بالغد لأن تقريباً لي 3...
~لولان~..............................
هلا اختي ................... انا صراحه بشرتي حساسه وتلتهب من اي تغير في الجو او غبار وبالذات الحراره عشان كذا اول ماجي من الدوام على طول ماسك النشا احسه يشيل الحراره اللي بوجهي ................ مادري درجه حساسية بشرتك ......... بس اعتقد يناسبها كل اللي ذكرته والله اعلم ............... بس يقال ان كريمات احماض الفواكه الافضل يتجنبها اصحاب البشره الحساسه جدا .


الوجـــود...........................................
تسلمين حبيبتي على المداخله ................................ وفعلا ممكن تلقينها جاهزه بس مثل ماذكرت انا اثق بشغل البيت اكثر . والله يعافيك ويسلمك .



home2004..........................
تسلمين يالرائعه وان شاء الله تبدين وتستمرين على البرنامج ...........


دلوووعة بوظبي...............................
تسلمين يالروعه ................. هذا من ذوقك ....................... اسعدني مرورك يالغلا .

أمووله........................
تسلمين الله يعافيك ياأموره .......................... وبالنسبه لهيلثي سكين صراحه اول ماستخدمته طلعلي حبوب صغيره جدا مثل حبوب الحر لكنها لاتذكر ............ بس اسبوع زمان صار وجهي عادي ناعم ...........وفعلا انا تعبت من كثر مادور كريم يناسبني ................ اما بالنسبه ان الكريمات اللي تحتوي على فيتامين اي تسبب حبوب ماعندي خلفيه والله واعتقد انها نظريه خاطئه لانه ممدوح لحب الشباب واكبر دليل الريتن وهو عباره عن احماض فيتامين الف ..................... بس على العموم كريم هلثي سكين أو الكريمات اللي تحتوي على احماض فواكه تحطينها وبعد عشر دقائق تحطين كريمك المرطب .............. بس ماقدر اوعدك انه راح يناسبك تعرفين اللي يناسب شخص مايناسب غيره ................ واغلب كريمات احماض الفواكه ( الألفا هيدروكسي ) ماتناسب الجميع ....... لأني جربت اكثر من نوع وماناسبني ............. وانا استخدمته بناءاً على نصيحة الصيدلي وغير كذا سمعت خبيرة التجمييل ( رولا رياشي تمدحه ) .......... وبالنسبه لسؤالك عن بشرتي ؟ بشرتي حساسه ومختلطه مايله للدهنيه وبعد التقشير الحمد لله ماصار يطلعلي حبوب الا في حالات الامساك ممكن تطلعلي حبه داخليه اللي مافيها راس عشان كذا قدر الامكان احاول اتجنب الامساك .


شمالية555..............................
الله يسلمك انت اللي اروع .................. وتستحقين الافضل ................... وبالنسبه للنشاء اول مره اسمع منك انه ممكن يسبب ترهل او تجاعيد ........... بس على العموم أي ماسك تستخدمينه صلحيه وانت مسترخيه ووقتها لاتضحكين أوتتكلمين والافضل تكونيين منسدحه ..........


مطر الصباح..........................
تسلمين حبيبتي انت اللي اروع .................... اسعدني مرورك


كان على بالي..........................
الله يعافيك يالغلا ........................ الله يعطيك طولة البال ............ تدرين انا بشرتي سهل اني اعتني فيها ...... اما شعري مستحيل ادهنه لان راسي يصدع من الدهن وريحته .............. زمان كان ممكن استحمل الدهن والخرابيط اما الحين لا .


الملاك الحائر............................
تسلمين ............................................


لواهيب الغرام.........................
لا فيه وقت بدل ماتتبلطحين قدام التلفزيون او أيا كان ............. تقدرين تدبرين وقت ............. اعتبريها هوايه تمارسينها .


شحرورة الخليج.............................
صراحه مادري وش ارد عليك .................... ماشاء الله ماقصرتي ماخليتي دعوه الا ودعيتي بيها ............. الله ينولك اللي ببالك ويعطيك على قدر نيتك ............ كلامك ينقط عسل ................. بسطيني الله يبسطك .