شحالكم شخباركم؟؟
حبيبت اخبركم بجميع اسراري الي تنقل الوحده من درجة جمال متوسطة إلى درجة عالية
ماشاءالله لا إله إلا الله الله يحفج يابنت الهم يحميج من كل شر (عين -حاسد) اللهم آمين
فبعد موضوعي الي كسر الدنيا وانشغلت عنه بالدراسة والمشاكل<<< اسمحولي
أسرار الجمال من عارضات وخبيرات تجميل عالميات (متجدد)
حبييت ومن خلال هالموضوع ارد ع جميع الاستفسارات هني بهالموضوع
في هالموضوع بتلاقون:
1- اسراري بالعناية مع جميع المنتجات والنتائج
2- يومياتي بالعناية والتغذية
3- الاجابة عن جميع استفسارتكم الي يكون لي خبرة فيها واللي مااعرف عنه شي بستسمح من العضوة وبقولها مااعرف
فالبنت الي تبغي تطلع قمر14 في العيد وتسويلها نييولوك تتفضل عندي وتسوي الي اقولها عليه فتوكلوا على الله الله وابدوا معاي
وباذن الواحد الأحد بتلاقون نتايج مثل ماانا شفت ولا تحاتون اي عقبة جمالية
والي تحب تراسلني ع الخا ص حياها
اضغطي هني لارسال رسالة خاصة
ملاحظة أخيرة: بنات مب شرط الي ينفعني ينفعج كل وحدة تشوف شو ينفعها ويفيدها وتسويه
آخر شي لآتنسوني من دعواتكم لي بالستر والسعادة والعافية
يارب زوج بنت الهم الزوج الزين الصالح صاحب المال والسلطة الي ينصرها بعد الله على الظلام وياخذ حقها منهم عاجلا غير آجل
والله يزوج كل بنات عالم حواء وبنات المسلمين الي يبغون الزواج
اللهم آمين
نصائح عامة للاهتمام بالشعر
1- التونك او التونر تحطينه عادي لو شعرج مبلول او جاف ومش لازم تتسبحين
2- الزيت لا تحطينه في شعرج اكثر من ساعه اللهم بلغت اللهم فاشهد لأنه يسد الشعر عن التنفس فتموت وتتساقط
3- لو بتسخدمين شامبو اختاري شامبو مافيه بلسم يعني البلسم لحاله
4- لاتحطين البلسم ابد ع جذور الشعر بس ع الاطراف لأنه السبب في تساقطه
5-البلسم ماينحط لا ع الفروة ولا ع الجذور الماسك هو الي ينحط
6- ابعدي عن ماركة بانتين لأنها وايد قوية ع الشعر
7- لا تمشطين شعرج وهو مبلول ابدا لأنه يخليه متساقد ومتقصف
8- خليلج دايم بالحمام الله يعزكم كوب بلاستيك صغير وحطي فيه كمية الشامبو الي بتستخدمينه مع ماي واخلطيهم زين واستخدمي عادي مثل الشامبو يساعد ع عدم تساقط الشعر في مكان معين بسبب تركيز الشامبو ع المكان
9- اخر شي لو بتسوين مساج للسعرج شوي شوي باطراف اصابعج مش باظفارج
تابعوني مع منتجات العناية بالشعر...