السلام عليكم.اللهم صلى على محمد واله وصحبه وسلم
هنا ابغا اكشف لكم اسرار استجابت الدعاء وبعدها ابغى احكيلكم عن تجربتي مريت في مواقف صعبه وربي انقذني فيها بشكل خيالي اتمنى تقرووا حتى الاخير(وخصوصا الي يبغى وظيفه لازم تقراء حتى الاخير
ملاحظه:
اسرار استجابة الدعاء:مابغى احد يفهم من الموضوع انك ما تشتغل وتعمل في هذه الدنيا وبس ادعي لا..لابد من التوكل عل الله والعمل والدعاء معا
1- اليقين والايمان الكامل ان الله بيستجيب وانه لايعجزه شئ سبحانه
على فكره في ناس لمن تدعي يقول في نفسه يالله ادعي يمكن ربي يستجيب يمكن حظي يضرب هذي المره (ياجماعه انتبو هذا يعتبر سوء ظن في الله وهذا لايجوز)المؤمن لازم يحسن الظن في الله ولازم يفهم انه قاعد يدعى الله جل جلاله بعظمته وملكوته وجبروته ..منت قاعد تدعي بشر فقير لايملك من الدنيا شئ (انتبه هذا رب العالمين الخالق جل جلاله )مهوا ولد عمك ولاخالك ولا صديقك
2-استغلال الصبر:
استغلال صبرك على طاعه: طاعه ثقيله عليك بس انت صبرت سويتها علشان الله
مثال:ثقيل عليك انك تقوم وتصلي الفجر في وقته ..ثقيل عليك انك تنصح الناس ..ثقيل عليك انك تبر والديك ..ثقيل عليك تصلي الوتر والسنن وقيام الليل..ثقيل عليك تغطي وجهك في ايام الحر
علشان ربك صبرت ونفذت اوامره
استغلال صبرك على معصيه:انك تترك شهوتك وما تحب من معاااصي علشان الله
مثال:نفسك تسمع اغاني ..نفسك تعمل علاقه محرمه مع جنس اخر..نفسك تكشفي وجهك..نفسك تحش في احد ..نفسك تتفرج على ما حرم الله من افلام اباحيه وعورات وافلام رومنسيه..
نفسك تسب ..نفسك تغازل وتعاكس الجنس الاخر ..نفسك تحكي صاحبك عن معاصيك الي سويتها.. او اي معصيه في الدنيا نفسك تسويها بس تركتهاوصبرت
علشاااااااااان الله
استغلال صبرك على اقدار الله المؤلمه:مثلا حصلت حالت وفاة لشخص عزيز عليك وانت صبرت كله
علشاااان الله
طيب كيف استغل صبري؟انك لمن تجي تدعي تقول يارب انا صبرت على طاعه وصبرت عن ما احب من شهوات علشانك يارب ..يارب استجبلي دعاء وادعي بالي تبغى وابشر بالاستجابه
ملاحظه:هنا الشيطان يجي يوسوسلك ويقول انت تتمن على ربك وتقول انك صبرت فوفقني ..الشيطان يبغى باي طريقه يمنع الاتصال بينك وبين الله لا تستمع لوساويسه..لو تذكروا قصة اصحاب الغار الثلاثه لمن تقفل عليهم الغار وقاموا يدعوا واحد قال انه جاب لوالده اللبن وصبر عند الباب حتى صحي ابوة وشرب والثاني قال انه يحب بنت عمه وكان في خلوة وصبر عنها (هنا كان كل واحد يدعي الله بعمل صالح عمله وترك معصيه كله علشان الله وربنا نجاهم وفتح لهم الغار وخرجوا)
طبعا دائم في القران الي يصبر اجره مختلف تماما عن الشخص العادي
3- كثرت الاستغفار
وهذي ما فيها كلام ياما وياما قصص كثيرا ربنا نجى ناس ورزق ناس باولاد بعد ما كانوا عقيمين لمدة10سنوات
4-الاتصال الدائم مع الله
من عرف الله في الرخاء كان الله معه في الشده ..دائما وابدا ادعي حتى لوكان الشئ تافهه او ما يستهال ادعي
مثلا:نفسك في شكولاته ادعي ايش المانع ..نفسك في لبس جديد كشخه اوجوال جديد ..نفسك تشوف صاحبك من زمان ماشفته ادعي ..ايوه ادعي ايش المانع ..مافي ولانص من الكتاب او السنه يحرم عليك الدعاء
5-فضفض لربك يوميا:
حدد لنفسك وقت تفضفض فيه لربك ..ايوه تفضفض ..ولو 5دقائق يوميا اما بين الاذان والاقامه او قبل النوم وانت سادح فضفض
مثلا :
يارب اتمنى انك تحبني وترضى عني يارب انا تعبت من الدنيا دي تعبت من الجري هنا وهنا في مشاغل الحياه يارب ريحني..اسعدني ..نفسي ياربي اشوفك نفسي يارب ادخل الجنه..يارب انا مره خجلانه منك كل يوم عن يوم نعمك علي تزيد وانا معاصي تزيد ..اغفرلي ياحبيبي
نفسي يارب اكشف وجهي واطلع برى قدام الرجال ..نفسي اكلم شباب واسرح وامرح معاهم
نفسي اسمع اغاني وانام على صوتها ونفسي اتفرج على افلام رمنسيه واحلم معاهم وانسى هموم الدنيا كلها الي تعبتني..
بس علشانك اقسم بعزتك علشانك..تركت كل الي احبه علشاني احبك وابغى رضاك ورضى الرسول
6-الدعاء في اوقات الاجابه:
وهي:بين الاذان والاقامه ..في السجود..اخر الليل ..يوم الجمعه..في مجلس الذكر(سواء كان محاضره دينيه او درس علمي)حتى لوكان شريط ديني مشغل في السياره اوبرنامج ديني في التلفزيون يعتبر 7مجلس ذكر
7-الالحاح في الدعاء:
يعني تكرار الدعوة وحتى لو تاخرت الاجابه لح في دعوتك ولا تنتظر متى تستجاب
(تجربتي الخاصه):
اقسم لكم انه لايمر لي اسبوع في هذه الدنيا الا وسارت لي مشكله او موقف صعب
واتبع هذه الطرق السابقه
واطلع من المشكله بكل سهوله في وقت قياس وفي اكثر الاحيان
(والله اني ادعي وبس اتوقف من الدعاء من هنا..ومن هنا المشكله انحلت مباشره وكانه سحر سبحان الله )
موقف ثاني:
كنت في اخر شهر في ثالث ثانوي وكان عندي اختبار كيمياء في وسط الاسبوع هذا اخر اختبار في الماده وكان الفصل جداااا طويل(عن 3 فصول)
وصعب وفيه اشياء كثيره صعبه ومتشابه تلخبط وبعدين كنت اذاكر الساعه2الليل وجاني نوم وما قدرت اقاوم
(لي اسبوعين انام في اليوم 3 ساعات واحيانا4 من كثرت الاختبارات)المهم نمت وتحلمت اني في يوم ربوع واصحى بكرااصباح الخميس
واذاكر براحتي..وصدقت الحلم ورحت في عاشر نومه وماحسيت الا الساعه6 الفجر وقمت مفجوعه بشكل..وضربات قلبي سريعه من الخوف والقلق لانه الاختبار الاخير وبعده بتقسم الابله على عدد الاختبارات وترصد الدرجه..
وكل دقيقه تمر يزيد توتري وخوفي..وانا في الطريق للمدرسه جلست اكمل مذكره
(مع العلم اني في بدايه الفصل باقي اكثر من 12 درس ما اعرف ايش جوتها)وتذكرت كلام ابلة الدين عن اهميه الدعاء (نفس الكلام الي كتبنه في الموضوع)وسرت اقراء كلمتين وادعي..
وكل ما ادعي تجيني وساويس<<ياشيخه ربنا ما لقي الا انتي علشان يستجبلك ليش انت مين..انتي رسول ولا نبي علشان يستجبلك..انتي من راصك لرجولك ذنوب ..مستحيل يستجبلك
وتذكرت كلام ابله الدين عن الاصرارفي الدعاء وعن وساويس الشيطان..وقلت يارب(اول ما ادخل المدرسه يقولوا البنات انه الاختبار تأجل)..اقسم لكم بس دخلت المدرسه صرخت وحده من البنات ..يا فلانه الاختبار تاجل ..
والله هم وانزاح وبعدين تاجل لاسبوع كامل مو يوم ولا يومين
(مع العلم انه ابله الماده جدا عنيده وغير متفاهمه مع البنات ومن المستحيلات انه تحذف معلومه اوتاجل اختبار حتى لو مات احد اولادها ..لكن قدرت الله سبحانه لايوقفها شيئ ولا يعجزه شئ سبحانه
موقف ثاني يضحك:
كنت في جامعه الملك عبد العزيز وابغى اشتري كتب من مكتبة الخوارزم الي جوت الجامعه يوم وصلت عندها لقيتها مرره زحمه قافلين الابواب وفاتحين شباك صغير والبنات زحمه عنده لاطابور ولاتنظيم علشان الواحد يخلص بسرعه وما كان عندي الا اقل من 10 دقائق وتبداء المحاضره والمبنى مره بعيد الي باخذ فيه المحاضره(مشوار)..ودعيت وقلت يارب( ترك شهوتي علشانك..ساعدني..يارب البنات كلهم يطفشوا يفضى المكان واخلص بسرعه )والله العظيم اني انتهيت من الدعوه وكانه مصيبه اوانفجار حصل.. تفرقوا البنات بشكل عجيب الي تقول اف حر,,والثانيه طفشت خلاص ما ابغى اشترى باعلى صوتها وثالثه مررررره تاخرت وفضي المكان بشكل عجيب..وجتني ضحكه وربي <<هه وما شفت نفسي الا انا اول وحده واشتريت بسرعه ورجعت وصحبتي تقول ماشاء الله عليك مره سريعه ..مسكينه ما تدري<<ههه
لليبغى وظيفه:
اختي تخرجت من الجامعه وهي ما شاء الله قولوا ماشاء الله ماخذه الثالثه على الدفعه ولكنها احبطت بالواقع انه ما في وظايف وجلست سنتين في البيت بس(اكل ونوم وتلفزيون)وسمعت عن فوائد الاستغفار واستغفرت واقسم لكم في اقل من اسبوعين حصلت على وظيفه ..ودلع وهي مرتاحه فيها بس دوامها يومين في الاسبوع ماشاء الله ..سبحان الله
تعالوا شوفوا مين تزوج مين:
مره وحده راحت عمره وكانت في اخر الطواف وبدون قصد لمحت شاب جميل وسيم ورشيق بمعنى الكلمه وبسرعه صرفت نظرها عنه وتركت متعتها في النظر والتأمل وخلصت الطواف وصلت ركعتين وهي ساجده دعت وقالت يارب تزوجني الولد الي انا شفته..رجعت بلدها واليوم الثاني مباشره قلها ابوها انت انخطبت وفي النظره تفاجئت انه نفسه الشخص الي في الحرم..اه اه يارب سبحانك
مما راق لي فنقلته
(روز) @roz_29
محررة فضية
يلزم عليك تسجيل الدخول أولًا لكتابة تعليق.
اللهم اغفر لنا ولوالدينا وللمسلمين والمسلمات والمؤمنين والمؤمنات الاحياء منهم والاموات
اللهم ارزقنا من واسع فضلك انك جواد كريم
اللهم واجب دعواتنا يا ارحم الرحمين
اللهم ارزقنا من واسع فضلك انك جواد كريم
اللهم واجب دعواتنا يا ارحم الرحمين
الصفحة الأخيرة
اليقين والايمــــــــــــــــــــــــان الكامل بالــــــــــــلـــــــــــــــــــــــــــه
جزيت خيرا على النقل المفيييييييييييييييد