اهلين اخواتي .. كيفكم ؟؟ وحشتوني من زمان ما كتبت موضوع
لانو مواضيعي مافيها تفاعل عشان كدا فكرت اني اسوي موضوع مميز وان شاء لله يعجبكم واتمنى دعوة لامي وابويا
ان الله يطول في عمرهم ويسعدهم ويبعد عنهم الحزن والضغوط
وبسم الله ابدا في الموضوع :
موضوعي اليوم عن الاسياويات اللي هم اليابانيات والكوريات والفلبينيات طبعا الكل يعرف بشراتهم صافية وفاتحة
فتعمقت في اليوتيوب وقعدت اشوف فيديوز لهم ولاهتماماتهم اليومية وسجلتها عندي والحين بكتبها لكم عشان تستفيدون
من اسرارهم :
نبدا في البشرة :
للحساسية والاحمرار في البشرة يستخدمون الشوفان وهذه الطريقة
تاخذين كمية في يدك وترشين عليها شوي موية
وتحطينه على على وجهك مثل الغسول وتفركين بشويش لمدة 3 دقايق وتغسلينه .
_________________________________________
قناع طبيعي لتقشيرالبشرة وترطيبها وتجديد خلايا الجلد :
المقادير : خل تفاح - سكر - عسل - شاي اخضر
الطريقة : تحطين ملعقة من خل التفاح
وملعقتين شاي اخضر (اذا بشرتك حساسة حطي 3ملاعق)
وملعقة من العسل
و5 ملاعق سكر وبعدين تخلطينو كويس وترجعين تضيفين ملعقتين زيادة
رح يكون بهذا الشكل وحطيه في قطنة وامسحي وجهك فيها وسوي مساج بأصابعك لمدة 5 دقايق و خليه 10 دقايق
وطريقة عمل التونر :
تاخذين قارورة زجاج وتحطين خل التفاح بهذي الكمية
والنص الباقي في القارورة تعبينو شاي اخضر
تقدرين تضيفين للتونر ملعقة زيت زيتون او ملعقة من عصير الليمون او ملعقة من زيت شجرة الشاي
ملاحظة : يحفظ القناع والتونر في الثلاجة - ويستعمل التونر لمدة اسبوعين ويفضل بالليل لانو ريحتو مو حلوة
والقناع مرتين في الاسبوع او مرة وتبان النتيجة بعد اسبوعين .
_____________________________________________________________
يتــــــــــــــــــــــــبع لحد يرد لو سمحتوااااا
ماء الارز يستخدمونو ك(تونر) او ك(واقي شمس)
الطريقة تاخذين رز ( ابيض او بني او احمر ) وتحطينو في طاسة وبعدين تحطين موية
وتخلينو لمدة دقيقتين وبعدين تاخذين الموية بس وتحطينها في قارورة وتحفظ في الثلاجة وتستعملينها لمدة اسبوعين
____________________________________________________________
مقشر طبيعي للبشرة الجافة :
3 ملاعق زيت زيتون
2 ملعقتين عسل
نص كاس سكر ( ابيض او بني )
يستعمل للبشرة الحساسة مرة في الاسبوع وللدهنية مرتين في الاسبوع
_______________________________________________________
قناع البيض لتبييض البشرة ويناسب البشرة الدهنية :
تحتاجين بيضة وحدة فقط وطاستين
وتاخذين بياض البيض وتخفقينو الين يطلع رغوة شوي
وبعدين تمسحين وجهك بالبياض وتخلينو الين تحسين ماتقدرين تبتسمين اغسليه ونشفي وجهك
و امسحي وجهك بصفار البيض لانو يعتبر مرطب للبشرة وخليه الين ماتقدرين تبتسمين واغسليه ونشفي وجهك
وبعدين حطي اي سيروم وبعدين مرري ثلجة على وجهك ولا تخافين مابيروح السيروم
______________________________________________________________
قناع الشوكولاتة لتنعيم وتصفية البشرة :
ملعقة شاي اخضر
ملعقة شوكولاتة بودرة
ملعقة عسل
و ملعقة زبادي اذا حبيتي زيادة الفائدة .. ويوضع 25 دقيقة
_______________________________________________________________
نصائح الاسيويات لانعاش البشرة :
اول ماتصحين من النوم تغسلين وجهك بموية باردة لمدة 10 ثواني
وتاخذين اسفنجة مخصصة للبشرة تطبطبين على وجهك
اذا كنتي حاطة مكياج وحسيتي انه مكتل خذي بخاخ في موية ومن بعيد بخي على وجهك وخذي اسفنجة ومسحي بشويش
غيري لبس المخدة يوميا لانو الاوساخ اللي في المخدة تنتقل للبشرة
و مايمر يوم الا وانتي شاربة 8 اكواب ماء
والتمارين الرياضية شي مهم جدااااا عندهم ومايستغنون عنها
_______________________________________________________________
يتــــــــــــــــــــــــــــــــــــبع لحد يرد لو سمحتواااا :)