اسرار البشرة البيضاء والناعمة واللي تلمع ابي اكبر تجمع

السلام عليكم ورحمة الله وبركاته كيفكم بنات

ابي ادخل بالموضوع على طول بصراحة يابنات ماخليت اكريم ماجبته ودهكته على بشرتي ماشفت كريم ليل او نهار الا وسدحته على هالوجه المملوح ولكن النتيجه ايام بل سويبعات ثم تعال ياتعب البشرة ياناس ابي طبيعه هل المكياج هو اللي خرب اوجيهاتنا والا قلة التغذية والا وش السبب برايكم او قلة الماء قبل احط اقنعه وهالحين مليت ماعاد عندي استعداد نفسي لها لخرابيط انا تراي ما ابي بياض ماهو لازم اصير بيضاء بس ابي صفاء على شوي نقاء على لمعه على صقلة وجه اه من الصقلة كيف احصل عليها( خابرتها لعبة نلعبها وحنا بالابتدائي مدري منين جبتها ) بس امي دايم تردد شفت افلانه ماشاء الله عليها صقلة عاد حلوها انتم

اية ايام زمان والله وجهي ناعم وش زينه واذا حطيت كحل او روج احمر كلن انهبل علي وقال ما زوجتو هالبنت عندكم وش تحترون وهات ياروج من زين المدح هالحين ان حطيت مكياج خربت بشرتي وصار المكياج اشهب وان طلعت بدون مكياج قالو لي وراك وشبتس عسى ما شر لايكون ابو الشباب مزعلك صرت اظطر احط مكياج علشان ما يفرحن علي

وش السواة يابنات عاد انا قلت مافية الا الحلوين اللي بعالم حواء لاني متاكدة انكم تعانون معاناتي

خلونا نتجمع ونعالج هالاسباب ونشوف اسرار الحريم ببشرتهن لاتقولن استخدمي زيت جنين القمح والله خلصة علبتين العلبة الوحدة بخمسين ريال وكنت راجعه من اجازة ثلاث شهور يعني على مدحكم المفروض الق لق والا وحدة من الزميلات تقولي وراك يافلانه مسمرة لايكون تعبانه بس كنتي تهبلين قبل الاجازة والا اتفاجا كلن يقولي وراك مسمرة حتى خواتي





يالله عاد ياحلوين خلونا نجتمع ونسوي شي ينفعنا ونفتش عن اسرار الحريم في تعاملهن مع بشرتهن