اسرار الورق العنب

عواطف تركي :

حشوة ورق العنب لها طرق كثير حسب كل شخص وذوقه في ناس يطبخونه بمكونات بسيطه مجرد بصل وطماطم ورز وليمون وزيت وانا ما انصحك بهذي الطريقه لانها عاديه جداً ومافيها نكهات ولونها يطلع فاتح . هذي طريقه يطلع للحشوه لون ومذاق كويس جربيها للبيت اذا اعجبتك اعتمديها بالقدر على نار متوسطه بيالة زيت 1 بصله كبيره مفرومه حركيه مع الزيت الى ان يذبل اضيفي 1 ملعقه صغيره من كل نوع بهارات مشكله جاهزه وفلفل اسود وكمون وبابريكا وزنجبيل بودره ورشة قرفه . اضيفي 1 ملعقه كبيره ملح او حسب الرغبه اضيفي 2 ملعقه كبيره معجون طماطم وحركيه دقيقتين اضيفي له 1 أو 2 طماطم كبيره مفرومه وحركيه الى ان يتسبك اضيفي له 2 كاس رز مصري مغسول ومصفى وحركيه دقيقتين اضيفي له كزبره مفرومه وبقدونس مفروم وشبت مفروم ربع او نص كاس من كل نوع بالاضافه لاوراق نعناع مفرومه لا تكثرين النعناع يكون اقل من الباقي حركيه دقيقه وقفلي النار . اضيفي له ملعقه او ملعقتين كبيره دبس رمان اذا حبيتي واذا لفيتي ورق العنب بالحشوه ورصيتيه بالقدر مع البطاطس صبي فوقه الليمون والمويه وقليل ملح لان الحشوه فيها ملح وصبي فوقه فنجان زيت زيتون احيانا اضيف شوي عصير ليمون وشوي ملح الليمون وفي ناس يضيفيون تمر هندي مذوب بالمويه مع الحشوه ومع السلق كلن وذوقه انتي جربي كميه بسيطه الى ان تضبطين المذاق المناسب واذا كنتي من اللي يسوون معجنات سمعت كثير يقولون يضيفون للدقيق اثناء العجن ملعقه متوسطه خل ابيض يطلع المعجنات هشه وطريه ولونها ابيض مثل المحلات .

حشوة ورق العنب لها طرق كثير حسب كل شخص وذوقه في ناس يطبخونه بمكونات بسيطه مجرد بصل وطماطم ورز...