بالنسبه للدجاج جربي اطبخيه في قدر الضغط ولا احلى عشر دقايق إلا وهو مستوي ومثل القطن على قولتك هههههههه
واما الرز طبعا هو لازم يتنقع قبل الطبخ بفتره لا تقل عن ثلث ساعه وكل ماطولت المده كان افضضضضضضضضضضضل
واذا كبيتي الرز في القدر على المرق لازم يكون ارتفاع المويه عن الرز مقدار سانتي إلى سانتي ونصف فقط واذا زاد اغرفي المرق الزايد بالمغرفه وبعدين استني لين يصير فيه فقاعات وقصري النار على آخر شيء
اما البطاطس لازم يكون الزيت حامي + ماتكون كمية البطاطس اكثر من الزيت + لاتحركينه اول ماتحطينه بالزيت اصبري شوي بعدين قلبيه

وإن شاء الله تكوني استفدتي

انا طريقتي مثل الاخت قمرا


الرز يتنقع بالماء قبل واذا انطبخ ينحط المويه اللي تغطيه بس وارخي النار عليه يطبخ على مهله ولا تغرفيه او ما يخلص خليه يجلس شوي ربع ساعه وبعدين اغرفيه


البطاطس حطي يمويه وملح وخليه ينقع فيه وبعدين حمي الزيت زين وحطيه ولاتحركيه على طول خليه الين يحمر من اسفل وابدئي حركيه

الدجاج انا اطبخ بقدر الضغط يدوب عشر دقايق اذا كانت الدجاجه اصلا ذايبه من اول


وبالتوفيق

من خلال تجربتي بالمطبخ البطاطس حبيبتي قطعية وانقعية بملح وقطعي علية شوية ثوم في موية التنقيع واذا بغيتي تقلي شيلي الثوم لانة يخرب الزيت والثوم يعطي طعم اخر للبطاطس والزيت خلية حار ولاتقصرين عليه مرة خلية قوي شوي يعني بين الوسط والقوي مرة وقدمية على طول
بالنسبة للرز واشوف اغلب الاخوات حايسين في مستوى الماء والى هالحين ماشفت ولا وحدة تعرف هالطريقة لانها طريقة عجيبة ابغى كل وحدة تسويها وتضبط معها تدعيلي بالوظيفة العجلة يارب وهي
اذا كبيتي الرز على الموية خوذي ملعقة الطعام الكبيرة حقت الاكل (اكل الرز)ودخليها في الموية ان وقفت الملعقة مستقيمة يعني الماء متوازن مع الرز، واذا مالت الماء كثير يبغى من يشيلة، واذا طاحت وسط القدر الماءكثير جدا اذا ضبطت معاك تكفين ردي لي ولاتنسون تدعون لي بالوظيفة العجلة

اختي بالنسبة للرز اذا انتي تسوينه مشخول فالمفروض ما تخلينه يطبخ وايد

واذا تبينه كبسه يكون الماي ضعف الرز

يعني كوب رز مقابل كوبين ماي


والبطاطس لا تغطينها بعد القلي خليها بمشخل عشان يطلع الزيت وما تصير لينه

وطريقة السلق لذيذة وبعدها التحمير
تحياااتي

الله يجزاكم خيييييييييييير يا بنات

والله استفدت كثييييييير .. والله يبارك فيكم

ابجرب اللي قلتوا لي عليه
وطريقة اختي المسافره جديده علي وشكلها حلوه

اما اختي سحر المها يارب يا كريم ترزقها بالوظيفه السنعه عاجلا غير اجل

اخواتي نيراز وقمرا .. دائما اذا نقعت الرز قبل بفتره ما يظبط معي شكل الرز اللي انا استخدمه يستوي بسرعه .. الله اعلم وتسلمون على الرد