اسرافنا إلى أين ؟جربووا هالطريقة لا تفوت

السلام عليكم يالغاليات
صباح او مساء الخير
طبعا كثير منا يبقى من غداهم وعشاهم او فطورهم اكل او حتى عظام دجاج او لحم
او فتافيت خبز باقي او شي تالف
وطبعا يالمزيونات اقرب حل بالنسبه لي ولكم الزبالة
لان ما يودى لاوادم ياكلونه ولا يدرى وش يسوى به ولا حولك بهايم

و الوحده منا لو تكب كسرة خبزه راح تسأل عنه يوم القيامة
فلذلك فيه حل ولله الحمد متبعينه من كم سنة رائع .

الي هو حطي كيسة بالفريزر وجمعي فيها بقايا الاكل من خبز من رز من عظام اي شي عندك حطيه فيها
انتبهي اهم شي سكريها زين عشان ما تطلع ريحة بالفريزر،

وبنهاية الاسبوع او اذا حصلت لك فرصة وحسيتي ان الكيسة مليانه روحي لأقرب براحه ( مكان خالي او مكان فيه بهايم )
وكبيه فيها يجلسون ياكلون منه كم يوم ولك اجر.

ادري ان البعض يمل كل يوم يودي والبعض ظروفه ما تسمح
جربوا هالطريقة وبتشوفون الكمية المهوله الي حصلتوها بنهاية كل اسبوع .

اتمنى الجميع يطبق الفكرة ولا يتساهل بالباقي لانه بالنهاية بتطلع كمية كبيرة .

جربوا وشوفوا أثر الصدقة بحياتكم من عمل يسير يكتب لكم أجر عظيم بإذن الله .

الله يكتب لي ولكم الأجر .