وش الله حادك تقضين عمرك كله كرف ..

مايوصل عمرك في زمن معين الا تلاقين شكلك اكبر من عمرك الطبيعي ب 15 سنة ..

والا اليدين ايدين تمساح من التنظيف والمنظفات .. والامراض من راسك لـ ساسك .. والاجهاد عامل عمايله في نضارتك ..

جيبي لك شغالة وانتي في حالتك ماراح تجيبينها ترف لان عندك 5 اطفال ماشاء الله ..

يعني يالله تلحقين انتي وياها على شغل البيت ..

لاتاخذين بخاطرك مني بس اعطيتك رايي بدون مثالية وبكل منطقية ..

ولاني اتكلمت من باب انه لاتضغط الوحده على حساب نفسها ..

عشان ماتجي سنة من السنين تندم على سنين عمرها وشبابها اللي قضته مع الكلوركس و التايد ..

وانا اتكلمت في حالة انه عندك قدرة مادية تجيبينهم ..

اما لو ماتقدرين تجيبينهم الله يقويك ويآجرك على تعبك ويعوضك في عيالك ان شاء الله ..

وادري انك ماطلبتي رأيي بس كلام حبيت اقوله ..

لاني لاحظت كثير بـ عالم حواء استحرموا على انفسهم الشغالات على حساب انفسهم ..

على العموم الله يقويك اختي .. وكل شئ بأجره ان شاء الله ..

ربي يقويك اختي

كنا نسمع عن المثاليات اللي عايشات بدون خدم كثير وينهم يردو ع اختي
مانكر ان في مثاليات ماشاء الله بس كانو. بعالم حواء كثار مرره ومستغربة وينهم مايجابو ع الاسئلة


ع العموم انا ماعندي شغالة وبس طفل معي

انا اقترح عليك قسم الرجال خليه نظيف ع طول وممنوع تروحو له حتى لو جالك احد فجأه تستقبلينهم فيه

وبرد عليك لان الوالدة مامعها شغالة بطريقتها
لان ماعندها الا شباب البنات تزوجنا
تفطر معهم للمدرسة وترجع تنام لساعة 10 ونص بعدين تغسل مواعين الفطور وتجهز الغداء وعلى بال الغداء
تلاقيها تكنس الغرف

ولما يجو اخواني وابوي تغديهم. وتغسل الملابس اول باول يعني بالظهر

ومن العصر تصير فاضية المغرب تسوي قهوة وشاي احيان وبالليل العشاء ومو يومي لان اخواني يشترو من برى بالغالب

التمسيح من الغبار مره بالاسبوع وكمان لاتنسي تحطي ملمع الاثاث يحميها من الغبار

الابواب والجدار يمكن مره بالشهر والباقي وهي تشتغل مثلا تسوي الغدا تلاقيها تمسح المغاسل يعني تشتغل اكثر من شغلة بنفس الوقت

وربي يوفقك اختي

مكرر

الله يقويك اختى لاتجيبي شغاله مو لازم البيت يكون مرتب ونضيف 24ساعه احنا مو فى اختبار
والاخت الى تقول سنين عمرى اقضيها فى الكلور والتايد يشرفنى يااختى بالعكس الله يهديك افضل من انى اجيب وحده تنضف بيتى وتطبخ اكلي وتغازل زوجي وتكشف عورت اطفالي وانا فرحانه قدام الناس اقول بيتى نضيف
حبيبتى صاحبت الموضوع انا عندى بنت وحده فمهما قلت اكيد شغل بيتى مو مثلك نصيحتى لك الرادى على القران لايتسكر وكل يوم شوفيلك غرفه تنضفينها مع الطبخ والغرف الى تتنضف قفليها والحمامات انااشوفها كل ثلاث ايام تتغسل مو كل يوم ليه والاجهزه زى ماقالو الاخوات جيبيها كلها وجربي واكيد اطفالك بعد عمر ست سنين خلاص علميهم لايرمو فى الارض ويساعدوك بالسفرة واذا عندك بنات يحطوا الملابس فى اغساله وكذا يعنى والله يساعدك

موضوع حلو مرة الله يجزاك خير

خواتي ياليت تكتبون تجاربكم وكم اولادك وبيتك فيلا ولا دور
مو لشي بس بنشوف هل باستطاعتنا نيسغني ، اتمنى والله استغني.
لان اللي عندها اثننين من الابناء غير اللي عندها خمسة وستة
وكمان اللي عندها بنات كبار غير اللي عندها اولاد او بنات صغار

ونقطة مهمة بالنسبة للزوج هل هو مرتاح وتحسين انك قايمة بواجباته ولا متضايق

الله يجزاه الفردوس الاعلى اللي تساعدنا في الاستغناء معنهن بطرح تجربتها ونظامها