الله يكون بعونك ياقلبي
والله مدري وش اقوول حياتك يبي لها تنظيم من جد يبي لها تنظيم وانتي اهملتي من الاول فاهملتي بالاخير والله مالي خلفية والا نفسي اسااعدك لكن الاخوات اللى مجربتها يسااعدونك عليك بالدعااء ولاستغفااااااااار
وبعدين يا عمري اهم حاجه بالمووضوع انك عارفة العيوب وهذي بادايه تغير باذن الله والله يوفقك يارب

السلام عليكم

الله يفتح عليك ويشرح صدرك..:)

حبيبتي فيه ناس عايشين مع امهات تعاملهم اقسى من امك مع ذلك ما شاء الله قاعدييين يعوضون هذا من ازواجهم باروع مايكون..
ويصلحون اخطائهم مو يكررونه بسبب التربيه الغلط ..
يعني ناظري للي تحتك تهون مصيبتك :)


ثاني شي دائم ادعي لنفسك وعيالك وزوجك ومافيه احلى من دعوة
اللهم اجعلهم قرة عين وللمتقيين اماما >>تشمل كل ماتتمنيينه وما لاتتمنينه من الاشياء الصالحه تكون في ابنائك ..وحتى زوجك
وقولي هذا الدعاء قبل النوم..((ألا أدلكما على ما هو خير لكما من خادم؟ تسبحان الله ثلاثًا وثلاثين وتحمدان ثلاثًا وثلاثين وتكبران أربعًا وثلاثين إذا أخذتما فراشكما ))...

وثالث شي :ضعي جدول للبيت واشغالك الروتينيه اللازمه بحيث تنظمينها بما يتناسب مع وقتك واشياء الضروريه واللي كل اسبوع مره واللي كل شهر مره وهكذا .. وقومي الصباح راح تلاقيين اليوم طويييل خلي مجهودك الصباح واشتغلي(تنظيف غسيل وخلافه) ..
العصر والمغرب والعشاء راحه بس تصليح الاكل او تغسيل الصحون ولعب وسوالف مع الاولاد ونوميهم بدري وانتي راح تلاقين نفسك تنامين بدري اذا قمتي بدري واشتغلتي بجهد منظم :)
وخوذي لك فيتامينات من الصيدليه .. راح تفيدك ومامنها ضرر ان شاء الله..

تغيري خليك واثقه من نفسك وقدراتك .. غيري نفسك للأفضل في التعامل والشكل واسلوب حياتك مع اولادك وزوجك..
عشان الكل تتغير نظرتهم لك ماااحد يثق في قدراتك الا اذا وثقتي بنفسك..


انا نفسي كثير يسالوني ماشاء الله ويتعلمون مني مع انهم اكبر ولهم خبره اكثر وانا حتى امي تنسى ولاتعلمني بخبراتها القديمه اذا سالتها .. كل هذا جبته ولله الحمد من عالمي الجميل عالم حواء .. امدني بالخبرات الحلوه في حملي وطفلي والواحد مايولد عالم .. هو يتعلم من نفسه .. ويبحث عن العلم عشان يفيد نفسه والا محد بيفيده :)


خليك صلبه عند زوجك واصري على رايك اذا كان فيه مصلحه ولا فيه حرام او ضرر .. ودايم حسسيه بقيمتك وانه محظوظ فيك ولو لف العالم مايحصل مثلك .. حتى لو انتي تحسين او عارفه انه فيه افضل منك لأنك ااذا حسسيته بهالشي هو بعد بيحسسك بالهشي وتقتنعتي انتي بهالشيء ... وتنبسطين :)
ومهما كان ،، انتي فيك مميزات اكيد فخليها هي اللي قدام عينك ولاتناظريين للعيوب ..
يعني لو كنتي نحيفه قولي من قدك لو تلف العالم ماتلاقي مثل رشقاتي ااغلب اللي يحمولن ويولدون يصيرون كروش ووع ههههههه
ولو كنتي مليانه حتى لو بكرش قولي من قدك لو تلف العالم ماتلقى وحده مربربه وفيها معالم تنحس مثلي والا ودك اني مثل هالعصلات اللي يغززون هههههههه


لو شعرك ناعم قولي اتحداك تحصل مثلي شعرها ناعم خلقه مايحتاج سشوار بهذله الكشش المنتفشه هههههه
لو خشن قولي اتحداك تحصل وحده مثلي شعرها يصلح لكل التسرحيات ان بغيته كيرلي نفع وان بغيته سايح نفع اجل سايح خابط كاني فلبينيه هههههههه


غيري تعاملك مع امك واهلك خليك رسميه ومحترمه ومقدره في نفس الوقت يعني خليك صامته بس باعتزاز يعني مو بانكسار او ذل
اذا امك اهانت او قللت من قدرك اشكريها واطلبي له طولة العمر والسعادة وان ربي يحفظها لك وقومي وبوسي راسها او ييدها علطول مع الدعوة .. في البدايه بتستغرب وممكن تنسنكر وومكن تستهجن وومكن تتمهزء بس صدقني بينها وبين نفسها راح تنبسط وبعدين مع الزمن راح تتغير ان شاء الله(وممكن الزمن يطول سنه اكثر هذا بعلم الغيب)
فاجئيها وانتي تسلمين عليها بضمه حاره وقويه ولامانع من البكاء وتقوليين لها اشتقت لك كثير فقدتك كثيييير هيجي مشاعرها مهما كان هي ام ومهما كنت قاسيه راح تلييين ,, خصوصا انك خارج المدينه اللي هم فيها فاكيد مراح يكون غريب بشكل كبير لو سويتيها ..
فاجئيها بتغيرك وانك صرتي منظمه ومترتبه واعطيها هديه فخمه وتحسسها بانك فاهمه وتعرفين الشي الزين .. عشان تعجب فيك ..
واذا اعجبت فيك راح تغير نظرتها لك


واذا زوجك مو قابل للتغييير بسهوله انتي اهدي له التغيير حاولي تجمعين مبلغ وكل عيد تهدينه شي حلو وكشخه تحبينه يلبسه مره بوك مره ميداليه مره ساعه وهكذا ..
لين هو يصير مهب قادر ينزل عن هالمستوى وراح يتعود على الكشخه والزين ..

واتمنى لك التوفيق واهم شي انتي تغيري انتيييييييي ثقي بنفسك وراح تشوفيييين الفرق ,.،

الله يكون بعونك ويعوض صبرك خير

ابد ياختي لاتكررين الي شفتيه مع عيالك ابدا عطيهم من حنانك وحبك واذا على التربيه الله الهادي هذا صح وهذا خطا والله بيده كل شي انسي الماضي وعلى قولت المثل حكي فالفايت نقص فالعقل-لا تزعلين اختي ماقصد انك ناقصه عقل بس ابين لك ان الماضي راح ابدي بنفسك اذا ماقدرتي تجيبين شغاله عادي قسمي شغلك كل يوم شي والناس احذفيهم من قاموسك لو كنتي فريده زمانك بينتقدونك هذي شغلتهم مو لانك انت الي فيك عيوب محد خالي من العيوب بس الناس مهنتها تحكي مانقدر نسد حلوقهم والاعراض الي تحسين بها شي نفسي من كثر ماتفكرين قومي روحي للمرايه وكلمي نفسك بايجابيه خلا ص انتهى وقت التحطيم الله لايرده-اذا تحسنت نفسيتك انعكس هذا الشي على عيالك وزوجك بس ابدي وحده وحده واطلبي العون من الله وان شاء الرحمن بعد فتره بنلقا موضوع تتكلمين فيه عن حياتك الحلوه الجديده الي رسمتيها لنفسك بالتوفيق حبيبتي اهم شي الماضي بحححححححبححح اتفقنا؟:27:

شكراا ام يارا و فيصل الله يجعلها بموازين حسناتك