السلام عليكم ورحمة الله وبركاته
هذي طريقة بسبوسة اخذتها من شريط المجد سريعة مرة وطعمة من جد
المقادير :
بالخلاط الكهربائي ..
ربع كاس زيت
نصف كاس ماء
نصف كاس سكر < انا طحنته
علبة قشطة
تخلط بالخلاط ثم نضيفها على المقادير :
كاس سميد
كاس حليب بودرة
ملعقة طعام بكنج بودر
وتخلط بالمضرب الكهربائي
------------------------
نصب نصف المقدار بصينية ثم ندهن الوجة بعلبة قشطة المراعي او نجدية ( قشطة تمر )
وان شفتيها ثقيلة ماتدهن بسهوله ممكن تزوديها بيالة حليب سايل وتخلطيها مع القشطة بالخلاط ثم تصبيها على الوجه
بعدين ضعي باقي خلطة البسبوسة
تحمر من اسفل ثم من اعلى ثم صبي عليها الشيرة او النستله < انا اضفت نستله اطعم
مالحقت اصور الصينية بدري لكن صورتها بعد ما صبيت عليها لنستله
وهذي قطعة وشوفو حشوة القشطة من جوا
