اسره متفكككه

السلام عليكم
ابقولكم حالتي واتمنى اذا تعرفون وش المشكله وهل هو مرض نفسي او تربيه سيئه او مرض روحي ؟؟؟
مشكلتنا من يوم كبرنا وانا وخواتي وامي وابوي بس مشاكل وكل واحد يغتاب الثاني لو اجلس مع اختي تتكلم على امي وامي على خواتي وابوي يتكلم علينا..والله يابنات امي ما تضرب ولا تخانق ولا ابوي ومن صغرنا ما فيه لا كبت ولا شي
بس كذا ناس نكره بعض صحيح الحاله الماديه سيئه و مانسافر بس الحمد لله اكلين شاربين نايمين حتى الطبخ مافيه احد يجبرنا... بس زعلانين ..
انا احس بضيقه مايعلم به الا الله كل واحد بالبيت يجي يشكي لي الثاني وش سوا به مع اني اشوفه امور ماتستاهل الزعل .. خواتي الثنتين مايكلمن بعض ووحده منهن ماتتكلم مع امي
مع اننا ببيت واحد.. متخيلين الوضع يعني حتى السلام مايسلمون على بعض
يعني حتئ الطلعات ماعمرنا رجعنا الا وحنا مغتابين بعض لين عجزنا
مانسير ولا نزور احد برغبه منا... خواتي مايبن يزرن احد.... بس انا بحكم انقطاعي فتره عن الناس ناسيه شلون اتكلم واستحي اطلع وانفضح بسبب اسلوبي السيئ
يعني بس بالبيت حتى الاكل من الضيقه ماناكل.. يعفن الاكل بالثلاجه ونطبخ ونكبه
الله يجزاكم خير وش الحل نروح دكتور نفسي او استشاري اسري او شيخ يقرى علينا