اسره مهدده بالانهيار

يابنات ساعدوني في مشكله اختي الصار لها دحين شهرين في بيت اهلي بعدليله قاسيه عليها عانت فيها خلاف كبير مع زوجها الاتعدى عليها باليد واللسان واذاها نفسيا وجسديا وحتى بنتها العمرها اربع سنوات شافت كل الصار والبنت مره مدمره نفسيا المهم ان اختي مره طيبه ومره مسالمه واكتر شخص في الدنيا تعرف نكران الذات والله انها زوجه مثاليه وبشهادة زوجها الاتغير في يوم وليله طيب وباختصار زواجهم صار بعد حب سبع سنوات وعندهم ثلاث اطفال ومتزوجين صار لهم اربع سنوات هو زي ماقولت لكم اتمادى فيها واذى اختي واطفالها وكمان تركهم شهرين بدون مايسال عليهم ودحين يبغى الرجوع خلاص خلة اجازة الصيف الاخدها منهم يبغى اختي ترجع ترجع مو يروح ياخدها طيب يعني هي مالها اهل طبعا ابويا ثار وقال ماتخرجي من بيتي انت واطفالك الا معاه واكون كمان اتاكدت بطريقتي الخاصه انه ما عاد يئذيكي وهو يقول لها انت مرتي انا الاحكم عليكي مو ابوكي والله صار ابويا دحين وحش طيب ليه سيبته يصرف على اولادك شهرين ويسهر فيهم في اليل يساعد اختي والله انا قلبي بتعصر من الدموع اختي تبكي ماتبغاه بس ماتبغى بيتها ينخرب وماتبغى ابويا يغضب عليها وابويا يكلمني وصوته ملاه الحزن والقهر يبغاها ترجع بكرامتها وانا بين نارين نفسي مشكله اختي تنحل لان حياتنا كلها اتوقفت من يوم اختي طلعت من بيتها ساعدوني اللله يخليكم ايش الحل ايش نسو ي مع العلم انه احرج كل من حاول يتدخل من العيلتين ويقول هدي مشكلتي مع زوجتي وانا احلها ساعدوني بسرعه