*** اسعار صالونات التجميل نار يا حبيبي نار ****

مرحبا وهلا وغلا

من ملاحظاتي على صالونات التجميل ارتفاع الاسعار بطريقة غير طبيعية

ولو اخذنا مثال بسيط سيشوار الشعر
القصير ( 70 ريال ) .. الوسط ( 100 ريال ) .. الطويل ( 150 ريال )
<< الحمد لله شعري قصير << ولا كانت حكاية :34:
ولو قارننا الاسعار هذي مع بعض الصالونات في الدول العربية مثل مصر ولبنان
سيشوار الشعر يترواح من 10 الى 15 دولار ( ما يزيد عن 50 ريال )
يعني نتحمم ونخلي الهوا ينشف شعورنا ازين

واما الحواجب فحدث ولا حرج
الاسعار من 75 ريال - 100 ريال
والاسعار في مصر ولبنان حدود 10 دولار واحسبوا معي

واااااااااااااه من الهايلاااااااااايت حطوا في بالكم 500 ريال
ويا ريت اللون يجي مثل ما نبي .. الا اللون بشرق واللي نبيه غرب

نسيت بعد الفتلة .. تصورا ( فتلة للشنب ) ب 30 ريال
يعني لو حسبنا في الشهر 120 ريال ... والله حرام
اذكر يوم كنت بالقاهرة كنت اعمل فتلة واتشرط بعد واتعب البنت معي
وانا دافعة بس حدود 10 ريال

واذا حكينا عن المعاملة فهذي يبي لها موضوع خاص
اذا المحل توه جديد يعاملونك بكل اللباقة
لكن اول ما يشتهر .. يعاملونك كأنك ما تفهمين شي وهم بس اهل الخبرة

خلاص كفاية والله بدا يعورني قلبي من هالاسعار وهالمعاملة
علشان كذا ما تلوموني اذا قلت
نار يا حبيبي نار *** اسعار الصالونات نار