اسعد الله كل من تدلني على المعالجين النفسيين للاطفال الاشقياء

والله يا اختي حالتك من حالتي بس نسال لهم الهدايه من الله

السلام عليكم
أختي العزيزه الوضع الذي يعانيه أبنك طبيعي جدا, وأسمه الطبي النشاط الحركي الزائد وله علاج
ويعاني الطفل من :
1)نقص الأنتباه0
2)عدم التركيز0
3) يمل بسرعه ولايستمر في اي نشاط حتى لو كان يحبه0
4) دائما تجديه متوتر لذلك تجدي الي حواليه متوترين0
5) وأهم نقطه لايشعر بالتعب من كثرة الحركه0
6)عادة يكون وزنه أقل من الوزن الطبيعي لعمره,مع نقص في الشهيه0
آسفة جدا كثرت الكلام لكن أرجو أني أفدتك0
أختك البندقية

حبيبتي لاتزعلين ولاتتضايقين 00كل الي يسويه ولدك
عادي وعشان تتأكدين حاولي تجبين له العاب حركيه يعني الي عنده شوية
طاقه زايده تقدرين ممكن بالالعاب الحركيه تطلعينها جربي وشوفي لان انا زيك
عندي طفله حركه مره حاولت اشغلها باعمال البيت البسيطه لقيتها تستجيب وخفت شوي
الله يعينا على تربيتهم والله يصلحهم ويهديهم 0

راعيه الطولات مشكورة ياقلبي والله يسمع منك

البندقية جزاكي الله خيروتقريبا كلامك كله صحيح بس بالنسبة الفقرتين 1+2
احسها مومرة والاهم يا اختي ايش العلاج ومشكورة

*-* شـــيهانه *-* حياكي الله بس المشكلة انه يمل بسرعة وان شاء الله
ربي يهديهم
:26: :26: :26:

اااااااااااااااااااه نفس مشكلتي مع ولدي البكر الله يحفظه ويحفظ اخوانه والله حتى اخوانه صايرين مثله مدربهم على كل شي ويستانس يوم يقلدونه كانه يفهمني ان اخوانه مو احسن المشكلة انه يوم كان بو 6 سنين كنت اقول يكبر ويعقل وربنا يهداه والحين بسم الله عليه صار بو تسع سنوات وصايرن اقوى وما يخاف من احد ولا حتى من ابوه ولا يحترم احد لا كبير ولا صغير عجزت انا وابوه عنه وكلامه اكبرمن سنه ويراددني ويرادد ابوه ما عليه من احد لدرجة ان زوجي صايرن يعامله على انه كبير وهو يتحدى ابوه مع ان ابوه راعي شخصية قوية وكلن يهابه الا هو دايم مفشلني ويغار من اخوانه الاصغر منه والله اني صايرتن استحي اني اضربه بسم الله عليه صايرن طولي بس عقله مرات اشوفه يفكر تفكير اطفال واقول توه صغير ومرات احسه رجال واقف يكلمني والشي اللي يزعجنا يبي يسويه وكلمته هي اللي لازمن تمشي على الكل وكل من جانا مع عياله يضربهم ويوذي اخوانه طول اليوم هواش ومناكدة ما يريحنا ابدددددددددددددد لدرجة ان اخوانه يبون يعتذرون لي لمن يغلطون يمنعهم احسه يمنعهم يسون الشي اللي ما يقدر انه يسويه علشان هو مستحيل يتأسف تمر ايام اضربه ذبحة موت وعقب اصيح واستغفر ربي واكلمه واقوله اني ما ودي اضربه بس انه يعصبني ويوم انصحه يمد لسانه يعني اني ما همني الكلام وما همني زعلكم ما يخاف لا من عقاب ولا من حرمان ودايم يقول انتم ما تحبوني مع اني احسه انه يدري ان حنا نحبه ودايم احسسه بحناني وحبي له بس يفرح يوم يؤذيني بالكلام ويدور على كل حاجةتزعلني او تزعل ابوه او اخوانه
انا مثلتس يا اختي ادورلي دكتور نفسي لدرجة اني فكرت اخذه عند طبيب تنويم مغاناطيسي علشان يدخل في اعماق نفسيته واعرف شلون يفكر وايش يفكر فيه وافهم شخصيته المزاجية المتقلبه ودايم اقرا عليه المعوذات واية الكرسي واقوله انت ولد طيب بس الشيطان يلعب بك واني اقرا لك القران علشان تتغلب على الشيطان وربي يهداك ويفؤح لحظتها ويقول خلاص بصير ولد طيب وعقب اقل من دقيقة يرد مثل اول والله اني ادعيله بكل صلاة ان ربي يهداه
عسى الله يهداه ياااااااا رب