اسعفوني جهزي في غيبوبه

السلام عليكم ورحمة الله وبركاته


من الاجازه الصيفيه وانا وجهازي شيل وحط

اول مره جيت اشغله وما اشتغل وديته لهندي حولنا وجلس عنده ورجعت له قال العله في السلك اشتري غيره واروح واشتري وما اشتغل قلنا لعبو علينا السلك ماشغل اللاب اكيد السلك خربان ومن سلك في سلك ولا كن مافيه فايده رجعته للهندي وقال السلك اوكي الخراب من المكان اللي تشبكين فيه السلك واوديه للصيانه قالو بنجيب قطعه من الامارات وبيجلس مدري كم قالو ؟قلت مايحتاج وارده للهندي قلت صلحه وصلحه واستانست واجلس عليه شوي واطفيه واجي واشغله ولا هو في غيبوته وعلى ها الحال انا والهندي والجهاز لين دخول العشر الاواخر في رمضان قال ابد بشتري قطعه ويبي لي فلوس واعطيه فلوس واخذ الجهاز ليلة العيد وقال ابد ان خرب خلال شهر جيبيه وانا خلاص بديت اشك في الهندي وجلس كم يوم وصار يجيني انو فيه احد داخل معي على الجاز وثاني ليلة جتني نفس الرساله بعدين سودت الشاشه وجا عليها كلام انقليزي ثم طفى الجهاز وتركته جاني احبط من الجهاز والهندي وش اسوي الحين وضحت لكم الصوره وكيف اصلح جهازي ووين؟ وهل هو بيصلح ويقوم من ها الغيبوبه ولا خلاص توفا؟