كوبونات الراقية تسجيل الدخول

سعوديهـ ذوق
سعوديهـ ذوق •
روز12 روز12 :
معرفه تايلند لازم تاخذي فنادق مهمه النجوم لازم 5 نجوم ماتتقارن بفنادق ماليزيا 3 نجوم جيده جدا الله يسهلك سفرتك بس خير علمي بتايلند رخيصه جدا ايش الغلا هذا يمكن عشان سيزون
معرفه تايلند لازم تاخذي فنادق مهمه النجوم لازم 5 نجوم ماتتقارن بفنادق ماليزيا 3 نجوم جيده جدا ...
تايلند فنادق 4 نجوم جداً رائعة ونظيفة ..

وفعلاً هالديرة ي زين رخصها حتى لو ارتفعت اسعارها بالمواسم تفضل تايلند رخيصة جداً بكل احوالها ..

الموت هونج كونج غالية غااااالية جداً ..

حرام والله ي ليتها على الاقل تستاهل هالصرف :confused:

والفنادق تجيب الهم وغالية .. ولا تستاهل حتى نجمة وتلاقينها ب ٣٠٠٠ ريال الليلة ..

صرفنا في اقل من 9 ايام اكثر من 25 الف من غير تسوق ..

وهذا مع الحرص بالصرف ي دوب على الاساسيات ..

والتسوق فيها برضو غالي .. صح مغري بس يبيله ميزانية خاصة ..

حتى م تشجعت على اسواقها ولا حرصت عليها بحكم تشبعي من اسواق تايلند ..

وكمان لاني راجعة لتايلند ف فضلت اتسوق من بانكوك افضل وارخص ..
سعوديهـ ذوق
سعوديهـ ذوق •
ام عزان ام عزان :
تجربتك في هالفندق نفس تحربتي في اندنوسيا ٥ نجوم وهي ماتسوى نجمه ١٥٠٠ الليله وجلست على شنطتي واليوم الثاني طلعنا ورحت ٣ مناطق كل وحده اسوء من الثانيه قطعنا رحلتنا وتوجهنا الى ماليزيا ومنها حرمت اروح شرق اسيا الا لضروره تايلند فقط ولا تقارنين بين تايلند وماليزيا ببقية دول شرق اسيا ونفس الموسم مشكلتك ياقلبي غلاء الكريمس والنيو يير الله يسهل عليك وتستمتعين بسفرتك
تجربتك في هالفندق نفس تحربتي في اندنوسيا ٥ نجوم وهي ماتسوى نجمه ١٥٠٠ الليله وجلست على شنطتي...
غبنة والله .. بعض الاحيان تقدرين تتقبلين الفندق وتقولين معليش نتحمل ..

بس هالفندق شئ لايُطاق ..

وفعلاً شكلك مريتي بنفس تجربتي ..

سواء بالدولة او الفنادق ..لاني انفجعت من هالديرة اللي ماخذه سمعه على الفاضي ..

يعني بحياتي م شفت فندق 4 نجوم والليلة فيه حدود 1300 ريال والكنبة مخيطينها يعني مرقعينها ؟؟؟؟

الحمام الحواف كله عفن والموكيت كله بقع وريحته ؟؟؟؟

اطلالة غرفتي على مكيفات وغسالة خربانة ومكسورة وسراويل وشراشف منشورة بالسطح اللي جنبنا ؟

والخدمة ؟؟؟؟؟؟؟؟؟؟؟

اسوأ 3 ايام مرت علي الله لا يعيدها ..

بس ربي عوضني في هذا الفندق .. على الاقل نظيف واطلالته حلوه واخلاقهم محترمة ..

http://www.booking.com/hotel/hk/grand-hyatt-hong-kong.ar.html

حتى لما خرب النت يمكن ساعتين ..

اليوم الثاني ارسلوا لنا ظرف فيه رسالة اعتذار وصحن فاكهة ..

بالنسسبة لتايلند وماليزيا صادقة ..

احس هالدولتين مستعدة تستقبل السياح سواء فنادق او نشاطات ..

صح تايلند وسخة بالذات بانكوك ولا تقارن ب شوارع ونظام ونظافة هونج كونج ..

لكن شتاااان بين الثنتين .. سواء سياحياً او فنادق ..

الشعب التايلندي بسيط متعاون .. دولة مهيئة للسياحة ..

لو تجلسين فيها شهرين م تنتهي نشاطاتها السياحية ..

شعب هونج كونج شعب عنصري غير متعاون غير منفتح ..

مايفهمك لا بالكلام ولا بالاشارة ..

م عنده استعداد يكلف نفسه يفهم طلبك .. غير اخلاقهم السيئة ..

وبالنسسبة للوقت اللي انا فيه صادقة وقتي في الهاي سيزون عشان كيذا الفنادق غالية هالوقت ..
سعوديهـ ذوق
سعوديهـ ذوق •
W7DA WAW W7DA WAW :
افضل السكن بمنطقة كولون دورت لك على فندق اسمه icon سكنت فيه كان رائع جدا واطلالة روعه بس شكله مليان وسعره كان 900 ريال وكان وقت راس السنه الصينيه بس شيكت مرره عليه وكان 1500 بالصيف والاكل ماكن ياثر معي كثير لاتروحين مطاعم عربيه امسكي اكلك فجتيرين بدون لحوم وبيتزا ويمشي الوضع وسلطات اهم شي بس التسو غالي جدا
افضل السكن بمنطقة كولون دورت لك على فندق اسمه icon سكنت فيه كان رائع جدا واطلالة روعه بس شكله...
تمنيت تمنييييييت الاقي حجز في هالفندق بس ابداً م لقيت ..

انا يوم ابحث اظن الليلة في حدود 1500 ريال او اكثر نسيت ..

بالنسسبة للاكل معانااااة بس طحنا بالاخير في مطعم تركي اسمه اسطنبول انصح فيه للي تبي تروح هونج كونج ..

جداً لذيذ .. ونظيف بالرغم انه صغير المطعم نتفه بس اكله يفتح النفس ..

وفيه كمان مطعم في مبنى المسجد اللي قريب من المطعم التركي بس م عجبني المكان ..

واسعارهم رخيصة جداً .. لان رواده من البسيطين اللي عايشين هناك ..

انا اكلت فيه مرة بس م عجبني طريقتهم وحوستهم ..

والتسوق فعلاً غالي .. بس زي م قلت مغري ..

اصلاً هونج كونج يسمونها شوبنج برادايس .. يعني جنة التسوق ..