{راح أتكلم بالعامي حتى يكون اكثر تقبل}
اليوم قررت اقولكم سر أستجابة ادعيتي بس بالأول بقولكم قصص استجاب الله لي ولله الحمد
الحكمه من طرحي القصص أحتمال احد صار له مثلي ويأس فيرجع له الأمل طبعا قصصي كثيره ومستحيله
بس تعرفون بعضها مأقدر اقولها بسبب انها شخصيه فبذكر لكم القليل حتى تعم الفايده
قصتي الاولى:
كنت اتمنى امر يحصل لي معليش ماأقدر اذكره لانه شخصي كنت ادعي اربع سنوت كاااان مستحيل
يتحقق لكن الله مافي شي مستحيل عليه كثفت الأسرار اللي بذكرها آخر شي
أستجاب الحمدالله بأسبووعين
قصتي الثانيه :
شعري وماأدراك ماشعري كان يتساقط بشكل ملحوظ ومقصصصف وبشرتي تعبااانه وفيها حبوب ونفسيتي تعبانه
ودعيت ربي مع الأسرار بأن تتحسن بشرتي وشعري ونفسيتي الشكر لربي تغيرت 180 درجه بدون استخدام شي الكل
منهبل مني<<هذي القصه للي يحبون الجمال
قصتي الثالثه
أنا مصابهـ بمرض السكر وأضرب الأبر وكانت ايدي ورجلي متوورمه بشكل ملحوظ ودعيت ربي مع أسرار استجابة الدعاء
الحمدالله خلال شهر خف التورم مررهـ بس كان تورم خفيف مايبان عشان يسهل علي ضرب الأبر
قصتي الرابعهـ :
كنت محتاجهـ مبلغ من المال تعرفون البنات طلباتهم ماتخلص قمت دعيت ربي مع الأسرار
اليوم الثاني جاني المبلغ لاتسألوني كيف المهم جاء واكثر من اللي أتمنى
طبعا هذي قصص بسيطهـ الله منَ علي بالكثيير بس زي ماقلت قبل تحفظا<<لاأحد يلومها
هذي الأسرار اللي سويتها لاتقولون يوووه هذي نعرفها ابغاكم تدققون فيها او سويتها ومانفع لايدخلكم اليأس
والسر الكبير آآخر شي لاتقرون هذي الأسرار وتطلعون باقي سر كبييييير بقوله بالأخير!!
الأسرار
1 /طبعا لازم تكون شخص مصلي ومتأكده الكل يصلي **
2/الألحاااح خلي ادعيتك ثلاث مرات وكثري من أسماء الله الحسنى وانا كنت اكرر ((اللهم يامالك الملك,,اللهم ياحي ياقيوم,,اللهم يارحمن يارحيم ,,اللهم ياحليم ياعليم))اكررهم ثلاث مرات **
3/الأستغفار شي عجييييييب لو أقول من هنا لبكره ماوفيت حقه أنصحكم فيه والتسبيح**
4/لاحول ولاقوة الابالله شي عظيييم قوليه كل يوم مية مره اقل شي راح تتحول حياتك من شقاء الى سعاده
ومن مرض الى صحه لان معناها التحول من حال الى حال بفضل الله**
5/آهم شي بالدعاء الدعاء للغير لاتتهاونون فيه لو ان شاءالله دعيتي ان الله يشافيك من النمش اللي بوجهك وادعي ان يشافي لكل من يعاني منه<<جبت هذا المثال الصغييير القصد انه بصغيره وكبيره ادعي للغير وهكذا بكل شي**
6/اكثر من لاإله الا انت سبحانك اني كنت من الظالمين واللهم اني انا المضطر وانت المجيب**
هذي أكثر شي كنت اسوويه زيدو عليها من عندكم كل مازاد كان احسن أجر واسرع استجابة دعاء...
ياناس لاتروحون السر الكبير لازم تقرونه قريته مره ومانسيته ولامره ,,,
السر الكبير:
السر الكبير هو انك تدعي اذا حسيت بملل او شفت انك متكاسل تدعي قوم غصب ادعي
اوضح اكثر اذا بديت حسيت انك دعيت و ماأستجاب وبديت كأن الملل يدخل قوم وانت بعز مللك
وصلي وادعي
تدرون ليش...؟
لاني قريت اذا الأنسان بدأ يمل هذا معناته ان استجابة الدعاء قربت والشيطان يلهيك عن الدعاء عشان تفوتك
الفرصه
من يوم قريت هالكلام وأنا اذا مليت اقوم بسسرعه اتوضى وأصلي
ياناس الملل يعني قررب استجابة الدعاء صلي حتى لو انك طاقه مو تبين الله يستجيب لك سوي اللي تكرهه نفسك
لترضي ربك اللي بيده كل شيء سبحااانه
صدقوني الفرج قريب دام فوقك ربُ رحيم لاتستعجلووون استجابة الدعاء الله أدرى بمصلحتك يمكن اذا استجاب لك بدل ماتكون من صالحك تصير ضدك بالدنيا او الأخره
ودائمااااااا خلي هذي المعادله في بالك ..
الدعاء+ قيام الليل+ الاستغفار+ الصدقه + حسن الظن بالله =
فرج فرج فرج وتحقيق للآمال ورضى ملك الملوووك
ابغى كل من قرى موضوعي يدعي لي بالشفاء والتوفيق ...!
اي وحدهـ بتنقل الموضوع او تقولهـ لاحد بالله عليكم خليهم يدعون لي ,,,!
أختكمـ
فيونكهـمنقوووول