ايش افضل رقايق ماتتشرب الزيت وتكون طريه وماتحترق بسرعه
وابي اسئل عن فرزنة سمبوسه اللحم
مايتغير طعمها
والقلي متى اقليها بعد مااطلعها من الفريزر على طول
ولا اخلي الثلج يذوب
هذي اول مره افرزن
ولولا مرضي مافرزنت
وبسئل عن الخضار
عادي افرزنها ولالا اقطعها مكعبات واحطها بالفريزر
مثل البطاطس والجزر ينفع ولاتخرب
وعندي استفسار
عن التمريه
هل تخرب بسرعه
لاني ودي اسوي كميه كبيره واحطها بالثلاجه
ونهذي طريقة العضوه الي بسوي نفسها الله يجزاها خير
ابيكم تشوفوو المقادير هل هي تخرب لو طولت ولالا
المقادير:
عجينة التمر
كيلو تمر خلاص
نصف اصبع زبدة
حليب نستله وممكن الاستغناء عنه واستخدام حليب بوني السائل او اي نوع
شوية بسكويت شاهي
للتغميس
بسكويت شاهي مطحون
اوريو مطحون
جوز هند
قرفة مطحونة
جوز الهند
سمسم
الصوص
توفي + طحينة سائلة للتمر+ شوكولاته نوتيلا وهيرشي
اشواك صغيرة بلاستيكية
قالب ثلج صغير
1- جهزي كيس تمر خلاص خالي من العبس او الفصم.
2- اعجني التمر بنصف زبدة + شوية حليب نستله+ شوية بسكويت شاي مطحون
طبعاً ما فيه مقدار محدد على حسب طراوة التمر لأن احياناً التمر يكون لين مره فما يحتاج تضيفين له اشياء سايلة كثير واحياناً العكس
اهم شي يكون طري جداً وفي نفس الوقت ما يخرب معك وقت التشكيل
3- جيبي قالب الثلج (يفضل يكون صغير عشان يكون مشابه للمحل بالضبط) وحطي فوقه التغليف البلاستيك و خذي كره من عجينة التمر واضغطيها في القالب الى ان تتشكل ..خلي جنبك صحن فيه زبدة او زيت عشان تغطين اصبعك كل ما نشب فيه التمر
4- اسحبي التغليف البلاستيك لإخراج مكعب التمر من القالب . وصفيها في أي صحن جنبك
5- غمسي كل (عشر حبات تقريباً) على حسب عدد مكعباتك في أي من الحشوات التالية
أ- بسكويت شاهي مطحون
ب- اوريو مطحون
ت- قرفة مطحونة
ث- سمسم
ج- جوز هند
ح- أي نوع مكسرات مطحون
(صفيها في صينية حسب رغبتك في التشكيل)
الصوص
1- صحن صغير نوتيلا مخففة بشوكولاته هيرشي + حليب بوني
2- صحن صغير طحينة التمر الجاهزة من محلات التمر
3- صحن صغير توفي جاهز يجي مثل علبة شوكولاته هيرشي لكن لونها توفي وممكن تخفف بحليب بوني
توزع الصحون في زوايا الصينية
ولا تنسي وضع الاشواك الصغيرة البلاستيكية (من ابو ريالين) اما على نفس المكعبات او في اي مكان في الصينية
=====================================
وبالهناء والعافية
لا تنسوني من (شكراً) + دعوة حلوة منكم