راح الشر وغدا @rah_alshr_oghda

عضوة فعالة

اسفه تم تكملت قصتي مع زوجي وثقته وحبي له

كلي اسف والله ماتوقعت موضوعي يغلق واسفه لادارة على تاخيري وكتابه القصه بهالاسلوب لاني مترددة اكتبه بس مشكلتي كان على دوام المهم انشغلت اليوم بولدي الصغير تعبان

السلام قررت اكتب مشكلتي او قصتي الي مخليه نفسيتي زفت لان ابغا حلول لاني ماطرحته الا على اختي وصديقتي
قالو عديها

انا عديته بس قلبي ونفسيتي الا الحين مجروحه

يابنات بقولكم قصتي وابغا حل
انا متزوجه لي السنه السابعه الله يتمم علي وعندي 3اولاد
مشكلتي اني من سنتين ونص كنت حامل ونفسيتي زفت من اهلى واهل زوجي والعمل ضغوط الحياة
وزوجي كان هو المتنفس الوحيد لي كنت دايما افضفض له بس شكله مو راعيه كانت نفسيتيةمو متقبله هالشي المهم مع
الايام حسيت انه يتضايق

ظروف الحمل والشهر الاخير كان حملي تعبانة مرة وهو والله ماظلمه كان يعزني ويحبني المهم ولدت وكنت مرة تعبانه اول مادقيت اعليه ابشرة حسيت انه مو زوجي وحبيي واحس فرحته عاديه تخيلو
وهو الولد الثاني رد علي مبروك بس ومزاجه زفت
قلت يالله عديها يامراة لاني توقعت يسوي مثل ولادتي الي قبل فرح ولايبي يسكر السماعه من كثر خوفه علي

المهم وهنا القصه والمغزا اه بسسسسسسسسسسسسسسسسس وش اقول
جات مرحله النفاس ورحت عند اهلي ويليتني مارحت المهم جا خذني من المستشفى وتخيلو ولا جا شافني خلص اوراقي وقال يالله لنزلي انا تحت قلت له تعال ابيك تساعدني بشيل الاغراض قال انزلي بس انا مشغول بلعتها:mad:
رحت لبيت اهلي وتعرفون فرحه الاهل واخواني نسيت اشوي همي تخيلوووووو الرجال متغير وكل ماقوله وش فيك قال انا تعبان تخيلو ولايجي الا بالاسبوع مرة تعبت نفسيتي
وتخيلو اذا جا يقعد عني بعيد وانا احاول اتقرب وهو مزاجه مقفل يجي يشوف اولادة واغراضهم ويمشي حتى مكالمته مع اشويه
طيب جات فترة طلعتي من الاربعين وتجهزت اخر شياكه ودقيت عليه قلت انا عازمتك بمطعم تعرفه قال ايه
بس مو وقت مطاعم خليها بعدين انا زعلت وقعدت اهاوشه طلع العفريت الي فيني:mad: قلت كلام يسم بدنه
سكر في وجهي بعدين ارسل رساله قال انطقي بيت اهلك لين تعرفين وشلون ترفعين صوتك علي انا قعدت ابكي من وجع فيني وهم تخيلو اخوي حاجز طاوله لي عشان الموعد الغرامي الله يخلف علي
هو فشيله هو قهر
قعدت بيت الي يمكن عشر ايام وانا اقرار وش اسوي المهم اتفقت انا اخوي يوديني الشقه له ورحت وهو نايم صحيته وقبلته وقربت منه وقلت له اسفه مو قصدي اطول صوتي عليك
المهم هو تقبل اسفي وقال قدري نفسيتي مضغوط المهم تراضيني ورجعت فالبيت وعيالي احس اشوي كل معصب يعني متغير
قعدت خمس شهور بعد الولادة وهو شوقه متغير لي حتى بالسرير شكيت قلت يمكن يشوف افلام الي تخليه مايشتهي هالشي دورت وراقبت تطمنت مالقيت شي
المهم بعدين قلت له عطني جوالك بصور عيالي لاني مكشختهم وهو تصوير جواله احسن
انا خذت الجوال بفتحه الا سمعت ذا الزئير الي طلع من فمه وعصب وسحب الجوال مني عاد انا استغربت من ردة فعله ليه عصب سرحت بالتفكير ماسويت شي غلط عشان يسوي كذا
المهم انا زعلت وطلعت من الغرفه الا وهو جاني قال مفروض كل واحد له خصوصيه قلت طيب من متى مو جوالك جوالي وجوالي جوالك لان حنا طبعنا كذا قال من اليوم كل شي تغير
والله يابنات انس حسيت دخلت مرحله جديدة ونفسيه زفت وشك وحيرة
بعد شهر قلت لازم افك هالشفرة وليه جواله كل انتظار ذقت مر الحياة وهو التحول الي صار لان هو كان يحبني موت ولايرضى علي
وش الي غير وخذت مرة جواله من يدة وهو يتعبث فيه لان حط رقم سري عليه ودايما تجي رسايل ولا اقدر افتحه
بس يابنات مكان تفكيري انه قلت يمكن عندة مقاطع وسخه
عاد انا وامزح معه خذت جواله بالحيله وقام لوى يدي وضربني علي يدي بعدين كسر الجوال على الارض قالي كسرته ارتاحي المهم قمت وخذته قلت انا فيه فيه وش كنت مخبي فيه قال خلاص معاد في شي ارتاحي
انا قعدت ابكي وانا ماني متخيله انه يضربني خذة ثوبه واغراضه وطلع ولاجا الا بالفجر وانا جالسه انتظر وش الي صار عشان يسوي كذا
المهم جا الفجر ونام وخلاني ولا عليه انا لعب فيني الوسواس الخناس
جا اليوم الثاني وهو قاعديتغدى قال ارتحتي يوم كسرت جوال قلت لا لاني ابي اعرف وش مخلي بوعيالي وقلبي وحبي يتغير علي كذا فجاءة
المهم قام باس راسي وعطاني رضاوة 500
قال نفسيتي زفت المهم هنا الفاس طاح براس
قال وش تسوين لو ان واحد يحيبك بجنون ولا يقدر يفارقك قلت له هذا معناة حب مثل مانا احبك واقدر افارقك
قال بقولك شي بس لازم تفهميني وتفهمين موقفي قلت له طيب
قال في وحدة تحبني بجنون انا :confused: معي نطاق عملنا وتقول اذا تركتني بتذبح نفسي وهي تدري اني متزوج واحبك واحب عيالي
بس تقول لازم تتزوجني وانا قلت لامي وهي تقول خله يجي وابوك يوافق عليه وايش هذا الام الي ترضى على بنتها
انا انصدمت انفجعت مت ورجعت وبكل وقاحه يقوله في وجهي بعد قلت ليه انت تحبه قال لا بس اميل لها وانتشبت معها
قلت طيب انت تبي تتزوجها قال يعني بس وش اسوي قالت لامها لان امها طاحت عليها ولازم اتزوجها ليه انت شفتها قال ايه ارسلت لي صورتها بس والله انت احلي هي من النوع المقبول
انا احاورة بهدوء بعدين صرخت باعلي صوتي وبكيت بعدين رحت غرفتي وقفلت على نفسي وضربت نفسي بالجدار فلم حشا والله ماني مصدقه وش الي صار انا اتخيله فلم صار معه ماحسيت الا وانا ابكي الا شي انخفض في راسي او كان شي مفتوحه في راسي الا وغيبت عن الدنيا

بعدين ماحسيت الانفسي بالمستشفى وعلى الغذايه صحيت وانا والله يابنات اول ماصحيت حسيت اني انسانه ثانيه امراءة مكسورة ضعيفه مهزومه مخدوعه بعد عزي ودلالي ونفسيتي الي كنت في عمر الزهور صارت حياتي كله شوك والله ماتمنيت اني صحيت من الاغماء شفته:arb: جنبي وحسيت انه غريب وسخ ووقح مسك يدي وحب راسي وهو عيونه محمرة من:icon33:قال لي خفت عليك يام عيالي حسبي الله علي ماتوقعتك كذا ماتقبلين الصراحه يليتني ماعلمتك

انا قلت له وبكل برود وحسيت اني مو زوجته غريبه عنه قلت له ابتعد واطلع من الغرفه وهات عيالي ابي اشوفهم لان هم الي راح يريحوني وصدق نزل عيونه بالارض وجاب عيالي من تحت وبوست فيهم وقلت له انا مراح اتفاهم مع واحد مايخاف الله ولايراقب الله انت ماخنتني خنت ربك روح كمل وسخك مع البنت الي ماهلها ربوها ولا احسنو تربيتها
وهذي الي تصلح زوجتك مو انا الوفيه الي لعب زوجها من وراها
وانا اذا قعدت عندك مو عشانك عشان عيالي لاني مابيهم يضوعون بالطلاق قلت له الطلاق هو قعد يصرخ وارجوك لاتقولينها انا مابي اطلقك لانك ام عيالي وزوجتي وحبيتي والله العظيم وهذاي البنت وش اسوي فيه متعلقه فيني
قلت له لانه مو متربيه وبنت.................... هو عصب ارجوك لاتقولين عن هذا الكلام لانه بنت عوايل وقبايل ومتربيه قلت له(لو انه متربيه ماكلمت رجال غريب وترسل له صورة وتترجه يتزوجه)هو قال ظروفها اجبرتها وهو يدافع عنه وصوتنا على بالمستشفى وطلعني قال يالله عالبيت قلت اكيد بروح بيت اهلي قال لا بوديك مكان تنبسطين وتريحين نفسيتك ودانا البحر وصار يتكلم ويتكلم عن اشياء ثانيه ويلاعب عياله وانا والله مالي خلق عليه ومصدومه بالمرة ماني مصدقه الي صارالا وشوي يجيه مسج بعدين بربع ساعه رنه بعدين اتصال انا عيني عليه وهو انحرج وتبهدل قال اكلمكم بعدين قلت عطني الجوال فيني شري والله اني قلت لاخرب بيتها واحطمها ولا افضحها المهم قلت له طيب علمني من هي قال وش بتستفدين قلت مو هي راح تصير شريكتي المهم من ومن الين اعترف وعلمني من هي واه ليتني ماعرفتها:09:طلعت اعرفها من بنت عمها زميلتي بالعمل ويابنات مشكلتها قبيليه واهله اجواد ليه تسوي كذا وهم مشكلتهم خواتها مايمشون لانهم بسيطين بالجمال يعني ولابد تصدقون ارتحت قلت الامر هين ورحت ادور على رقمها لين وصلت لها بعدين سمعت صوتها وووووووووع يلوع الكبد عرفت انه متدبس فيها بس يابنات جاني شي ولاعاد تكلمت وسكرت بوجهها وصار جدار طويل بيني وبين زوجي جا يترجاني اني ارضى وهددته اني بزيارتي لاهلي راح اقول لامي وابوي وهم وش يشيرون علي خلهم يعرفونك انك متطوع بس كذا ولا وينك وين التدين تخون ربك وايش تقول بنتحر المريضه نفسيا قال الحين وش مشكلتك لو اتزوج عليك قلت له انا ماتنحط وحدة فوق راسي وايش بعد خمس سنين زواج وتضحيه وتاخذ وحدة تقول انه تحبك رح لها بس تطلقني وتحط لي بيت عند اهلي وتصرف على عيالي لان ابوي مش مكلف فيهم واتهنا معها لان صدقني بكرة راح تتطلع من بيتك وانت مو مطمن لوحدة كلمتك اكيد بتكلم غيرك
وانت اختارررررررررررررررررررر
طلع وهو معصب ورحت الدوام وانا نفسيتي مهزومه وقلت لصديقتي السالفه قالت طنشيه يالخبله ولا تعطينه وجه ولاتطرين الطلاق يالخبله خليه هو يقرر لان راح يبهدل لان هو يحب عياله مررررررررررررررررررررة يابنات وللمعلوميه انا كان عمري وقته 25 وهو 37
وال..............زماتتسما عمرة 32 يعني كبيرة
المهم جا الظهر وتقابلت معه قال ها وش اخبار الحلو اليوم ونفسيته قلت مدامك بعيد عني انا بالف خير وعلى فكرة انا صرت اعرف خويتك ويمكن خويت غيرك صرت اعرف بنت عمها وانا صادقه سالت خويتي عنها قالت حنا مقاطيعنهم وهم مو عيال عمنا من بعيد وتراااا هم الله يستر عليهم مو ولابد ابوهم متوفي وعندهم اخت مطلقها زوجها واخوها راعي م خ د ر ا ت الله يستر عليها خوش نسب الله يهنيك فيها قال وانت قاعدة تسألين من بأمرة قلت مو انت راح تتزوجها وتصير زوجه ابوهم عيالي
هوووووووووووووووووووووووووو كشر واشوي راح يصقع بالسيارات
قال انا والله مابيها بس الشكوى لله هي الي تبيني وش الحل معها قلت لي هي ماسكه عليك شي والرجال مايعيبه شي اتركها
قال تصدقين انا احبك لا اقدر استغني عنك
هههههههههههه قلت على فكرة هالكلام معاد يلزمني لاني مجهزة اغراضي وراح اسافر مع اهلي هاليومين لبيت جداني وخلك تفكر
قال لي مافي روحه خلي عيالك ياخذونهم وانتي اجلسي قلت:موعلى كيفك ابى اغير جو وااااصر علي ماتروحين حسيت الرجال جدي قال :كيف تروحين وتخليني لحالي قلت انت بزر ماينخاف عليك
ورحت وخليته ولادق علي قعدت يومين وفقدته وولدي الكبير ماغير ابى باباو دق عليه ولارد ووصلنا ونزلني ابوي البيت علشان ولدي مدرسته وانا دوامي
ماجيت الا الانوار مطفيه وزوجي مشغل قران بالصاله وهو مرتمي على الفراش ومتلحف والشقه مررررررررررررررررررة وسخه ومعفنه ومكتمه

عيالي طيران تبووووووووووووس في ابوهم ويلاعبونه وهو مرة شكله سلمت كذا بس ماشفت وجه
جا ولدي الكبير ماما وش فيه بابا مايكلمني وجسمه حار انا طيرررررررررررران ها يافلان وش فيك مارد علي رحت اصحيه واكمدة بالثلج ومرة مسخن واوديه دورة المياة اعزكم الله واروشه واحس وانا اروشه تذكرت مواقفنا وايامنا الرومنسيه والحب
قلبي وجعني عليه عاد هو صح صح اشوي قلت بروح ادق على اخوي يجي يوديك الدكتور.. مسك يدي واخذ الجوال قال خايفه علي الى الحين تحبيني طيب ارضي علي وانا اطيب من الى فيني وخذني وضمني وقعد يبكي وهو يققول والله مدري وش فيني نزوة وانا تبت قلت خلى هالكلام عنك وارتاح الزم علينا صحتك
هو ارتاح واشوي ارتحت انا
وقعد يلعب مع عياله
وبعد شهر او شهرين رجعت حياتنا عاديه وعدني مايكلمها ابدااا وماخلا شي ماهداني فيها

الافي العيد تجيها رساله تعايدة بالعيد الا هي المفعوصه وهو يرمي الجوال علي قال شوفي وش اسوي معها قلت براحتك انت وضميرك الرجال يعني اني خلاص وانا مو مطمنه الا بعدشهر من العيد الا وانا اتنتظره يجي بالدوام دق علي وتاخر علي قلت وش فيك تاخرت كلن طلع وانا لحالي قال انا مسكتني الهيئه وانا بالعمل انا
خلاص نشف دمي قلت ليه وش مسوي انت يمسكونك وهو صوته مرة خلاص يقول انا انتهيت انا:طيب ليه قال: بنت الكلب مشتكي علي اني اهددها بصورها وانا من زمان ماكلمتها وهم يسون الاجراءت ويفتشون بجوالي والفاتورة و****لله براءة اطلع ادعي لي وانا دقيت على اخوي يجيك انا: قلت طيب انتظره طمني عليك والله حسيت خلاص عيالي راحو فيها قعدت اتحسب عليها وادعي عليها انه ماتتوفق المراة حدةا تبي تتنغم منه الله ينصرة عليها
المهم جا حماي وخذاني وانا ماغير ابكي ////وحماي ماغير يقول اذكري الله وهو مظلوم بس هذي تتبلى عليها وزوجك معروف مو راعي هالحركات معروف مصلي ومزكي ولاعندة هالحركات المسكين مايدري انه معها علاقه,, وهذي من بنات هالجيل وصدقيني راح اطلعه لان حماي عندة معارف وطلع زوجي وجا حسيت انه غااااااااااااالي على قلبي لان هو بوعيالي
رحبت فيه وسميت عليه وسالته وش السالفه قال الكلبه متهمتني اني ارسل له رسايل اهددة بصورها وانا ارسلت لي صورة مش واضحه ومسحتها ولااهتميت بالموضوع لانه مادخلت مزاجي والهيئه جات ومسكتني من عند عملي حسبي الله عليها معلمتهم عن شكلي وسيارتي وهم صدقوها وكذبوني بس مسكينه تفشلت لاني اتهمتني كذب لان شافو ماعندي شي امسكه عليها والرقم مو رقمي رقم غريب وطلع الحق وقالةو حنا بنراغب جواله وجوالك ان جته رسايل راح نمسكك
وتعرف وش راح يصير فيك تهدددددددددددديد
انا قلت له شوف هي من مرسل صورها له ويهددة به هو طالعني بنص عين قال والله انك صادقه انا وش طيحني في هالاشكال استغفر الله الله يتوب علي
والله اني عرفت قيمتك ومن بكرة بلغي رقمي وبطلع رقم جديد وببدا صفحه جديدة معك
واتمنى تسامحيني اانا سكووووووووووووووووووووووووووت
مانطقت بشي خليت الزمن هو يرد
يتبع....

يلزم عليك تسجيل الدخول أولًا لكتابة تعليق.

تسجيل دخول

ام ليونه ونوره • 14 سنة

اسفه اختي غدا الشر قطعت عليك قصتك من زود الحماس :35:

راح الشر وغدا • 14 سنة

وهنا الكلام مرا على السالفه سنتين ونص وانا والله والي خلقني اني متغيرة عليه واكرهه ودي انتغم منه
وهو مسكين احس انه تغير للاحسن ويحاول يراضيني بشت الطرق وصار يجلس بالبيت وجواله ماغير عندي
بس احس اني فيني جرح
تصدقون يابنات احس جاني اكتئباب ودي اروح اعالج نفسي معاد احس بطعم الحياة في اي شي حتى الايام تمر ولاعاد احس فيها
ددددددلوني يااحلى واغلى بنات حواء على قلبي
وراج اتقبل كل ردود منكم الي راح تجرحني وتشجعني

نامية الشوق • 14 سنة

تصدقين توقعت النهايه غير كذا

توقعتها مؤلمه وجارحه

لكن الحمد لله ,, واحمدي ربك انه تغير وتاب

وسنتين كفيله بانها تثبت لك صدق زوجك وتوبته

وترا فعلا فيه بنات هم يبلون الرجال بحالهم

وزوجك باين عليه انه طيب وحنون

وصراته لك اكبر دليل

تعوذي من الشيطان وانسي اللي راح

واذا تحسين انك بحاجه لمعالج نفسي روحي لا تترددين

موفقه

ام ليونه ونوره • 14 سنة

اختي الغاليه لان جرحك كبير يبي له وقت حتى يبرا

بس اشوف ان زوجك خلاص الله يتمي عليه رجع لكم وانتي لاتفكرين بها السالفه

لانك كل ماتذكرينها تصير كانها صايره من قريب تناسي وعيشي حياتك وشوي شوي

يرجع الود طبعا مايرجع مثل اول بس على الاقل اللي يخليكم تعيشون بصفا

الله يسخركم لبعض ويهدي بالك ويخلي لك عيالك

أم ريما2009 • 14 سنة

بانتظارك