اسقاط الحلق عند الاطفال

مساء الخير جميعا
انا ولدي الله يحفظة عندة 8 شهور بس صار له مدة رافض الحليب الصناعي رغم انه كان يحبة ويشربة وغيرت له الحليب والرضاعات كم مرة بس مافيه فايدة ونحف مرة وصارت نفسيته سيئة متنرفز على طول وبس يزن المهم جلست احوس في المنتدى ولقيت امهات عندهم نفس حالتي وقالوا يمكن عندة اسقاط ويحتاج ترفيع بس انا ما اعرف احد يرفع وحبيت اسويه بنفسي بس ابغى شوية معلومات عنه طبعا وحدة من الاخوات سالت عنها قبلي بس ما احد جاوبها
فالله يحرم وجهها على النار الي بتجاوبني لانكم تعرفون كيف لما يكون طفلك مريض تنقلب حياتك وتتغير

الي عرفته انه تدهني اصبعك بزيت زيتون وتضغطي سقف الحلق على فوق عدة مرات
بس عندي أسئلة:
1- ايش المنطقة اللي اضغطها هل هي المنطقة الطريقة في الحلق في آخره
أم المنطقة الصلبة قبل الطرية؟

2- باي اصبع ارفع له؟ هل بالابهام ام بالسبابة؟
3- كم ضغطة في المرة الواحدة ؟
وكم مرة باليوم؟
وهل يوميا؟

4- هل يألم الطفل يعني يبكي ويعصب ؟
5- متى اعرف انه استفاد وخلاص اوقف؟

الله يسعدكم اللي تعرف تجاوبني
والي ما تعرف ترفع لي الموضوع يمكن وحدة تمر بالصدفه وتكون عارفه