بكره تتوظفين ثم تتزوجين وتجيبين طفل او طفله ويقولك زوجك ممنوع الخدامه حاليا وممنوع الحضانه
وامك كبيره وتعبانه وعندها معاق تاعبها ومشغلها ولاتبين تشغلينها بمولودك وراح تلقين نفسك محتاجه تحطينها عند ام زوجك
كذا الدنيا تدور
لذلك حاولي مايصدر منك الا الي تحبين ينعمل بك
والحمدلله فترة مؤقته وتعدي ان شاء لله

نصيحه مني لاتكلمينه ولا شي ترى بتطبح براسك ويالله هاتك تحريش
دام امك ساكته اذا تقدرين تساعدينها ع البنت كان بها ماتقدرين اسكتي
لاتتصادمين مع احد وبذات اخوك دام علاقتك فيه مش ولا بد
اعتبريها بنتك وانتي حطيتيها عند امك ولو احد تكلم من خواتك لك واشكى اعتبريه يتشكى من بنتك وبتنقهرين صدقيني
الله يهدي الجميع ويدخل الرفق بينكم يارب

سوي زينا أنا وأختي كان دايما أخوي يطلع من زوجته ويخلي بزورته عندنا وياليته مهتم فينا بس كل شوي طالع مع ست الحسن يا لمطعم ولا لتمشيه
وقلناها في وجهه صريحه اذا بتطلع مره ثانيه لاتخلي عيالك عندنا ما احنا فاضيين خذهم معاك والحمدلله بعدها معاد تركهم عندنا..

ط

ياكرهي لرمي الاطفال عند احد
اللي مو قد المسئوليه لايتزوج واللي مايبي الخدامه يمسك عياله اذا راحت امهم
الله يعينك امي كانت كذا لين كلنا يالاخوات وقفنا بوجيه اخواني وقلنا لهم امي ماهي شغاله ولاهي بديل عن الشغاله علشان ترمون عيالكم عنده
واحد منهم مثل اخوك ماكان يبي الشغاله ويوم وقفناه عند حده قلنا ياتساعد مرتك بعيالك ياتجيب شغاله تساعده اما تبيه موظفه وتساعدك بالمصاريف ومسئولياتكم على امي ؟ ماهي ملزومه بكم ووافق ان مرته تجيب شغاله
وسبحان الله شوفي امي شلون ارتاحت بعدها وكانت اول ساكته وتتحمل وضغط وسكر وعظام وادويه وحاله ومحد يرحمه
لكن اذا تبين تتدخلين لايصير الموضوع بوجهك لحالك ، لازم كل اللي بالبيت يقول لاخوك ان امكم تعبانه ماتتحمل بزو وهي بهالعمر