~( ندى الورد )~ @nd_alord_2

محررة برونزية

اسكن عند اهل زوجي والا انثبر عند اهلي والا اتعلق بثوب رجلي والزم على شقه ؟؟!!!

السلام عليكم ورحمة الله وبركاته

هذي اول مشاركه او بالاصح استشاره لي بهذا القسم رغم اني متابعه جيده له ..
واشكر كل البنات على تكاتفهم وتعاونهم وحبهم لبعض ..

في البداية ابغى اعطيكم شوية معلومات عن اسرتي الصغيره .. وبعدين الاستشاره ..
انا متزوجه من 4 سنين وعندي طفل واحد الله يحفظه ..
زوجي من قبل لا اتزوجه وهو يطمح باكمال دراسته العليا ..
بعد زواجنا بسنتين سافر لاستراليا سنه ونص خلالها رافقته فقط لمدة خمسة شهور والسبب الحمل والولادة ( اللي ماحضرها <<< مانسيت:angry2: )
بعدها قدر الله وتغير التخصص اللي كان طالع عشانه ومافي تخصص غيره اعجبه فرجع للبلد وجلسنا فتره عند اهلي ولما حسينا المده بتطول ابوي الله يحفظه اعطانا شقه عنده نسكن فيها مؤقت الين يجيه قبول آخر ..
الحمدلله جاه قبول بجامعة الملك سعود بالرياض وراح يبدا دراسته مع السنه الدراسيه الجديده ..

الى هنا مافيه مشاكل:)

انا طول هالفتره كنت معاه واسانده واشجعه .. اربع سنين واحنا متهجولين مابين بيت اهلي .. لبيت مؤقت مفروش اي كلام .. لصاله وغرف وحده فقط في استراليا .. يعني عدم استقراااااااااااااااار بما تعنيه الكلمه .. وكله يهون عشان مستقبلنا ..

لكن المشكله الحاليه اللي اعيشها مع زوجي ..
ان اهل زوجي عايشين بالرياض وبيتهم صغير جداااااااااااااااااااا ومفروش فرش الله يعلم بحاله على امل نقلهم للمدينه يعني حتى كنب بالصالة مافيه .. القعده ارضيه .. 24 ساعه قاعدين عالارض:09: ( ترى هالامر لا تستتفهونه لانه يأثر بالنفسيه والصحه الجسديه) .. اختلاف اراء واطباع بيني وبين اخته الصغيره اللي عايشه بالبيت مع امه وابوه .. ازعاج مو طبيعي من عيال اخوه الله يحفظهم اللي عايشين فوقهم وطول وقتهم تحت عند جدهم وجدتهم .. عدم انسجام بيني وبين سلفتي اللي ساكنه فوقهم .. واهم سبب ..................( مافيه خصوصيه ابدددددددددد )
واللحين يبغاني اسكن معاهم .. وبالغرفه اللي باخر الممر اللي فيه غرفة امه وابوه .. لا والحمام برا .. يعني مو جناح منعزل ..

انا رفضت رفض تاااااااااام وخبرته من بدري اني مستحيل اعيش مع اهلك رغم اني احبهم حب شديد واعز خالتي بمعزة امي وهم ناس طيبين مرررره لكن مااقدر اعيش معاهم .. واخاف القرب الشديد يجيب مشاكل احنا في غنى عنها ..

طلبت منه شقه صغيره لو 3 غرف وصاله اهم شئ احس بالاستقلال ..
لكنه بين 3 نيران .. ياعيني عليه .. نار اهله اللي يبغونه يسكن معاهم
نار رفضي وبمطالبتي بابسط حقوقي اللي هو السكن
نار الإيجارات الغاليه ( وهو طبعا اذا ابتعث راتبه بينقص كثير )

قولولي ايش اسوي ؟؟؟؟؟؟؟؟؟؟؟؟؟؟
وحده اقترحت علي اني اجلس بالمدينه عند اهلي وبوظيفتي بالمدرسه الاهلية وكلها سنه ونص ويخلص .. ويجينا شهريا ..
بس مااقدر جربت قبل كذا لما سافر برا وتركني .. صعععععععععععب جدا من كل النواحي ..
وخصوصا اني افكر بالحمل هالفتره .. وبعدين ايش يقولون اهله عني .. و اهلي راح ينقهرون منه انه مو قادر يأمن لي سكن ..

الله يرضى عليكم شورو علي .. ايش ممكن اسوي ؟؟
حطو نفسكم بمحلي وفكرو ...
انا قلت لخالتي ام زوجي انا بنسكن بشقه رفضت وقالت ابدا هناااااااااا وحتى خالك ماراح يرضى تسكنون برا والبيت يشيلكم :09: قلتلها ياخاله لو انها شهر شهرين ممكن لكنها سنه ونص ..
بس ماهي راضيه تقتنع وزوجي ماشاءالله عليه بااااااااااار باهله مايقدر يرفضلهم طلب وانا احب هالصفه فيه واقدرها لكن المفروض هم يقدرون ومايزعلون من الشئ اللي يريحنا ..

آسفه عالاطاله ..
وبانتظاركم ..
دمتم لأحبابكم

11K

يلزم عليك تسجيل الدخول أولًا لكتابة تعليق.

تسجيل دخول

دمعة سفر • 17 سنة

الله يعينك
اذا كان الحال مثل ماذكرتى وماديتكم ماتسمح مالك الاالسكن والصبرعشان زوجك وعشان خالتك الطيبه ومن ناحيه الحمام ممكن تركبون باب سحاب مؤقت والله يصبرك

كلي نظر22 • 17 سنة

الله يعينك اختي
ذكرتيني بخالتي
افضل شئ انك ماتروحين يعني قولي ابي اجلس على وظيفتي وانتي بين فترة وفترة خذي اجازة وسافري عندة
وصدقيني السنة بتمر كلمح البصر وانتي ماحسيتي بشئ
**********
ممكن زوجك يقدر يقنع اهلة بمشوار عليه من البيت للجامعة وياخذ شقة قريب من الجامعة
اهم شئ اختي لاتضيقي زوجك وتطلبية فوق طاقتة

*********
وادعي كثير انة الله يفرجها عليكم

أم وليييد • 17 سنة

انا اشوف مافيها شيء لو جلستي سنة ونص معاهم .. أهم شيء زوجك معاكي

واللي فهمته من كلامك انه راح يبتعث في الخارج

يعني صعب يأثث بيت وراح يتركه بعدين ... ولمين يتركه؟؟

وبعدين انتي قلتي انه اهله طيبين .. وللحين موضوعك ماشي تمام يعني ان شاء الله ما يكون في مشاكل

وانا اشوف لو سكنتي لوحدك راح تذوقي انواع الطفش والملل لأنك جارة جديدة ومو بسرعة

راح تتعرفي على جيران

لكن عند اهل زوجك .. اتوقع البيت راح يكون كله حيوية.. < وطنشي اخته الصغيره>

واذا حسيتي انك اتضايقتي مع اهل زوجك قولي في نفسك < هانت كلها سنة واسافر>

وانصحك لا تروحي عند اهلك وزوجك يجيكي كأنه ضيف <راح يتعود على بعدك>

امشي مع زوجك في كل مكان

عندي ملاااااااااحظة:

لو كانوا اهل زوجك سيئين معاكي , لكان لي رد آخر

manal0123 • 17 سنة

الله يعينك يا أختي على هالايام بس ان شآء الله فتره وتعدي ..انت احسن شئ استخيري كل يوم والله سبحانه بيهديك للطريق الصواب ..
وأنت حولي تساعدين زوجك وتصبرين واطلبي منه وعد أكيد متى ما تتحسن الظروف يحط لك بيت والله ييسر للجميع ..

lora18 • 17 سنة

manal0123 :

الله يعينك يا أختي على هالايام بس ان شآء الله فتره وتعدي ..انت احسن شئ استخيري كل يوم والله سبحانه بيهديك للطريق الصواب .. وأنت حولي تساعدين زوجك وتصبرين واطلبي منه وعد أكيد متى ما تتحسن الظروف يحط لك بيت والله ييسر للجميع ..

الله يعينك يا أختي على هالايام بس ان شآء الله فتره وتعدي ..انت احسن شئ استخيري كل يوم والله...

بصراحه موقف محير

صعبه غرفه وحمامها خارجي

لا ولمدة سنه ونصف

طيب حاولي تقعدين في شغلك وتشوفون بعض في الاجازات حتى لو متعب هالشي

وترى الايام تمر بسرعه

موفقه ياقلبي