اسلوبي صح

العاملة اللي عندي تصحى٧ الصباح والله العظيم كل الي تسويه كنس ومسح الحوش لكن البيت من الداخل مغبر المطبخ تغسل المواعين فقط مستحيل تمسح كونتر المطبخ او طاولة الطعام الي بالمطبخ بس ترتيب وكل شي غبار الي فوق الثلاجة حدث ولاحرج مغبر جدا
تكنس الأرضيه كنس خفيف والي بالوجه بس لكن اللي تحت الطاوله تخليه
غرفة المعيشه ترتيب بسيط فقط لكن تمسيح انسي تمسح
طبعا هذا الشغل اليومي يعني كل يوم كذا الحمامات برضو ترش بالمويه وتشطف اما صنبور المغسله والمرايه حقت المغاسل مغبره
انا دايم انبهها لكن هي لاحياة لمن تنادي وحاطه بمخها يوم بالأسبوع او كل عشر ايام مره وحده تنظيف عميق
انا طفشت وش تسوي الصباح بس بلع واكل وجالسه
خصوصا يوم زوجي قالي تراني مره رجعت الصبح شفتها جالسه لاشغل ولامشغله
راتب ع الفاضي
والمشكله زوجي تبارك الرحمن نبهني قال هي حاطه يوم كل اسبوع او اسبوعين تنفظ البيت كامل وباقي الايام تتسدح ليتنا على مهاره اجيبلك بالساعات تنفظ لك البيت نفظ بالاسبوع مره ومو اجيبلك وحده ثنتين بعد اما شغل كذا ماينفع يا تسنعينها ولا بسفرها حتى حرام اتنازل
انا طبعا ممنوع تطبخ ممنوع تمسك اطفالي هي فقط للتنظيف
يعني مرتاحه المفروض تخلص بعملها هذا صارلها تقريبا٥ شهور عندي اول شهرين هبت ريح ونظيفه لكن لها تقريبا٣ شهور كذا
اليوم طبعا يوم النفظ والتنظيف العميق الي حاطته بمخها الشغاله هههههه
وشفتها منظفه المطبخ بظمير قلتلها تعجبيني كذا ابيك تنظفين يوميا انا مره مبسوطه منك اليوم وزوجي يسمعني قال ماعودها على العجز والجلسه الا انتي اجل تمدحينها المفروض قلتي ليش مو كل يوم تنظفين نفس كذا وتراني كاشفتك انك نوم اسبوع ثم يوم تنظيف لاتحسبيني ما ادري ولو استمريتي كذا ماتشتغلين الا يوم بالاسبوع بخصم من راتبك
هذا طبعا زوجي يقول كذا عامليها يبيلهم حزم
هل اسلوب زوجي صحيح وكيف اخليها تترك العجز وتصير سنعه لازم نهدد بالراتب يعني