اسلوب خطيبي والفرح .... اقترحو عليا لو سمحتو

السلآم عليكم ورحمة الله 
حبيبآتي
أنآ عندي شوية مشآكل مع خطيبي ممكن تكون تآفهة بس منغصة عليآ حيآتي 
ملكت قبل 3 أسآبيع بس لسآ مآ عملت حفلة خطيبي أكبر مني ب10 سنوآت وظيفة مرموقة ومختلط بآلنآس بس أحس أحيآنآ انه في أحد يوسوس له مآ أبغى أظلم أحد بس نكون مع بعض زي العسل بعدين يقفل ويغيب شوية ويرجع يكلمني يصير شخص تآني و بس يبغى يفرض سيطرته مع انه قبل ما يقفل كان طبيعي وبعد نص سآعة يرجع طبيعي وعلى دآ الحآل مثلآ اتفقنا نفرش البيت مع بعض رحب بآلفكرة ووآفق قفل ع أسآس انه حيغدا ويرجع وجع مغير رآيه ولأ والأصول تقول انه العروسة ماتتدخل بفرش البيت ما اعترضت شوية كدا رجع لطبيعته انه موافق ننزل سوا!! تتوقعو اتوهم ؟!!

تآني شي انا شرطت تكون فترة الملكة 9 شهور عشآن أتعرف على العريس مزبووووط وفكرت انه ان شاء الله بعد 4 شهور اعمل ملكة بسيطة للعيلتين بس يتعرفو على بعض وعشآن أخلي الأفكآر و الحركآت للفرح وقلت أأجلهآ كم شهر لأنه كتير من زميلآتي وفي عيلتنآ تعمل وتفرح وبعدين يكتشفو انهم مش متفقين ويفسخو وتتحطم البنت وتقآطع النآس فأنآ قلت خليني أتأكد من اننا متفقين وأبغآه بعدين اسويهآ مو تشآؤم بس مآ أبغى أنجرح! 

المهم امس وانا بكلمه فتحنا الموضوع وقلتله اني نآويه أسويهآ بعد كم شهر عشين كل الناس يكونو موجودين محد مسآفر ونخليهآ بسيطة ونخلي الفرح كبير رد عليآ وقآل " ليش تأخريهآ وليه صغيرة ؟! مو فرحآنة بيآ ولآ مآني قد المقآم  ؟! وبعدين الزوآج احنا حنعمله مااعرف امي كم بطاقة حتعطيكم "
قولتله الفرح نخليه مشترك  قال لاااااااا ابدن مستحيل معروف الفرح على العريس مستحيل ارضى تدفعو ريآل وآحد خلاص انتي كبري ملكتك برآحتك وخلآص حاولت اشرحله انه مهما كانت الملكة كبيرة مستحيل تكون زي احساس الفرح والفستآن الأبيض واني ابغى اختآر بنفسي لكن الولد مش رآضي يقتنع فقلت له خلآص على كدآ انته تعمل زوآجك وأنآ أعمل زوآجي ونرضي الطرفين قآل طيب " حسيته زعل بس مآ يبغى يبين
كمآن أنآ ايش اعمل لا نتشآرك ولا نعزم ولا نعمل فرح !! لو كنتو في مكآني ايش تسوو ؟؟

مآ قلت لمآمآ ولآ لأحد بس بجد نفسي أعرف هل أنآ غلطآنة إني أبغى أفرح بنفسي وبدي صحبآتي والنآس الي أحبهم يشوفوني بالأبيض؟؟
وإيش رآيكم أكبر ملكتي وأعملهآ دحين ولآ لأ ؟؟

وبس، شكرآ مقدمآ