اسلوب زوجي الغريب فالزعل شي محيررني جدا

  ياصباااح الهم والززعل !!!

بنات انا زوجي له اكثر من خمس ايام زعلان علي
 
 وانا الي كنت غلطااانه مو غريب هالشي 

 بس الغريب اسلووبه معي بالززعل غريب مرره 



وماراح ادخل بتفاصيل المشكله مو ناقصه عتب ولووم 


  صااار الي صااار ؛؛

المشكله باختصار اني مارضيت اعطيه شي يبغاه مني 

  كنت تعبانه ومالي خلق ونومي متلخبط انام بعد العصر 

 واصحى العشا اصلي واهتم بولدي واللبيت

 ومره مصدعه  ومزااجي  زززفت 
 
 المهم بعد ما اتنرفزت عليه ناظرني وسكت ماعلق ولابكلمه
 
  وتركته منسدح عالسرير ورحت اشتغل بالمطبخ 

 وعاادي كنت متوقعه ان الموضوع لحد هنا وانتهى ؛

  وانه مادام سكت وماخانقني انه متفهم الوضع وعاذرني
 
 
 يومني رجعت لقيت الرجال هااج بعفشه للمقلط !!!

  يااليل الشقى   مين الي دااعي علي بهالليل
 
   والله مالي  خلق  حتى اراضيه ؛؛

 المهم خلصت شغلي وقعدت عالنت اكمل حلقات مسلسل
     ×××  وانغميت بزيااااده 

يومن جاء الصباح جهزت ولدي للمدرسه ورااح 

 وصحي ابوه وتحمم فحمام الرجال

 حتى ملابسه وثوبه وشماغه 

  مجهززها عنده من الليل  

  كله عشان مايمر من عندي فالصاله ويشوف خشتي !!

  ومادريت الا الباب صاكه بقوه وطالع للدوام !!

 المهم قمت انشغلت بالنت واطقطق على عالم حوا 

 والظهر جا من الدوام وعلى المقلط دااايرركت 

حتى يستعمل مفتاااح باب الرجال  

حنا شقتنا نظامها بابين للحريم والرجال

 فيدخل على طول للمقلط 

بالمختصر مايبي يشوف رقعة وجهي 

  انا سكت وقلت لولدي اسال ابوك وين احط الغدا

 راح اساله قاله قولها تحطه بالمريخ !!!

 سكت وماشرهت عليه الحق علي اجامله واكلمه 

 عطيت ولدي الغدا وودااه له

 المهم ماجا العصر الا انا مره تعبانه مواصله رحت الغرفه


 حاولت انام مااقدرت ماحب انام لحالي واخاف


 اخذت مخدتي والحاافي ونمت بغرفة ولدي

 
 العشا صحيت  قالي ولدي بابا طالع مو فيه
 
 قلت ايه عادي اكيد عند شلة الروشنه حقته 

  قعدت اذاكرله واسوي عشا ونام ولدي ونمت انا بعد شوي 
 يومن صحيت لقيته نايم بالمقلط ولا هاامه 

  الصبح كالمعتااااد سوا نفس المووااال 

 وطلع للدواام

 عاد انا ماتحملت ارسلتله بالواتس كلام كله حب واعتذااار 
  ودمووع وموااجع 


 رااح مرسلي  القطو هذااك الي يتكلم !!!!


 يستخف دمه انا ابكي وهو يضحك 


 المهم مسحت دميعاااتي   وخزيت ابليس
  
وجاء الظهر الا ولدي يدخل علي بالمطبخ متكدر قالي 

  ماما ليش متزاعلين انتي وبابا  

 الله يخليك سامحيه  

قلت له حبيبي انا مو زعلاانه من ابوك هو الي زعلان مني 
 جيت والله جابك روح قوله نفس الحكي
 
  قال طيب وراح لا ابوه عاد انا لحقته بسمع وش يرد عليه
  
  وانا خلااص قلت المشكله انحلت
 لان اعرف نقطة ضعفه ولده 
  
 ووقفت عند باب المقلط  انتظر يناديني

 ومن زود الثقه اناظر بمراية المدخل 

   اعدل خشتي وشعري  وجاااهزه للدخووول 


قال ولدي بابا ليش زعلان من ماما 

قاله  امك ذي يبيلها تربيه من اول وجديد !!



افا كاني اتشتمت يابناااات  !!!

 قاله ولدي بس انتم كبار وعاقلين 

قال كل الناس يكبرون ويعقلون الا امك تكبر ويخف عقلها 
  ومخها تضرب فيووزه 

اقسم بالله اني كنت ناويه ادخل عليه
 واشتم واوريه من المجنون 

  والي خااف عقله ومسوي نفسه لااجي بالمقلط وهاج 

  عن حرمته بس ربي فكه مني عشان ولدي ماحبيت 

 تتاثر نفسيته من المشاكل 

سكت وقصررت الشر وحطيت له الغدا 

 واليوم الثالث نفس الشي 

 رحت ارسلت له بالواتس ؛؛
 اخينا في الله اذا حضرتك

بتقعد مطنقر ومطوول على هالدررب

رجاااءن حط لي سرير فغرفة الولد ضهري تكسر
      من نومة الاررض  


 قاام ارسلي  دعااااء السفر!!!!

 استغفرالله الحين وش دخل السرير بدعاء السفر 

 رديت عليه الله يجزاااك خير على هالدعااء 

بس ماقلتلي لامتى يعني !!

 طنش وومااارد

 ياناس بيجلطني هالرجال 
 لا نااااوي يهبل في حسبي الله 


 اليوم الرابع نفس الككشرا نفس الاسلووب المخيس 

 نفس الصدووود  

 نفس الملاامح الي مااتتفسر
 
 المهم كالعااده الظهر ارسلت له الغدا

وسويت نفسي مطنشه 

 واتكلم بصوت عالي واضحك بالجوال مع صاحباتي 

 ومسويه نفسي ولاااهاامني وانا لو بس اسمع اول حرف من اسمي يناديني 
طرررت له  بسررعة الصااروخ خخخ

 وسويت له قهوة وشاهي وارسلتها له بالمقلط 

 وونمت وبالليل قلت يابنت تنازلي شوي وروحي له وطيبي خاطره 
  تشيكت ولبست وضرربت من هالماكياج لين قلت بس 

 وسويت شعري على جنب 

  مرره تعجبه هالحرركه

  المهم دخلت المقلط وانا حاطه فبالي 

  اني بجيبه على وجهه  يعني بجيبه 

وربي انه حتى مارفع راسه ونظر في !!

 قااعد عالجووال وانا انادي
   يااهوووه   يااااااعرب     يابو الشبااب 

   خف علينا شوي انت وخشتك
   ياااحلوو  يامعذب قلوب الصبايا 
 
 وربي تقال اكلم جدااااار حشا  مو ادمي حتى غمازاته ماشوفها 
 مع اني متعوده انه يضحك على كلامي واقدر اخليه يبتسم حتى لو زعلان 
   
 قلت له يالله عاااد اعطيناااك وجه بزياااده 

 وشفيك ساكت انطق يااخي لو مسبه رااضين 

  خلنا نسمع هالدرررر 


عطااني ظهرره وتلحف شكله بررداااان 


 اجل  انا شلون  لابسه الانجري الخفيف عشانك

وعظيماتي اطقطق من البررد 


 ياخي اكسب فيني اجر ولحفني معك بهالبطانيه  


 قعدت جالسه اناظر فيه قلت يمكن يحن والله ولاشي 


 طلعت من المقلط  وخليت الباب ماسكرته زين قلت لويجيه اتصال 
 اسمعه  المهم انقهررت عشان ماشاف شكلي وانا قعدت ساعتين اظبط بهالخشه 
 رحت صورت خشتي وارسلتله  

 وكتبت ترى بانتظر عشر دقايق ياتجي ياغسل وجهي واغير 

  وخليك عند الجن حقينك ينفعووك 

  شفته دخل شاف الصوره وطلع  وماارد !!!

 اقسم بالله اسلووب استفزززااازي محترررف !!


  ارسلت له اغنية  ادم  ارجعلي   حزززينه موووت 


 ووتبكي الحجرر !!

 كنت اسمعها وابكي 

 واقلب بالاستديو اناظر صوره 

 اااه من حاالي   عندي الاصل ومحرومه منه 

الله يساامحه والله حالتي تحزززن  ؛؛


 يابنات والله اشتقت له حتى ثوب نومه وشماغه

 انااام وانا حاااظنتهم ؛؛

  لاتلوموني تعوودت على ريحته وعطره بينا حب وعشررة عمر 
  ذكي جدا  عرف شلوون يعلقني فيه من اول يووم


  هو ناايم مطمن عاااارف قدره عندي ؛؛


 لكن انا اتمنى منه لو كلمه ان شالله عتب او لوم؛؛


    بس احس انه معي ويشوفني   التجااااهل اصعب شي 

  ليش يسوي فيني كذا ياما غلط علي وسامحته وماعذبته وتجااهلته 
   ليش يعاملني بهالبرروود والجفاااف 


 لو انا والله مارضى يعتذر لي وماساامح 

 مدري وش قصده كأن بيوصلي مسج بس موعارفه اقررااه ولا افهمه 
   وش الحل  ارسله مره ثانيه طيب وش اقول 

 وهو ماخذ الموضوع مززح وتطنيش وماياخذ ويعطي معي 

  تعبت والله تعبت   ادعولي يابنات الله يلين قلبه علي