روحي رجعي اغراضه اللي بالمقلط وامسكيه من يده وجيبيه الصالة يتغدى معكم اذا كان حاب يرضى راح يسكت ويمشي معك واذا كان حاب يزعل زيادة راح ينفخ عليك ويكبرها وقتها يكون الحق عليه واقلبي الطاولة وازعلي انتي خليه يبتلش بعمره وبالموقف اللي حط نفسه فيه وعامليه بنفس الاسلوب اللي يعاملك فيه علشان يحس على دمه ولا عاد تودي له الاكل ارسلي له رساله غداك بالمطبخ او الصالة وبس يمكن يطول الزعل اكثر لكن بتكسبي بالاخير ماراح يفكر يعيدها
لو رحتي له المقلط ونمتي معاه وراضيتيه احلف لك انك ماراح تخلصي من الزعل طول عمرك ورا يقول هاذي هي الطريقة الوحيدة اللي تجيبها لعندي وراح تشوفي

انتي غلطانه واذا تبين تعرفين الحكم الشرعي في الحرمه الي تمنع زوجها عنها
وبعد هذا كله تبينه يسامحك ويلبي رغباتك خلاص مو انتي الي ماتبينه تحملي

وااااتسااااب من اول ما اصحئ اجي رككض لموضوعك بشوفك والله انشغلت معك وشلت هم

مااااقلتي ايش قال ل اختك ؟ اكيد قال الاشياء الي مسببه هالزعل الكبير
لانه زووودها يحق له يزعل لكن مو لهدرجه

ايش قال ل اختك 😭

صح كلامك 👍👍

واتساب زوجك حاس انك متضايقه ويكفي انتي اعتذرتي كييذا عداك العيب 👉

حبيبتي نصيحتي لك الزممي الاستغفار
وخليه على جوه الين يرضى بنفسه
واذا على ضيقتك ودمك المحروق الزمي الاستغفار
صدقيني بترتاحين وينشرح صدرك
وحتى هو بيجيك يراضيك
بس انتي لا تستمرين في اهتمامك فيه وتحسسينه انك غلطانه وهو صح

لا لا لا اتركيه من الحين واذا جاء انشغلي ب اي شي والغدا خليه في المطبخ وفي القدر بعد
بس قومي في واجبات البيت على اكمل وجه وفي نفسك وخلاص
والاستغفار الاستغفار الاستغفار

والله يفرج هممك حبيبتي ❤️

  بناات نسيت اقولكم وش قال لاختي يوم جتني وانا مره زعلانه هي تعرف عن المشكله من اول يوم بس يوم شافتني انصدمت مرره شكلي تعبان والحزن فيني ينطق 
 قالت اقسم بالله ان شكلك ذكرني بحالتك يوم مات ابوي الله يرحمه  يابنت انهبلتي انتي هذا شلون لو مات وش بيصير فيك 
 المهم بعد المغرب خليتها تتصل عليه وتحط عالسبيكر 
  للتوضيح بس اختي ذي اكبر مني بحدود 12سنه ومتزوجه اخو زوجي الكبير وزوجي مره يحترمها ويقدرها 

 اتصلت عليه   ويوم قال هلا وسمعت صوته بالجوال ان
 عيوني دمعت الله لايوفقه والله ماستاهل الي يسويه فيني 

 اختي قالت له اخبارك يابو فلان وشفيكم  لا اله الا الله 
 الشيطان لايلعب عليكم  ووووو من هالكلام  
 قالها زوجي  الحمدلله  مافينا شي 
قالت له وشلون مافيكم شي والبنت بتمووت نفسها من الهم والبكا 
 تخيلن يابنااات  انه ضحك ضحكه طويله مرره مبسوط 
  وقال لا لا مافيه شي ماتعرفين اختك تحب تبالغ شوي 
  ووحسااسه 

 عاد اختي تناظر فيني وخلاص بتصدقه ضحك عليها بكلمتين 
  اشررت لها انه خراااط وكملي معه 

قالت يابو فلان انا موغريبه عنكم عشان تخبي علي 

 انا متاكده ان فيه شي اختي ماتكذب عليك ولاعمرها شكت وترى هي تقول ان صار بينكم  شي بس ماعلمتني وش هو 
 <<<اختي منحرجه منه وماتبيه يعرف انها تدري عن القصه كلها من طقطق للسلام عليكم 

 تنهد شوي وقال  والله انا احترت معها يعني لاسويت الي بخاطرها ونفذت طلبها تقووم تحط اللوم علي ووتتعب 
  ووتقغل نفسيتها 
 اساليها بالله هي عندك
 ماقعدت تخاانق في وتقوول اتركني في حااالي  
<<< بنات انا صح قلت كذا بس عادي كلمه ماقصدها زي لما ولدك يشغلك بطلب وانتي مالك خلق والا مشغووله باللبيت  بتقولين اووف سيبني بحالي عاادي يعني مافيها شي 
وحتى لو فيها خلااص اعتذررت عن الموقف بكبره
 اصلا نسيت انا وش قلت بالضبط وليش انا مادقق بكلامه ياما قال هالكلمه وازود وعادي ماركز حتى وش قال 
ايه ازعل من موقف لكن مو امسك عالكلمه ففي لحظة زعل واتعامل على هالاساس 
 
 اكمل لكم المكالمه  قالها خلاص انا بريحها وبخليها فحالها ولها جوها وهي بعد تتركني بحالي ولاتناشبني
 
  بناات اقسم بالله  ان قهرتني هالجمله الاخيره وبكتني وهي الي  خلتني ترى اسبه وادعي عليه وانتم تلوموني والله من قهري 
 المهم قالتله اختي يابو فلان تعوذ من ابليس 
 هذي بنت عمك وام ولدك وابوي الله يرحمه موصيك عليها 
  لاتوقف عند كلمه في لحظة زعل والله اننا كلنا نقول هالكلام واسال اخوك وربي اني اتكلم واهاوش اكثر من كذا 
قاطعها وقالها ياليتها تجي بعقلك يام فلان 
اختي ردت والله اانها عاقله وحبيبه وتتحمل انت شوف بنفسك مشاغلك وااجد وماتقعد كثير باللبيت وهي صابره 
 قالها ايه هي حبوبه فبعض الاشيا وتتعب فاشيا ثانيه 
 قالت اختي  يابو فلان مالكامل غير وجه الكريم 
  خلااص خلك العاقل وانت الكبير 
 زي ماتعرفون هو اكبر مني ب10سنين  
  قالها اختك تجنن بلد ماعاااد فيه عقل 
 استغفر الله وربي كلاامه يمررض 
 المهم قالها خلاص يصير خير وقام يسال عن اخوه ووينه فيه يعني غير الموضووع كله  وقفل بعدين 
 

 عاااد انا غررقت بدمووعي ياني بكيت بكي صدمني ماتوقعته يتكلم عني كذا 
الله يعين اختي حامل وتعبانه وحملها صعب واتعبتها معي 
  بس مالي غيرها ماحبيت حتى اقول لامي عشانها تعبانه وخفت عليها 
 بناات هذا كلاامه والسالفه صاارت واضحه لكم 
 ايش راايكم بالله مايحقلي اززعل والله اني فكرت اقلبها عليه وانا الي اطنقر ويمووت ومارضى وش رايكم بكل امانه ومن دون مجامله استمر بالمراضاه والا اسحب عليه واززعل خصوصا بعد ماقمت استرجع كلامه لاختي