أستغفرالله الذي لاإله إلا هو وأتوب إليه

واتساب خلاص ياختي عاد فليها

متى تبشرينا انه طاح الحطب

ننتظر اللحظة اللي ترجع المياه لمجاريها

يارب

 بناات  اختي تدخلت بالسالفه وجابت العيد الله يهديها 

  مقهوووره منها فشلتني فشله ماعاد لي وجه 

   تخيلو دقت عليه بالدوام وهاتك ياترجي واعتذاار
 
وطلبتك   وتكفى تكفى يابو فلان
  ولو يمكن ماهو بالجوال كان حبت رجووله استغفر الله

 بس  فشلتني حسبي الله  انفخت فيه لين قالت بس  انت

 العاقل انت الطيب انت الي مافيه مثلك  تحمل واصبر هذي خبله ماتعرف مصلحتها   وامي وابوي كانو مدلعينها
    جابوها على كبر وفرحو فيها !!!

 طلعته خااالي من العيووووب ومظلوووم ومسكين 

  وهو ترى مو كذا  يكفي عصبيته وغروره 

  بالمختصر بتكحلها عمتها  حتى ماشاورتني  تحل وتربط

 من راسها  ولاكأن  الموضوع يخصني
 
 انا طلبت منها التدخل بحدود يوم كانت عندي وخلاص 

 ماتوقعت  بعدين تجيب العيد   وخربت اووم التخطيط 

 انا كنت ناويه اروحله بالليل واراضيه واحاول انسى الكلام الي قااله لاختي 

 يوم جا من الدوام قعد  بالمقلط  وانا حضرت الغدا
  
 ووتغدى  وبعد الغدا سكر باب المقلط احسبه نام

 كالعاده يريح الظهر  وقعدت اتفرج عالتلفزيون مع ولدي 

  الا شوي اختي تتصل علي وصوتها مستانس عالاخر 

 ووش ابشررك  ؟؟،!!
قلت ماشالله وش صار على بالي خطبه والا زواج  
والاواحد من اهلي راابح الجايزه الكبرى 

 قاالت ابو فلان  رضى عنك خلاص بس يقوولك تعالي روحي يمه وماراح يرردك!!!

 اقسم بالله يابنات ان كأن احد كب علي مويه 

 ووقفت من هوول الصدمه  <<< الناس تجلس انا اوقف خخخخخ

 بس من جد متعجبه كل هالامور تصير وانا مدري عن شي
 
   قلت مجنوونه انتي وش تخبصين مع هالقوايل 

اصلا الرجال تغدى وورقد ولا على باله شي 

 قالت لا يالخبله تووه دق علي قالي خلاص خليها تجي تعتذر وتوعدني تصير حرمتن عاقله وماتكسر كلمتي وانا اوعدك ماردها  

قلت وشهو وليش ماناداني مانيب من اليوم رازه خشتي

 عنده  بالصاله من بعدي يعني
طيب عالاقل يقول لولده نااادي امك ليش غير يدق عليك  قالت انا اليوم دقيت عليه باادوام واترجاااه
  يسامحك  وووو قالتلي الكلام الي قالته له

انا هنا بغيت انجلط   وطررت فيها وسكرت باب غرفتي  وعصبت عليها  ليش تحرجني وليش تترجينه فيه فرق انك تكوني  محضر خير وحمامة سلام بين انك تترجينه

  وتمسحين بكرامتي الارض اوكيه انا اترجاه صح لانه عارف اني احبه لكن هي تمثل اهلي الحين وش يقوول عني 

 يقول خلاص اسوي الي ابي واهلها بصفي وعاذريني 

  استغفر الله تخيلن بنات من زوود غرووره مايبي هو يجي عندي  حتى وانا اكلم اختي تقولي دقيقه هذاهو يتصل 


 تدرون وش يقوول اختك  وينها فيه ترى الساعه 5مرتبط بموعد ضروري  خليها تجي تعتذر 

 مررره عاز نفسه ومايرضى يهز طوله ويتحرك شوي 
 ولا حتى يبا ينادي علي  

 المهم اختي قامت تهاوش وانتي وانتي اعوذ بالله منك و عنادك ومن هالجني الي راااكبك 

 لك اسبووع ماغير دموع وبوواكي ويومن انحلت تزعلين 

 قلت ايه ابيها تنحل ويوم المنى بس مو بالطريقه ذي 

 قالت يالله عاد بلا فلسفه بلا خبال الحقي عليه ترى والله

 انه لازعل هالمره ذي انك راح تندمين عمرك كله 

 وقفلت الخط  رجعت اتصلت عليها مااااترررد
 
 قسم عايله تجيب الهم والمرض  عندهم تقديس للرجل 

اذا اختي كذا اجل لو اخواني شلون الحمدلله بس اني

 مادخلت اخوي والا ركبني الغلط من راسي لساسي 

  المهم غيرت بجامتي ولبست لبس ناعم وشوي ميك اب مع ان عيوني واارمه من الهم والبكا 

  والنفسيه خايسه حتى مالي خلق اقوله كلمه والا اناظر

 بخشته من جد قهرني وذلني حسبي الله عليه

  رحت عنده لقيته منسدح على ظهره ومغتر بنفسه مرره   ما لاحظت شوق اولهفه بس لاحظت يناظر في وانا اتكلم
 قالي شكلك تعبان مرره ذبحك البكا

 انا قال كذا انهرت من البكا استغفر الله

 قام وقف  وقفل باب المقلط بالمفتاح 

 وقررب مني حسيت  انه بدا يحن اعررفه من صوته

 وعيونه    قال طالما  يابنت الناس  مو قد الجفا والهجر 
   ليش تهايطين وانقلع

 واقلب وجهك وخلني بحالي   

 قلت وانا من البكا يالله صوتي يطلع
انا ماقصد شي  كلامي كذا
وانت عارفني ومتعود

  
 قالي ايه بس انتي  زودتيها  بالحيل 
 مررره  ماعاد تحشميني كاني

  اصغر اعيالك  
وفوق ذا مهملتني اجي من الدوام تنامين انام
تصحين قلت ماعليه ورااحمك

 تقومين فووق ذا تنفخين علي وتقلين ادبك  وتعاندين 

 حتى في مصالحتك لي فيها عناد 

الحين انا مانبهت عليك مليون مره ماتتصورين بالجوال 

 تقومين ترسلين لي صورتك هذا مو عناد 

 <<< مالت علي انا كنت مفكره اني ارضيه بالحركه وهي
 اززعلته اكثر نسيت انه محذرني هههه

والحمدلله والله ماتصور كثير نااادرا جدا ووكنت مجبووره

 اجل اتعب  نفسي بهالخشه ومايشووفها مايصير كذا 

  المهم طلع الاول والتااالي  ووكلااام مشفر ماقدر اقوووله  

  وووو بس تراضينا ورجعت عفشه 

  ووالغى موعده اعتذر لصااحبه  ههههه

ماعاد فيه حيل يستااااهل  خل خل احسن 

 كنت مريحته  وهو غاااوي تعب ووشقى  
  
 
 بنات الحين وش اسوي بختي ذي الي فشلتني 
انا خايفه انها قايلتله كلام ثاني  مع اني حلفتها تعلمني وش قالت بالتفصيل  وعلمتني واحلفت ان ماقالت غير كذا 
 وشايفه عادي مافيه شي وهو كلام يفشل ويقهر
 الله يهديها احرجتني 

الحمد لله انكم تصالحتم واختك لا تلوميها ماسوت اللي سوته الا حرص على مصلحتك وزوجك كان يبيها من الله علشان يرضى بس يكابر

أنا أنتظر منك هالكلام عشان تفرحينا وان شاء الله إنها آخر الأحزان الف مبروك رجعتك ياروحي

مايبغى منك الحشيمة والاحترام والتقدير ولاعاد تعصبين عليه شكله يحبك وحن لك وش تبغين اكثر من كذا

وبالنسبة لأختك جزاها الله الف خير مااشوف بين المحبين كرامة هذا زوجك سترك وغطاك ويريحك باللي تبينه

يمكن ماقصدها من الترجي الاهانه لانها اول مرة يحصل بينكم

ومرة ثانيه احفظي اسرار بيتك لان الحساد كثار بسم الله عليكم

خلاص يالله انسوا الماضي وافتحوا صفحة جديدة وبينوا لبعضكم كل المشاعر والحب والاحترام

ترى الحياة ماهي عناد وتحدي وقلة احترام انتبهوا وتغاضوا

الله يوفقكم يلا لاتتأخرين عن حبيبك ينتظرك اكييد