واخيراا وتسووبه صدقتيني يوم اقولك لو تحبين الكعبه زوجك مب جاي يعتذر ....
اتمني انك مره ثانيه تسوين له حساب الرجال مثل ماتوقعت يبي اهتمام مو اكثر ..
انتي تقولين ياليتني طنشته وسفهته لانه اسلوبه بارد
طيب كم لك يوم سافهته وش استفدي ؟؟
والله بلعكس فرحت لك انك بادرتي ورحتي له
قلت لك عزيز نفس مستحيل يجي
ولا تتوقعين يعيدها صدقيني بلعكس راح يحبك اكثر ان شاااء الله
حكايه كرامتي ومدري وش خليها ع جنب ما اعتقد تزوجتي عشان الكرامه مافي بينكم شي
واهني فيه رجولته صراحه هههههه جاب راسك

وربي يسخركم لبعض ويخليه لك

الحمد لله يا واتساب .. انتهت على خـــــــــــير ..
أنتِ تستاهلي كل خير وزوجك يستاهل كل خير .. وإن شاء الله مأجورة في تتبع رضاه .. الحمد لله زوجك
محافظ على صلاته في جماعة المسجد .. ويتغافل عن بعض الزلات منك لتسيير الحياة .. يستاهل من يبحث عن رضاه .. والأجدر بك إنسان بهذه الصفات أن تحافظي عليه وأن تخافي على زعله وهذا دليل على وفاءك ومحبتك الصادقة له ..زوجك ربي يحفظك طيب العشرة وأنتِ أهل للطيب ..
واللي صار صار .. لا عاد تفكرين فيه .. انسيه تماما .. ولا تجعلي للشيطان الآن عليك سبيل .. ذل وما ذل
.. وكبرياء وحاجات يأججها الشيطان برأسك انسيها طاعة لله وتكفير عن ذنبك بإذن الله في رفضك لحقه الشرعي ..وقد صح عن رسول الله - عليه الصلاة والسلام - أنه قال : ( إذا دعا الرجل امرأته إلى فراشه فأبت أن تجيء لعنتها الملائكة حتى تصبح ) وفي لفظ آخر: ( كان الذي في السماء ساخطا عليها حتى يرضى عنها ) ..
ولكن خذي منه درس .. أي مشكلة بينك وبين زوجك لا تتركينها تطوّل .. على طول عالجيها بالحل المناسب ..
وأختك يا عمري .. اجتهدت وكانت مقهورة عشانك لا تزعلي منها .. ولو أنها وحدة ثانية .. قالت مالي
ومالها وإيش بوجع الرأس .. كلمته وسويت اللي علي .. ولكن هي من باب الاجتهاد ما ارتاحت تشوف دموعك .. وهذا دليل قوي على حبها لك .. ما شاء الله تبارك الله ..
كلنا مرينا بمواقف فيها إذلال وتنازل في الحياة الزوجية .. وزوجك لو ما لك قدر وقيمة إن كان قال لأختك
كلمة وحدة .. ( لو سمحتي حياتي العائلية ما لك دخل فيها .. وخصوصياتي بيني وبين زوجتي لا تتكلمي
فيها ) .. يعني شوفي الموقف اللي مريتي فيه من الناحية الإيجابية واستفيدي منه ..
حب أخت لك .. الله لا يغيّر عليكم
حب زوجك لك .. الله يديم عليكم السعادة والهناء ولا يفرّقكم ..
الأمور اللي يطلبها منك زوجك وحذرك الشرع من رفضها إلاّ بسبب شرعي أوقوي .. التزمي فيها ..
أي مشكلة بينك وبين زوجك لا يكون حلها .. بعيد عن الغرفة .. ويستحسن معالجتها إذا هدأت النفوس ..
ساعتين تقريبا ..
أحمدي الله الذي سخّر لك أختك وسخّر لك زوجك وسخّر لك نفسك وشعورك بالندم .. اللهم لك الحمد ..
الله لا يغيّر عليكم ويجمع ما بينكم على الخير والطاعة والعبادة والسعادة وما تتمنون وزيادة .. آمين ..

واتس اب خلاص انسي الطريقة ههههه اهم شي رجعتوا بغض النظر عن الطريقة
ولا تنسين بعد كم يوم تصارحينه باللي ماعجبك ، عتاب احبة مووووو هوااااش ولا باسلوبك اللي قبل اقلب وجهك ومادري ايش ههههه
تراك زودتيها انتي بعد ، بس للحين اضحك على حركته يكلم اختك يبيك تجينه ومنسدح هههههههه ، حسيت انه السلطان سليمان 😂😂😂😂
غير كذا حتى لو مغرور تلقينه مااااصدق اختك تكلمه عشان يسوي قدامك اني عشان اختك سكت لك
لو هو صدق يبي يربيك على قولته وانه مو مهتم كان صرف اختك انه ايوه بارجع البيت وباكلمها .. الخ ، او حتى قالها لا تتدخلين
مو قام يدقدق على اختك وينها وخليها تجي ومادري ايش ، حتى هو ماصدق انها تتدخل وهالشي بصالحك
اول ماجاه خيط ممكن يخليكم تتصالحون وبنفس الوقت مايتنازل على طول مسكه
وهو اصلا اكيد انه بآخر الايام خلاص يبيك تجين ويبي يرضى بس يبي البداية منك
اول زعله كان زعلان من قلب ، وآخر الايام يبي يرضى بس يبيك تتحركين هههههه

ياقلبي ياوتساب انا ماقريت الردود انشغلت اشوي
المهم اللي فهمته الحمدالله عدت على خير يمي وعسى ربي يجعل
ايااااامكم فرح وسرور ومحبه وموده طول العمر
ولايفرق بينكم ابدا يارب ياكريم
حبيبتي انسي كل شي ولاتحطين بقلبتس والدنيا حلوه عيشها بسعاده
ارمي اي شي ضايقتس ورا ظهرك
الاكيد ننسى كل شي يكدر خاطرنا عشان نعيش براحه وامان
حبيبة قلبي انتي ربي يوفقتس ويسعدتس ويشرح صدرتس يمي
والف الف مبروووووك ماشالله لا اله الا الله استودعتك ربي

واتساب مبروك على الصلح والله يسخركم لبعض ويوفقكم
🌹🌹🌹🌹