اسلوب زوجي<< معاد فيني اتحمله

بدخل بالموضوع على طول زوجي كان يموت علي ويحبني حب غير طبيعي قبل الزواج طبعا لانه قريبي
بس امه ماكانت راضيه بي بس تزوجني بدون رضاها وسكنت بعيد عنها السنه الاولى من الزواج بعدين سكنت
جنبها وجاتك المشاكل وصارت حياتي نكد كل يوم لازم تدور سبب عشان تسوي معي مشكله بس عن طريق ولدها مو بوجهي ولقيت علي طريق اني تاخرت بالحمل وصارت تتكلم ع زوجي وصار زوجي يكره يجلس معي بالبيت عشان
لا يزعلني
بعد فتره من الله علي بالحمل وجبت ولدي وبعدنا في مشاكل مع ام زوجي
لدرجه صارت تقارن بيني وبين زوجة اخوه بكلام كذب وهو يصدقها يعني صار الكلام اللي تقوله امه يمشي
وانا كلامي كله كذب
الفتره الاخيره صار يمنعني من المناسبات الضروريه والواجب اروحها واذا كان في مناسبه قبلها باسبوع يشتغل موال النكد حقه وانا اطنشه واحاول ارضيه الين تعبت ومعاد اقدر استحمل هالاسلوب معه
لا اهتمام ولاكلام حلوو مثل الخلق ولا طلعات صرت سجينه في بيتي بصراحه افكر بالطلاق قبل اتورط واخلف
غير ولدي
بس حبيت قولكم سالفتي عسى لكم حل عندي
واسفه ع الاطاله