قصيميه بجده @ksymyh_bgdh

كبيرة محررات

اسماء الخادمات !!!!!!!!

السلام عليكم ورحمة الله وبركاته

اسم الشغاله

هالموضوع شاغل بالي كثير من ناحيتين ناحية رفض بعض الحريم لاسم الشغاله يكون مثل اسمها وناحية انها مسلمه وطبيعي تكون اسمائهم قريبه من اسمائنا

بس الي اشوفه مو فقط رفض الا عنصريه وانه حنا غير وهم غير للاسف يعني الشغاله مو بشر مثلنا!!

والي خلاني اقول هالكلام كثير لمن اروح عزايم ومناسبات الاقي العالم تتضايق من اسم شغالة فلان لانه على اسمها

واذكر مره وحده كنا بعزى وينادون الشغاله باسم مثل اسم مرت ولده قامت وتضايقت وقالت لاتسمونها ,,,, مثل فلانه مرت ولدي !!!

ووحده ثانيه غيرت اسمها لانه يشبه اسم اخته او بنت عمه

انا ماني ضد تغيير اسمها اذا كان اسمي واسمها مثل بعض لانه صعبه بنفس البيت فيه اسمين متشابهين

بس لو صارت مثل اسم اختي بنت خالي بنت جيراننا بخليه لان كل انسان يعتز باسمه وهي مسكينه تحس انها منبوذه

لو غيرنا اسمها او جايه من كوكب ثاني

لانه حصلت وتصادفت مع شغاله بنفس اسمي ببيت حمولتي بس ماحسيت بضيقه او قهر لانه مو ساكنه عندي دايما

مع انه الي حولي يلمحون لي وكل ماطرو اسمها يضحكون !!!! ولا ادري الناس هم مثلي او لا

ابي استفتاء هل هي صح او غلط؟؟

وهل يحق للخادمات الاحتفاظ باسمائهن ؟؟

ولو صار لك موقف ودخلتي بيت لقيتي شغالتهم مثل اسمك وش بيكون موقفك؟

بنات حبيباتي ابي استفتاء واراء مابي هواش :27:

يعني انتي ضد او مع واكيد بحترم اراء الاخرين

118

134K

يلزم عليك تسجيل الدخول أولًا لكتابة تعليق.

تسجيل دخول

Suga_n_Spice • 14 سنة

عادي وش فيها لو اسم الشغاله ع اسمي هذا الشي ما يضايقني ابدا كلنا عيال تسعه

المآآآآسة • 14 سنة

هلاااا اختي انامع تغيير الاسم اذاكان نطقه صعب مافيها شي لاغيرته وضد اني اغيره علشانه يشبهه اسم فلانه وعلانه

لمار الشرقي • 14 سنة

لالا طبعااا مو حلو يكون اسمها معروف عندنا
وخير ياطير لو غيرت اسمها ماصاار شي بالعكس ادلعها اكثر باسمائهن الحلوة كا مايا وماري وساتي 000 الخ

بقايا أمل .. • 14 سنة

لامااغيره
بس اذا كان صعب احرف فيه شوي

صبح الرشاش • 14 سنة

مع كرهي طبعاً للأندونيسيات
ماعندي مشكله لو يصير اسمها مثلي
وش صار في الدنيا !!
أما إذا كان اسمها غريب أنا مع تغيير الإسم
<جدتي الله يحفظها ويخليها جابت شغاله اسمها
شيشه
وقالت شيشه مابقى ألا هي عاد:blink:
وغيرته لــ نوره:biggrin: