خواتي
اجمل واحلى منتدى عندي هو منتدى حواء
والبنات اللي فيه تاجرات او زبونات كلهم اعتبرهم خواتي
لكن ..... احيانا تتلفظين بكلمة قاسيه تجرح انسانه .....بدون ما تحسين
او تظلمين او تشككين في امانة انسانه وصدقها ........ممكن تجرح وتؤذي وتؤلم
انا ما اقصد حد معين كل وحده تقرا لازم تحط في اعتبارها انها ممكن تتعرض لهالشي
وبالذات التاجرات لانهم فتحوا على نفسهم باب
احيانا نقول لازم نتحمل لانا دخلنا الكار بريولنا ماحد جبرنا
انا عن نفسي اعتبرها تسليه وتمضية وقت لانه عندي وقت فراغ كبير
لكن في بنات غيري الله يعلم بحالهم وحاجتهم للرزق
لو يابت وحده منتج وعرضته في المنتدى للبيع اكيد بتكون داخت السبع دوخات لين ما لقته
تطلع لها وحده تقول لها كلام يعور القلب
طيب ليش ... لو ما عيبتج البضاعه او السعر .... خلاص مب مجبوره تشترين :22:
الحين انتي يوم تدخلين محل وتقلبين الي فيه من بضايع لو عيبج بتشترين او بتحاولين تنزلين السعر بطريقه لايقه ولو ما عيبج بتطلعين بكل احترام.... عيل ليش تعاملين هذي الانسانه بهالاسلوب
في بنات ترسل لج رساله او تكلمج بالتيلفون وكأنها بتغنيج والغاني الله تكلمج بطرف خشمها او ترسل لج رسايل بعيده عن الاخلاق والاحترام
زين ليش هالاسلوب شو السبب ؟؟؟؟ شو خذت من عندج انا ليش المعامله هذي شو صار بيني وبينج
في ثار لاسمح الله او عداوه قديمه ؟؟؟
او تدخل وحده تقول لا تشترون عند فلانه كل الاغراض هذي لقيتها رخيصه في محل من المحلات وتحلف وكله كذب
وحتى لو صدق مب هذا الاسلوب يا ختيه يمكن التاجره هذي اشترت غالي
ولو في زياده بسيطه ما بتضر لانها بتوفر لج شي بدال ركضة السوق والبهدله
وبعدين تربحين بنت بلادج والا تربحين الاجنبي اللي عايش بينا وكل خيره يطلع برع البلاد
انا من كثر ما شفت من المنتدى لاعت جبدي واكثر من مره افكر اترك الشغله هذي رغم انها مب شغله انا اعتبرها تضييع وقت
انا في ناس خلاص مسحت اسمهم لانهم ما عندهم ذرة اخلاق ولا يعرفون اصول التعامل وانا مب مجبوره اتعامل معاهم
لكن لما تتصل بي انسانه محترمه وتكلمني بذوق واحترام
اغير رايي واحس ان الناس مازالوا فيهم .... شوية اخلاق
احترامي وتقديري للناس اللي يستاهلون الاحترام وبس:26:
اتمنى اشوف ردود تشرح الخاطر:)
وادعوكم خواتي الى الكلام الطيب اكيد مب لازم تشترين لكن قولي كلمة حلوه قولي الله يوفقج او الله يبارك لج او الله يفتح عليج ويرزقج الرزق الحلال
ما بتخسرين شي
شجعي زميلتج في تجارتها او طلعي من غير ما تنكدين على حد
يلزم عليك تسجيل الدخول أولًا لكتابة تعليق.
والله معااااااج حق في الي قلتي في بناااااااااااااااااااات
أبد مو ذوق في الكلام والتعاااااااامل وأنا تعرضن لهذا الشي من فتره
وبدون ذكر أسمااااااااااااااء بس والله عيب كلنا خوااااااااااات والي تحبينه
لنفسج حبيه لخواتج.....
واذا كان عندج ملاحظه أو نقد من شي ليش تكتبين على العااااااااااااام وتقطعين
رزق البنيه والله حرام اذا عندج ملاحظه طرشيلها رساله على الخااااص وكلميها بأدب وذوق....
يكون أفضل ولا شو رايكم؟؟؟؟
مشكوره أختي ~ pinkberry ~ على موضوعج ....
وأتمنى محد يزعل من كلامي.....
أبد مو ذوق في الكلام والتعاااااااامل وأنا تعرضن لهذا الشي من فتره
وبدون ذكر أسمااااااااااااااء بس والله عيب كلنا خوااااااااااات والي تحبينه
لنفسج حبيه لخواتج.....
واذا كان عندج ملاحظه أو نقد من شي ليش تكتبين على العااااااااااااام وتقطعين
رزق البنيه والله حرام اذا عندج ملاحظه طرشيلها رساله على الخااااص وكلميها بأدب وذوق....
يكون أفضل ولا شو رايكم؟؟؟؟
مشكوره أختي ~ pinkberry ~ على موضوعج ....
وأتمنى محد يزعل من كلامي.....
غتالي
•
السلام عليكم انا وياج في كل اللي قلتيه ...................ومافي شي احسن من معاملت الناس باحتراااااااااااام وسلامي على من كان طيب.السلام عليكم انا وياج في كل اللي قلتيه ...................ومافي شي احسن من معاملت الناس...
هيه والله اهم شي الاحترام والاسلوب الحلو في التعامل ..
السلام عليكم
صحيح إختي كلامج كله صح
والبنت اللي تعرض بضاعتها تتعب أكيد تاركه بيتها او دراستها وجايبه لنا البضاعه
المفروض نقدر هالتعب كله ..
يزاج الله ألف خير الغاليه
والله يوفق الجميع ويرزقهم يارب
صحيح إختي كلامج كله صح
والبنت اللي تعرض بضاعتها تتعب أكيد تاركه بيتها او دراستها وجايبه لنا البضاعه
المفروض نقدر هالتعب كله ..
يزاج الله ألف خير الغاليه
والله يوفق الجميع ويرزقهم يارب
حبيبتي ~ pinkberry ~ أصابع يدك مو كلها وحده .. بس أستغرب إنه هالشي يصير معاكي إنتي
ما شاء الله عليكي ولا قوة إلا بالله .. بنت أخلاق وأسلوب ومعامله راقي جدا .. وطيوبه وعسل وما أتوقع إنه في أحد تعامليه بكل هالمواصفات ممكن يعاملك بالعكس
ولكن .. مثل ما قالوا .. وإذا أنت أكرمت اللئيم تمردا ..
الله يرزقك على قد نيتك حبيبتي .. وما عليكي من الحساد والغيورين .. هذا بس من الحقد والغيره إلي في قلبهم .. وكل هذا ما إله إلا معنى واحد .. إنك أحسن منهم
الله يحفظك حبيبتي .. ولا تزعلي نفسك وتتركينا عشان ناس ما تسوى
ما شاء الله عليكي ولا قوة إلا بالله .. بنت أخلاق وأسلوب ومعامله راقي جدا .. وطيوبه وعسل وما أتوقع إنه في أحد تعامليه بكل هالمواصفات ممكن يعاملك بالعكس
ولكن .. مثل ما قالوا .. وإذا أنت أكرمت اللئيم تمردا ..
الله يرزقك على قد نيتك حبيبتي .. وما عليكي من الحساد والغيورين .. هذا بس من الحقد والغيره إلي في قلبهم .. وكل هذا ما إله إلا معنى واحد .. إنك أحسن منهم
الله يحفظك حبيبتي .. ولا تزعلي نفسك وتتركينا عشان ناس ما تسوى
الصفحة الأخيرة
انا وياج في كل اللي قلتيه ...................ومافي شي احسن من معاملت الناس باحتراااااااااااام
وسلامي على من كان طيب.